Read Biete RITEPNA 29 Bible Online

RITEPNA 29 - Biete bible

RITEPNA 29

¹“Thla sarina, a sûn khatnî-ah khan inkhômpui rithiang nei nin ta; sin îte nin tho rang ni mak. Hi nikhuaah hin bekul nin tum rang a nit.

²PUMAPA ta ranga namhoin hâlrivâm thillan lan nin ta; serâtchaltuai khatkah, berachal khatkah, kumka mi beratuai sarikah, demnaboi korong ilan rang a nit.

³Kha rualah khan Bubâl thillanin baidi ṭha chi oliv riak neh inripol, serâtchaltuai khatkah hin baidi her ithumkah, berachal khatkah hin baidi her inikah,

⁴beratuai ikipah hin baidi herkah chit nin lan rang a nit.

⁵Khabanah mipuihei ranga rithârna siamna rangin sual ribôlna thillanin kêlchal khatkah nin lan rang a nit; khangkah khan mipui sual chu nin thâr rang a nit.

⁶Khahei khah thla thar hâlrivâm thillan neh bubâl thillan ngai neh kôlnisua kipa hâlrivâm thillan neh bubâl thillan ngai neh uain thillan hei tep iloia nin lan rang a nit. Kha thillan inam khan PUMAPA chu a înlôm ngai a nit.

⁷“Thla sarina, a sûn sômnî-ah khan inkhômpui rithiang nei nin ta; bu ngei nin ta, sin îte nin tho rang ni mak.

⁸PUMAPA ta ranga namhoi, hâlrivâm thillan khah nin lan rang a nit: serâtchaltuai khatkah, berachal khatkah, kumka mi beratuai sarikah, demnaboi korong nin lan rang a nit.

⁹Khahei rualah khan Bubâl thillanin baidi ṭha chi, oliv riak neh inripol; serâtchaltuai khatkah hin baidi her ithumkah, berachal khatkah hin baidi her inikah,

¹⁰beratuai ikipah hin baidi herkah chit nin lan rang a nit.

¹¹Khabanah mipuihei ranga rithârna siamna rangin sual ribôlna kêlchal nin ilan ngai neh kôlnisua kipa hâlrivâm thillan neh bubâl thillan neh uain thillan banah khan sual ribôlnan kêlchal khatkah nin lan sa rang a nit.

¹²“Thla sarina, a sûn sômleiringanî-ah khan inkhômpui rithiang nei nin ta, sin îte nin tho rang ni mak a, sûn sarika sung chu PUMAPA chôiinrisângin kût nin mang rang a nit.

¹³A sûn khatnî-ah khan PUMAPA ta ranga namhoi, hâlrivâm thillan nin lan rang a nit: serâtchaltuai sômleiithumkah, berachal inikah, kumka mi beratuai sômleiilikah, demnaboi korong nin lan rang a nit.

¹⁴Khahei lan rualah khan Bubâl thillanin baidi ṭha chi, oliv riak neh inripol; serâtchal khatkah hin baidi her ithumkah, berachal khatkah hin baidi her inikah,

¹⁵beratuai khatkah hin baidi herkah chit nin lan rang a nit.

¹⁶Sual ribôlna thillanin kêlchal khatkah khom nin lan sa rang a nit. Kôlnisua kipa hâlrivâm thillan neh bubâl thillan ngai neh uain thillan tep loiin nin lan rang a nit.

¹⁷“A sûn niknî-ah khan hâlrivâm thillanin serâtchaltuai sômleiinikah, berachal inikah, kumka mi beratuai sômleiilikah, demnaboi korong nin lan rang a nit.

¹⁸Khahei ruala lan ngai bubâl thillan neh thillan danghei murdi chu a sûn khatnîa angkah ngaingirin nin lan rang a nit.

²⁰“A sûn thumnî-ah khan hâlrivâm thillanin serâtchaltuai sômleikhatkah, berachal inikah, kumka mi beratuai sômleiilikah, demnaboi korong nin lan rang a nit.

²¹Khahei ruala lan ngai bubâl thillan neh thillan danghei murdi chu a sûn khatnîa angkah ngaingirin nin lan rang a nit.

²³“A sûn linî-ah khan hâlrivâm thillanin serâtchaltuai sômkah, berachal inikah, kumka mi beratuai sômleiilikah, demnaboi korong nin lan rang a nit.

²⁴Khahei ruala lan ngai bubâl thillan neh thillan danghei murdi chu a sûn khatnîa angkah ngaingirin nin lan rang a nit.

²⁶“A sûn ringanî-ah khan hâlrivâm thillanin serâtchaltuai ikuakkah, berachal inikah, kumka mi beratuai sômleiilikah, demnaboi korong nin lan rang a nit.

²⁷Khahei ruala lan ngai bubâl thillan neh thillan danghei murdi chu a sûn khatnîa angkah ngaingirin nin lan rang a nit.

²⁹“A sûn ruknî-ah khan hâlrivâm thillanin serâtchaltuai iriatkah, berachal inikah, kumka mi beratuai sômleiilikah, demnaboi korong nin lan rang a nit.

³⁰Khahei ruala lan ngai bubâl thillan neh thillan danghei murdi chu a sûn khatnîa angkah ngaingirin nin lan rang a nit.

³²“A sûn sarinî-ah khan hâlrivâm thillanin serâtchaltuai sarikah, berachal inikah, kumka mi beratuai sômleiilikah, demnaboi korong nin lan rang a nit.

³³Khahei ruala lan ngai bubâl thillan neh thillan danghei murdi chu a sûn khatnîa angkah ngaingirin nin lan rang a nit.

³⁵“A sûn iriatnîa khan chu inkhômpui rithiang nei nin ta; sin îte nin tho rang ni mak e.

³⁶“PUMAPA ta ranga namhoi, hâlrivâm thillanin serâtchaltuai khatkah, berachal khatkah, kumka mi beratuai sarikah, demnaboi korong nin lan rang a nit.

³⁷Khahei ruala lan ngai bubâl thillan neh thillan danghei murdi chu a sûn khatnîa angkah ngaingirin nin lan rang a nit.

³⁹“Khahei khah ṭonginkung lenna thillan hei, ngaihoi thillan hei, hâlrivâm thillan hei, bubâl thillan hei, uain thillan hei, ringeina thillan hei bana a hunbi neia ruaiṭhe nî-a PUMAPA zianga nin lan rang chu a nit, ti roh,” a ti a.

⁴⁰Khanchu, PUMAPA thupêk murdi kha Mosia khan Israelhei khah â ril tâk a.