Read Biete 1 KORINTH 1 Bible Online

1 KORINTH 1 - Biete bible

1 KORINTH 1

¹Paula, Pathian lungdoa Jisua Krista tirtôn inih ranga koi neh, ei suapuipa Sosthena khan,

²Korinth khuaa Pathian koindang iom, Pathian mi rithiang inih ranga koihei, Krista Jisuaa inrithianghei neh mun tina ei Pumapa Jisua Krista, anmani neh eimani Pumapa, riming rilam murdi chibai nangni kin bûk.

³Pathian ei Pa neh Pumapa Jisua Krista ziang ata lungkhamna neh ringeina nin ziangah om riseh.

⁴Pathianin Krista Jisuaa lungkhamna nangni ai pêk sikah khan nin chungrichânah ki Pathian ziangah tiklâi khomin lômthu ki ril mai ngai.

⁵Amah neh rizomin lam tinrêngah inrichong nin nit a, thu-ah neh riatna murdiah ithuarin nin om a,

⁶Krista thu khah nangmaniah rizung idet tak a kâi tâk a;

⁷khanchu, ei Puma Jisua Krista zuang inlâr nin ngâk sungah hin rithla tiang thilpêk îte risam mak chei a.

⁸Ei Pumapa Jisua Krista Nikhuah khan khom sêlnaboia nin omna rangin a mong idênin ani khan nangni indet a ti.

⁹A Naipa, ei Puma Jisua Krista, pôlnaa nangni koitu Pathian khah ai iamom a nit.

¹⁰Suapuihei o, ei Puma Jisua Krista rimingin nin rêngkan nangni kî ngên a nit, nin lâiah inṭhenna reng om loiin inrual takkan om unla, lungril inpum tak neh tumna khatka neiin nin rêngkan om rei.

¹¹Ki suapuihei, nin lâiah ringei nona a om iti Kloii inmihein ifel takkan an ne ril a.

¹²Hingka hin lei ti rong, nin rêngkan nin ti lam a thlei chit a. Mi tinin, “Kei chu Paula pôl ki nit, kei chu Apolova pôl ki nit, kei chu Kifa pôl ki nit, kei chu Krista pôl ki nit,” nin ti chit a.

¹³Krista khah iṭhenin ai om[1] mani? Nin ta ranga krosa thi khah Paula mani? Paula rimingin baptisma nin ichang mani?

¹⁴Nin lâiah Krispa neh Gaia ti no chu tute ki baptis no sikin Pathian ziangah lômthu ki îsîr a nit.

¹⁵Khasikin, tutên keima riminga baptisma chang angkan nangni ti thei no nih.

¹⁶A nit, Stefana neh a inmihei khom kha chu ki baptis a; kha mihei ti no chu mi dang kî baptis an om im reh mang e.

¹⁷Krista khan baptis rangin ne tir mak a. Thurchi Ṭha sîr rangin a ne itir a nit. Miriam thuvâr imanga sîr rangin ne tir mak; khanonchu, Krista krosa a thina hih chanlamboiin an ringai duai lôiin.

¹⁸Kros thu hih armang thiaihei ta rangin chu invêtna a nit a; khanniseh, eimani saninring thiaia omhei ta rangin chu Pathian sinthotheina a nit.

¹⁹“Mi vâr vârna chu inboi riai ki ta Mi thiam thiamna chu pai vang ki ti,” iti Pathian thubu-ah riziak a nit.

²⁰Mi vâr khah takâm ai om? Mi thiam khom khah takâm ai om? Hi rammuala ṭongseirisiak ithiam khom khah takâm ai om? Pathianin hi rammual vârna hih intlona a nit iti ân lang tâk.

²¹Miriamin an vârna mangin Pathian an mu thei khâi no nungin Pathian vârnaa thusîr inmôl tak imanga â iamtuhei saninring khah Pathian lungdo tak a nit.

²²Judahein risin an zong a, Grikhei khomin vârna an zong ngai.

²³Keini rêkin chu Krista ihêmdea a om thu khah kin îsîr ngai a nit; amakhah Judahei ta rangin ibâna a nit a, Jentailhei ta rangin intlona a nit.

²⁴Khanniseh, Juda mo, Grik mo Pathianin ai koihei ta rangin chu Krista khah Pathian vârna neh sinthotheina a nit.

²⁵Pathian intlôkna khah miriam vârna nêkan a vâr ual a, Pathian râtnona khom miriam râtna nêkan a rât ual sikin.

²⁶Suapuihei, Pathian nangni koina hih ngaitua ta u, taksa tianga mi vâr itam takka hei, mi rât itam takka hei, mi ṭha itam takka hei ikoi an nit no tlia hi.

²⁷Pathianin mi vârhei mualphoi a sak theina rangin rammual ringaia mi invêthei arthlang a, mi râthei mualphoi a sak theina rangin rammual ringaia mi dôkhei arthlang tâk.

²⁸Khante, thil om isahei khah chanlamboi ân chang theina rangin rammualin thil ai musit neh a îndôi hei, thil om inohei ten neh khan Pathianin arthlang tâk a.

²⁹Khasikin, Pathian makungah tute risong thei no nih.

³⁰Nikhomseh, nangni chu, Pathian zârah Krista Jisua khan nin om tâk a; Krista khah Pathian ziang ata ei ta rang vârna hei, thiamchangna hei, rithiangna hei neh ritlanna hei a hong nit tâk.

³¹Khasikin, Pathian Thubu iti angkan, “Â song nuam kan Pumapa chu song riseh.”