Read Biete JONA 4 Bible Online

JONA 4 - Biete bible

JONA 4

¹Kha thil khan Jona khah inlôm mak a, a ning a thik tâk a,

²Khanchu, PUMAPA ziangah khan a ṭongṭai a, “O PUMAPA, ki inkot ker kan ma renga ni ziangah, ama angkah chiaah hin thông ni ti, kî ti ni mak im a? Hi sikah hin kêng Tarsis tiang lâizâm kî tho khah; nang chu lungkhamna sip Pathian, thil ṭhano thlun rang nuam inoa, kuttum inrilêk nôk ngai ni nit iti kî riat a nit.

³Khasikah khan, O PUMAPA, atûnah hin ki ringna hih ne lah pêk rangin nang ki ngên; keima rangah hin idam nêkan ithi hih a ṭhat ual tâk,” a ti a.

⁴PUMAPA khan, “Ning ni înthik hih ni thon dik im a?” a ti a.

⁵Jona kha khopui ata khah a suak a, khopui sak tiang pangah khan â ṭhung a, amakhan dângdi a khôr a, khopui chunga thil zuang itlung rang khah imu tumin a dâilîmah khan â ṭhung ṭian tâk a.

⁶Khanungchu, PUMAPA Pathian khan ûm ân mông a, amakhan Jona lu rili a, a dengtheina ata inzôkna rangin a chung ridînah khan ân rizâm pêk a. Kha ûm dâilîm sikah khan Jona khah a lôm tak tak a.

⁷Khannisela, atûk kôlrisam kaneh chu Pathian thupêkin, rilung khan ûmrâng khah a fâk a, a thêm rizual chit tâk a.

⁸Khante, inî a hong suakin chu Pathianin sak ithli lum a tir a, inî khan Jona lu chu a em a, ithi lôk lôk kan a om tâk a. Khanchu, a ta rangin ithi a ngên tâk a, “Keima rangah hin idam nêkan ithi a ṭhat ual e,” a ti a.

⁹Nikhomsela, Pathian khan a ziangah, “Ûm râng chungchânga ning ni înthik hih â dik im a?” a ti a. Jona khan, “Ithi rang dôra ki ning ai thik hih kî thôn dik a nit,” a ti a.

¹⁰PUMAPA khan a ziangah, “Nî sôlpui khom ni no, ni înthuar khom ni no, zânka thlâka hong iom a, zânka thlâka boi nôk ûm hih ner ngaiinnat a.

¹¹Ninevi khua, khopui roinpui tak, a sunga mi nuaikah neh sînginika nêka tam naipang an voi kut neh an chang kut khom la thlei thei inohei neh ran lôm itam takka omna hih, lung ki înkham ino rang mani?” a ti a.