Read Biete MATHAIA 1 Bible Online

MATHAIA 1 - Biete bible

MATHAIA 1

¹Hihei hih Abrahama richi, Davida richia Jisua Krista richibulhei chu an nit:

²Abrahaman Isaka a nei a; Isakan Jakoba a nei a; Jakoban Juda neh a unaihei a nei a.

³Judan Tamari ata Pereza neh Zera a nei a; Perezan Hezrona a nei a; Hezronan Arama a nei a.

⁴Araman Aminadaba a nei a; Aminadaban Nasona a nei a; Nasonan Salmona a nei a.

⁵Salmonan Rahabi ata Boaza a nei a; Boazan Ruthi ata Obeda a nei a; Obedan Jesaia a nei a.

⁶Jesaian rêng Davida a nei a; Davidan Uria nupui ata Solomona a nei a.

⁷Solomonan Rehoboama a nei a; Rehoboaman Abija a nei a; Abijan Asa a nei a.

⁸Asan Jehosafata a nei a; Jehosafatan Jorama a nei a, Joraman Uzia a nei a.

⁹Uzian Jothama a nei a; Jothaman Ahaza a nei a; Ahazan Hezekia a nei a.

¹⁰Hezekian Manasea a nei a; Manasean Amosa a nei a; Amosan Josia a nei a.

¹¹Babilon tiang suaka an ṭhui lâi vêlah khan Josian Jekonia neh a unaihei a nei a.

¹²Khante, Babilon tiang suaka an ṭhui nungin Jekonian Sealtiela a nei a; Sealtielan Zerubabela a nei a.

¹³Zerubabelan Abiuda a nei a; Abiudan Eliakima a nei a; Eliakiman Azora a nei a.

¹⁴Azoran Zadoka a nei a; Zadokan Akima a nei a; Akiman Eliuda a nei a.

¹⁵Eliudan Eleazara a nei a; Eleazaran Mathana a nei a; Mathanan Jakoba a nei a.

¹⁶Jakoban Josefa, Mari pasal khah a nei a; kha Mari [1] a khan Jisua, Mesia an iti hih a zuang isuak a nit.

¹⁷Khaangkan, Abrahama rithokin Davida tenan rikhûk sômleiilikah a nit a; Davida rithokin Babilon tiang suaka an ṭhui tenan rikhûk sômleiilikah a nit a; khantaka rithoka Mesia suak tenan rikhûk sômleiilikah a nit.

¹⁸Jisua Krista zuang suak tlia chu hingka hin a nit. A nu Mari khah Josefa neh an rihual a, an lar nei man, Rithla Rithiangin nai ân vong a.

¹⁹A pasal rang Josefa khah mi fel tak a nit a, vântlâng riata mualphoi isak nuam mak a, inrûkkan imah zâi a tum a.

²⁰Kha thu khah a ngaitua lâiin armangin Pumapa vântirtôn khatkah a ziangah a zuang inlâr a, a ziangah, “Josef, Davida naipa, Mari hih nupuia nei ṭi no roh; a nai vong hih Rithla Rithianga rithok kêng ai nit.

²¹Naipa nei a ta, arming Jisua ni sak rang a nit; ani khan a mihei an sual ata ai saninring rang a nit,” a ti a.

²²Pumapan zânthla bâia, “Nungâk rithiang khatkah nai vong a ta, naipa nei a ta, arming Imanuela sak an ti,” itia a lei îsîr khah a hong tlung idik theina rangin khahei murdi khah a hong iom a nit. (Imanuela chu, “Ei ziangah Pathian a om,” itina a nit).

²⁴Khanchu, Josefa khah a thoi a, Pumapa vântirtônin a ti pêk lam angkan Mari khah a nei tâk a.

²⁵Khanniseh, a nai vong khah a nei mâkah chu pôl mak e. Khante, Josefa khan arming chu Jisua a sak tâk a.