Read Biete 1 KORINTH 8 Bible Online

1 KORINTH 8 - Biete bible

1 KORINTH 8

¹Atûn, mirmil zianga ribôlna thil ifa chungchâng thu kha chu: Ei rêngkan riatna ei nei seng iti ei riat a. Nikhomseh, khangkana riatna khan chu mi ân ripâk ngai a, lungthlungna khan chu mi a siam inṭhat ngai.

²Tukhomin thil riatna neiin arben chu a riat rang lam angkan chu a lai riat ino a nit.

³Nikhomsela, mi tukhomin Pathian lung a thlungin chu kha mi khah Pathian mi riat a nit.

⁴Khaangkan mirmil zianga ribôlna thil ifa chungchângah chu, rammualah hin mirmil rêng rêng hih îte an nit no tlia neh, Pathian khatkah bang ti no chu pathian dang zel omak iti chu ei riat.

⁵Rivânah manih, rinêngah manih, pathian riming riput itam takkah om khom seh, khangkana pathian itam takkah neh pumapa itam takkah an iom pial a nit.

⁶Khanniseh, eini ta rangin chu Pathian khatkah[7] bang, Pa, thil tinrêng isiamtu khah a om a; eini khom ama ta ranga om ei nit; khante, Pumapa khatkah bang, Jisua Krista khah a om a; ama sikin thil tinrêng isiam a nit a, eini khom ama zâra om ei nit.

⁷Nikhomsela, kha thutak riatna khah mi murdi ziangah om ual mak, atûn tenah hin mi ṭhenkah mirmil ibeh ngaiinzong an nit sikin an thil fâk khah mirmil zianga ribôlna thil angkah taka ben an fâk ngai a; an sia neh ṭha riatna khah a rât no sikin, kha fâk khan a înnim tâkin an ribe ngai.

⁸Khannisela, ei thil fâk hin Pathian mit nen tlung ual no nih; fah no khom eila seh ual no min a, fah khom eila ṭha ual no min e.

⁹Nikhomsela, ridîn rei, kha non chu nin zalenna hi iamnaa rât inohei ta rangin ibâna chang duai a ti.

¹⁰Nangmah riatna nei mi, mirmil biakna ina khalai ni ot lâi, mi a sia neh ṭha riatna rât rak ino khan nang mu sela, mirmil zianga ribôlna thil ifa a hong ingam ino rang im ai nit?

¹¹Khangkan a nitin chu ni riatna khah iamtu rât ino, ni suapui, a thi sik Kristan ai thi pêk ta ranga rimangna ai chang rang a nit.

¹²Khangkah khan suapuihei chungah thônsuala, an sia neh ṭha riatna a rât no pa sapah, nin iphop pêkin chu, Krista chungah thil nin ithônsual a nit.

¹³Khasikin, fâknêkin ki suapui sualah an bân chu, ki suapui khah ken bâ nona rangin kumkhuakan sa rêng rêng fah tlak khâi no ning e.