Read Biete JOSUA 12 Bible Online

JOSUA 12 - Biete bible

JOSUA 12

¹Jordan nisua tiang ram, Arnon phâia rithoka Hermon tlâng idênin Jordan phâi ram murdi khah Israelhein an inê tâk a. Rêng inikahei khah an înê a nit.

²Rêng khatkah chu Hesbona om Amorhei rêng Sihona khah a nit a; ani khan Aroer khua rithokin (Aroer khua kha Arnon phâi kôla om a nit) phâizôl inlâina taka khopui, Amona richihei ramrî Jabok dung idênin, Gilead ram rizâtka chungah a înlal a nit.

³Khapenah a ram kha Jordan phâi, sim tiang Galili dîla rithokin Beth-Jesimot, Tuipui ithi sak tiang Pisga tlâng idênin a îhuap a nit.

⁴Rêng dang an înê sa khatkah chu Astarot neh Edrei khuaa om, Refaim nam an iti, la om isunhei lâia mi, Basan rêng Oga kha a nit.

⁵A ram khan Hermon tlânghei, Saleka khuahei neh Basan ram pumpui, Gesur hei neh Maaka hei ramrî dên neh Hesbon rêng Sihona ramrî ten Gilead ram rizâtka dênin a îhuap a nit.

⁶Hi rêng inikahei hih PUMAPA suak Mosia ruaina nuaiah Israel mihei khan an inê a, an that a. Khante, PUMAPA suak Mosia khan kha ram khah Reubena namhei, Gada namhei, Manasea nam rizâtkahei ziangah khan an dongtum rangin ai sem pêk a nit.

⁷Hi ram rênghei hi a nit Josua neh Israelhein Jordan dung thlang tiang panga an înêhei chu a nit; Lebanon phâi Baalgada om neh sim tiang Seir tlâng kôla Halak tlâng idêna ram iom murdihei kha an înê a nit. Khante, Josua khan Israel namhei an chi risui dân angkah takin kha ram khah an lua rangin a sem pêk tâk a.

⁸Kha ramhei khan a îhuap chu tlângram hei, phâiram hei, Araba ram hei, ramchâr ram hei, sim ram hei, a ihuap a nit. Kha ram khah Hit mihei, Amor mihei, Kanan mihei, Periz mihei, Hiv mihei, Jebus mihei ram lua a nit.

⁹Israel mihei khan hi khopuia rênghei hih an înê a, an ithat tâkhei chu a nit; Jeriko kho rêng, Bethel khua kôla Ai kho rêng;

¹⁰Jerusalem rêng, Hebron rêng;

¹¹Jarmut rêng, Lakis rêng,

¹²Eglon rêng, Gezer rêng;

¹³Debir rêng, Geder rêng;

¹⁴Horma rêng, Arad rêng;

¹⁵Libna rêng, Adulam rêng;

¹⁶Makeda rêng, Bethel rêng;

¹⁷Tapua rêng, Hefer rêng;

¹⁸Afek rêng, Lasaron rêng;

¹⁹Madon rêng, Hazor rêng;

²⁰Simron-meron rêng, Akshap rêng;

²¹Taanak rêng, Megido rêng;

²²Kades rêng, Karmel tlânga Jokneam rêng;

²³Mediteranean tuipui rikama Dor rêng, Gilgala Goim[6] rêng;

²⁴Tirza rêng. Rêng an ithat murdi chu an rêngkan sômithumka khatkah an nit.