Read Biete 2 KORINTH 3 Bible Online

2 KORINTH 3 - Biete bible

2 KORINTH 3

¹Mahnia ripâk ei iphut nôk tâk mani? Anitnole, mi dang ṭhenkahei angkan rilinṭhatna lekha kin hong chôi manih, nin ziang ata kin lâk manih ai nang tâk mani?

²Nangmani hi kin lekhathon, kin lungrila riziak, mi tin riat rang neh tep rang chu nin nit.

³Nangmani hi Krista lekha, keimani a ne înriziak, chiaia riziak ni no, Pathian iring Rithlaa riziak, lungphêka riziak ni no, miriam lungrila riziak chu nin nit iti ifel takkan a îlang a nit.

⁴Krista zârin khangkah takah khan Pathian kin iiam a nit.

⁵Keimani ringotin chu hi sin itho rangah hin tlukna nei mang ung a, keimani itho itia sîr rang khom îte omak e. Kin tluk theina chu Pathiana rithoka a nit.

⁶Ani khan Thuthlung Thar sinthotuhei inrupin a ne siam a, amakhah Dân, horopa riziak angkah kha ni mak a; Thuthlung Thar, Rithlaa riziak kha a nit. Dân, horopa riziak khan thina a thlun ngai a, Rithlaa riziak khan chu ringna ai pêk ngai a nit.

⁷Mosia mêl ivâr â ṭuai tîr tîr ilua Israel naihei khan en ngit ngam thei mak a; lungphêka horopa riziak, Dân, imang a nit a, thina thluntu lua khangkah taka roinpuin a zuang tlungin teh,

⁸Rithla sinthona khah ingkah dôra roinpui im ai nit rang tâk na!

⁹Thiam nona thlun ngai sinthona lua man a roinpuin teh, thiamchangna thlun ngai sinthona khah ingkah dôra roinpui ual im ai nit rang tâk na!

¹⁰Khangkah tiangah khan chu, roinpui takka om tâkah khah, a nêka roinpui ual ok a zuang om tâk sikin ai roinpui mai khâi ino a nit.

¹¹Â boi nôk zel tâk ilua khah khangkah dôra roinpui a nitin teh, â om mai rang vâng khah ingkah dôra roinpui im ai nit rang tâk na!

¹²Khangkana tûngna khah kin nei sikin kin îhâi a nit.

¹³Keini chu Mosia itho angkah khan tho mang ung e. Ani khan a mêl ivâr a ṭuai dip idêna Israel naihein an en ngit mai nona rangin, mâirikhûnan a mâi arkhû a.

¹⁴A nit, an lungril khah ai cholol a nit, vuani ten khomah hin Thuthlung Lui an tep ikipah kha rikhûna khan an lungril a la irkhû mai a nit. Kristaah bang kha rikhûna khah pai inrimang a nit.

¹⁵Vuansûn ten khomah hin Mosia Dân lekhabu an tep ikipah kha rikhûna khan an lungril khah a la irkhû mai ngai a nit.

¹⁶Nikhomsela, an lungril Pumapa tiang an ngat tik tikah rikhûna khah pai inrimang ni tâng a ti.

¹⁷Pumapa chu Rithla a nit a, Pumapa Rithla omna kipah zalenna a om ngai.

¹⁸Khaangkan, keini chu kin rêngkan mâi rikhû loiin, lîmen angkana Pumapa roinpuina inri-elin; roinpuinaa rithoka roinpui ual maiin, ama ri-angpui ngêia om rangin indanglamin kin om a, amakhah Pumapa itho a nit a, ani chu Rithla a nit.