Read Biete RITEPNA 7 Bible Online

RITEPNA 7 - Biete bible

RITEPNA 7

¹Mosian Ritongna Puan-In ân ding zoiah khan, Puan-In neh a tinmatua rêng rêng khah mâichâm neh a bûrbêl murdihei neh khan riak a nâl a, a thâr inrithiang a.

²Israel nam ruaitu, lupuia an inei, riteppui ithotuhei khah an hong a, thillan an hong chôi a,

³PUMAPA maah an thilpêk khah an hong lan a: an thilpêkhei chu tâli a chung inei irukkah neh serâtchal sômleiinikah a nit, ruaitu inikan tâli khatka chit neh ruaitu khatkan serâtchal khatkah chit an hong itum a nit. An hong lan zoiin chu,

⁴PUMAPA khan Mosia ziangah,

⁵“Puan-In sinthonaa mang rangin hi thilpêkhei hih lei lah roh; sin an tho rang dân izirin Levia chihei ziangah ni sem pêk rang a nit,” a ti a.

⁶Khanchu, Mosia khan tâlihei neh serâtchalhei khah a lâk a, Levia chihei a sem pêk a.

⁷Tâli inikah neh serâtchal ilikah kha Gersona panamhei ziangah an sin zir lam takkan a pêk a.

⁸Tâli ilikah neh serâtchal iriatkah kha Meraria panamhei ziangah an sin zir lam takkan a pêk a. Thiampu Arona naipa Ithamara ruaina nuaiah sin murdi kha an tho rang a nit.

⁹Kohatha panamhei khan chu rangtum nei mak a; thil rithianghei chungchânga an tho tum bîk khah an dâra rizôn rang a nit sikin Mosia khan anni chu ai pêk sa no a nit.

¹⁰Ruaituhei khan mâichâm thâr inrithiang lômnan thilpêkhei an hong chôi a. An thilpêkhei mâichâma lan ranga an risiam zoi diamin chu,

¹¹PUMAPA khan Mosia ziangah, “Ruaitu tinin mâichâm lanna ranga an thilpêk chu ân dotin sûn sômlei sûn nika sung nîn tin ruaitu khatkah chitin an lan rang a nit,” a ti a.

¹²Thillan an hong lan ridot dân chu hingka hin a nit: A sûn masa takah khan Juda nama ruaitu Aminadaba naipa Nasona khan thilpêkhei khah a hong lan a. A sûn niknî-ah khan Isakara nama ruaitu Zuara naipa Nathanela khan thilpêkhei khah a hong lan a. A sûn thumnî-ah khan Zebuluna nama ruaitu Helona naipa Eliaba khan thilpêkhei khah a hong lan a. A sûn linî-ah khan Reubena nama ruaitu Sedeura naipa Elizura khan thilpêkhei khah a hong lan a. A sûn ringanî-ah khan Simeona nama ruaitu Zurisadaia naipa Selumiela khan thilpêkhei khah a hong lan a. A sûn ruknî-ah khan Gada nama ruaitu Deuela naipa Elisafa khan thilpêkhei khah a hong lan a. A sûn sarinî-ah khan Efraima nama ruaitu Amihuda naipa Elisama khan thilpêkhei khah a hong lan a. A sûn riatnî-ah khan Manasea nama ruaitu Pedazura naipa Gamaliela khan thilpêkhei khah a hong lan a. A sûn kuaknî-ah khan Benjamina nama ruaitu Gideonia naipa Abidana khan thilpêkhei khah a hong lan a. A sûn sômnî-ah khan Dana nama rua(...)

⁸⁴Mâichâm lannaa Israel ruaituhein thil an hong ilan murdi chu a rêngkan: Tangkarua khêng sômleiinikah neh tangkarua tâbor sômleiinikah, a rik dân chu her sôminikah sarikah neh gram rizarukka rik; namhoia sip rângkachak khêngte sômleiinikah, a rik dân chu herkah neh gram rizathumka sôminikah rik; hâlrivâm thillan rang serâtchal sômleiinikah, berachal sômleiinikah, bera tuai kumka mi sômleiinikah neh kha ruala lan sa ngai baidi thillan hei; Sual ribôlna rang kêlchal sômleiinikah; Ringeina thillan rang serâtchal sôminika ilikah, berachal sômirukkah, kêlchal sômirukkah, bera tuai kumka mi sômirukah a nit.

⁸⁹Mosia kha PUMAPA sôn rangin Ritongna Puan-In a lût a, Thuthlung bôm sînga Cherub inikahei kâra rithokin PUMAPA khan ani khah a zuk isôn a, rôl khah a riat tâk a.