Read Biete RITEPNA 35 Bible Online

RITEPNA 35 - Biete bible

RITEPNA 35

¹Jeriko ridîn, Jordan rikam, Moab phâizôlah PUMAPA khan Mosia ziangah,

²“Israela richihei khah thu pen la, an ram dong sungah khan Levia chihei omna rang khopui ṭhenkah an pêk ngêt rang a nit a; khopui kôlvêla an ran vâina rang munhei khom an pêk sa rang a nit.

³Kha khopuihei khah Levia chihei ta nîng a ta, amakhan an om rang a nit. Ran vâina rang munheiah khan an sialhei, an kêlhei, an berahei an inlêng rang a nit.

⁴Khopui kôlvêl ran vâina mun khoi rang dôr chu kho kulpui ata kil tinah mûk sângka rizat a nit rang a nit.

⁵Khanchu, ran vâina rang mun iôl khah sak tiang mong ata thlang tiang mong khah mûk sânginikah nîng a ta, sim tiang mong ata mâr tiang mong khom mûk sânginikah nîng a ti; ân lâina takah khua khah a om rang a nit.

⁶Levia chihei nin ipêk khua rukkah kha chu chângripala mi nalisattuhei tlân lûtna rang khuaa mang rang a nit a. Khabanah khan kho sômilika khua nikah nin pêk sa rang a nit.

⁷Levia chihei nin pêk rang khua murdihei chu khua sômilikah khua riatkah nîng a ta; ran vâina munhei khom nin pêk rang a nit.

⁸Israela richi nam tinin Levia chihei omna rang khua nin pêk rang dân chu nin ram dong lian dân izirin nîng a ti; â lian ual idongin pen tam ual nin ta, â chîn ual idongin nin pêk inroi ual rang a nit,” a ti a.

⁹PUMAPA khan Mosia ziangah,

¹⁰“Israela richihei ziangah Jordan dung nin rikan a, Kanan ram nin tlung tikah khan,

¹¹chângripala mi nalisattuhei tlân lûtna rang zôkna khuahei nin bîk rang a nit.

¹²Mithi insungkuahein phuba lah ranga an zong lâia mi thattu ribîkna rang nîng a ti. Kha mi thattu khah mipui makungah a roi irêl pêk ranga â ding mâkah chu that iloi rang a nit.

¹³Khua rukkah bîk unla,

¹⁴Jordan râl nisua tiang pangah khua thumkah, Kanan ramah khua thumkah bîk rei.

¹⁵Israel mihei, ram dang mihei neh nam dang nin zianga omhei ta rangin hi khopui irukkahei hih zôkna khopui nîng a ti. Tukhom chângripala mi that duai murdi ribîkna mun nîng a ti.

¹⁶“Khannisela thîr manih, lung manih, thing manih imanga mi a thatin chu mi that a nit a; kha mi kha chu ithat ngêt rang a nit.

¹⁹Mi thattu chunga phuba lâkna chu mi thi suapui rinâipui takin a muna takah mi thattu khah that a ti.

²⁰“Mi khatkan mi dang tu manih a nel sikin a nam inlîr thei a; lei ridîpin a dêng thei a;

²¹a kut fûrin archûm thei a; khangkana mi kuttum ituangtu khah a thi duaiin chu kuttum ithotu khah mi that a nit a, kha mi khah ithat ngêt rang a nit. Thisen phuba lâkna chu mithi suapui rinâipui takin mi thattu khah a muna takah a that rang a nit.

²²“Khannisela, rinel sik ni ual loia chângripala mîn tu manih a nam rak thei a; ridîp ni loiin mi a dêng duai thei a; â râl khom ni no, a ningsiat isin itum khom ni loia, chângripala mi a that duaiin chu,

²⁴khangkah thilah khan chu mipuihein mi thattu tiang ithlêkin dân angkan roi kha an rêl pêk rang a nit.

²⁵Mipuihei khan mi thattu khah thisen phuba latu ata khah inzôk an ta, â tlân lûtna zôkna khuaah khan in-om nôk an ta, thiampu lal nit lâi thi dênin kha munah khan a om rang a nit.

²⁶Khannisela, tiklâi khomin mi thattu khan â tlân lûtna khopui khah a mâkin chu,

²⁷thisen phuba latu khan zôkna khopui putiang a mu a, a lei that khomin mithata ibe ni no nih.

²⁸Kha mi thattu khah thiampu lal a thi mâkah chu zôkna khopuiah khan a om mai rang a nit; khannisela, thiampu lal khah a thi nung tenan chu mi thattu khah a omna ramah khan kîr nôk thei tâng a ti.

²⁹Hi dân hih nin richi suanpârhei idêna nin omna murdia kumkhuaka nin mang rang a nit.

³⁰“Tukhomin mi a thatin chu riatpuituhei bâia thu suaka rithokin ithat rang a nit; thu riatpuitu khatkah bang thu ringotin chu mi thatna rangin a înrup ino a nit.

³¹Mithattu chu ritlan rang ni mak a, thina khopa thiamno chang a nit a, ithat ngêt rang a nit.

³²Zôkna khopuiah â tlânin chu, kha lâia thiampu lal thi mâkah chu a omna khua luia kîr nôk ranga ritlan iphal rang ni mak.

³³Nin phalin chu nin omna ram khah nin înbor rang a nit. Thisen isuak khan ram inbor a ta, thisen suakna ram inim thârna rangin chu mithattu thisen ringot ninon chu inrithiang nôk thei ni mak e.

³⁴Ki ram, nin omna ram khah nin inbor rang ni mak, keimah PUMAPA hi ki mi Israela richihei lâiah kî om mai ngai a nit,” a ti a.