Read Biete MIKA 1 Bible Online

MIKA 1 - Biete bible

MIKA 1

¹Judai ramah Jothama hei, Ahaza hei, Hezekia hei inlal lâia Moreset kho mi Mika zianga PUMAPA thu zuang itlung, Samaria neh Jerusalem chungchâng thu PUMAPA înmu chu amahih a nit.

²Nangni nam tin tinhei o, nin rêngkan reh unla; O rinêng chunga om murdihei, ringai rei. PUMAPA Pathian chu a biak in rithianga rithokin, Nangmani demna thu ai ril a nit.

³Ringai ta u, PUMAPA chu mun rithianga rithokin a zuang tâk; Zuang ṭum a ta, tlâng risânghei chungah khan lôn a ti.

⁴Mei kôla khuailu ai zôi ngai angkan itlânghei kha a ke nuaiah khan zôi an ta; Tlâng panga tui iluang rikho ngai angkan, Vakuangheiah khan luang zut zut a ti.

⁵Hihei murdi hih Jakobhei siatna sik neh Israelhei sualna sika a nit. Jakobhei siatna bul khah takâm ai nit? Samaria khuaah ni mak im a? Judai ram mirmil chubai ûnnahei hih im a bul? Jerusalem khua ni mak im a?

⁶Khasikin, PUMAPA khan, “Samaria kha khoram thil isia ribuk khômna munin siam ki ta, amakhan grep phun an ti. Khopui lunghei khah phâizôlah inlum pai ki ta, khopui lungphûmhei khom khah isehchit ki ti.

⁷A pathian rilim murdi khah ito rinôi chitin om a ta, a Tempil nochizuar lohei kha meiah ihâl riai nîng a ta, a mirmilhei murdi khah mangmunboi chang a ti. Hihei murdi hih Samaria khan nochizuar mana ai lâk bûm a nit a, mi dangin nochizuar man rang ngirin lah pêk an ti,” a ti a.

⁸Khanungchu, Mika khan, “Hi sikah hin sûn ki ta, ṭâ ngûi ngûi ki ti. Ki ngaisiat inlangna rangin ke khorongin neh korongboin lôn vêl ki ti. Sihal angkan irung ki ta, varingseihei angkan irâm ki ti.

⁹Samariahei popliamna khah indam thei ni khâi mak; Judai ram khom kha angkah khan ai tuang rang tâk a nit; siatna khan ki mihei omna Jerusalem kotpui ngêi khah a tlung tâk,” a ti a.

¹⁰Gath khuaa ei irâlhei kuta inêa ei om thu ril no unla; ei ṭap mêl khom mu no riseh. Beth-le-Afra mihei o, vâivutah itâl rei.

¹¹O Safir mihei, korongboi neh izak takkan fe rimang rei. Zanan khuaa omhei kha an khuaa rithokin hong suak ngam mak a. Beth-Ezel mihei lungzînga rung nin riatin chu kha munah khan ribîkna omak iti riang nin ti.

¹²PUMAPA zianga rithoka siatna natinsat khan Jerusalem kotpui bul a tlung tâk sikin. Maroth muna mihei khan zôkna zoro ngâkmo takkan an thlîr.

¹³O Lakisa omhei, tâliah khan sakorhei kha ikhop rei; nangmah hi Zion nainu sualna bul ni nit a, Israelhei siatna kha nangmaa suak a nit.

¹⁴Khasikah khan atûn chu, Juda mihei, Moreseth-gath khua ziangah khan, “Om ta roh” itin rithlâna ṭong ni pêk rang a nit. Akzib mihei kha Israel rênghei ilêmtu an nit.

¹⁵O, Maresa mihei, PUMAPA khan irâlhei kutah nang ai pêk rang a nit, nangmah nang ineitu ranghei kut ngêiah khan; Israel ruaitu lianhei khah fêng an ta, Adulam ipûkah khan ribîng an ti.

¹⁶Juda mihei, nin nai lungthlung takhei sikah khan nin lu mêt inkol rei; vasatel angkan inkol vang rei; nin naihei kha nin zianga rithokin bôia tâng rangin iṭhuiin an iom rang tâk a nit.