Read Biete RITEPNA 17 Bible Online

RITEPNA 17 - Biete bible

RITEPNA 17

¹PUMAPA khan Mosia ziangah,

²“Israela richihei iril roh; irol sômleiinikah, an panam lupui chitin irol khatkah chit an hong chôi chit rang a nit. An irol chitah khan an riming chit riziak inla,

³Levia chihei irolah khan chu Arona riming riziak roh. Namka ruaitu riming an irolah khan a chuang chit rang a nit.

⁴Ritongna Puan-Inah chôi inla, Thuthlung Bôm ma, nang ke sônna ngaiah khan seh roh.

⁵Khanungchu, ki mi rithlang khah tu tak im ai nit nin riat a, tute nin nuar khâi nona rangin ki mi rithlang irol khah ki încher rang a nit,” a ti a.

⁶Khanchu, Mosia khan Israelhei khah â ril a, nam ruaituhei khan irol khatkah chit an hong chôi a, a rêngkan irol sômleiinikah a nit; Arona rol khom khah an irol danghei lâiah khan an sia a.

⁷Mosia khan irol murdi khah Puan-In sung Thuthlung bôm maah khan a sia tâk a.

⁸Atûk zîngah chu Mosia khah Ritongna Puan-Inah khan a fe a; Arona rol Levia panamhei riminga irol khah a hong cher a, a hong rimuam a, a hong pâr a, almon a hong irâ a.

⁹Mosia khan PUMAPA ma ata irol murdi khah a chôi suak a, Israela richihei khah ân mu a. An en zoiin chu ruaitu tinin an irol chit khah an lâk a.

¹⁰PUMAPA khan Mosia ziangah, “Thuthlung Bôm maah Arona rol khah seh nôk roh; Israel mi, rihel isong mai ngaihei hih, an nuar nôkin chu an ithi rang a nit iti inriatna rangin Arona rol khah Thuthlung Bôm kôlah khan ni sia mai rang a nit,” a ti a.

¹¹PUMAPA thupêk angkah khan Mosia khan a tho tâk a.

¹²Israela richihei khan Mosia ziangah, “Ringai ta, khangkan a nitin chu kin iram zoi rang a nit hi.

¹³Ritongna Puan-In hong inâi kangân lak chu an thi thiai mai a; kin irmang zoi riai rang titak a nit hih?” an ti a.