Read Biete JOSUA 15 Bible Online

JOSUA 15 - Biete bible

JOSUA 15

¹Juda richihei, an rui risui dân angkana dongtum rang ram an idong chu hingka hin a nit: Sim tiang pang Edom ramrî dên, sim mong Zin ramchâr idên rakkan a nit a.

²Hi sim tiang pang ramrî chu Tuipui Ithi, sim tiang kil monga rithokin;

³Akrabim fe thlengna ipanin a fe a, Zin ramchârah a va lût a, Kades-Barnea sim tiang a fe a, Hezron idênin Addar a va tlung a, Karka tiang arkual a,

⁴Azmonah a fe thal a, Aigupta ramrî vadung a zui a, Mediteranean tuipui a tlung a. Amahih Judai ram sim tiang ramrî chu a nit.

⁵Sak tiang pang ramrî chu Tuipui Ithi ata Jordan sua tenah a nit. Mâr tiang panga ramrî chu Jordan vadung suaa rithokin a nit a,

⁶ramrî khah Beth Hogla dênin a fe a, Beth Araba mâr tiang a fe thal a, Reubena naipa Bohana lung tenah ai fe a nit.

⁷Ramrî khah Akor phâia rithokin Debir khuaah a fe a; khanungchu, phâi sim tianga om Adumin fe thlengna kôla Gilgal tiang ipanin mâr tiang a fe thal a. Ramrî kha Ensemes tuiah khan a fe mai a; khanchu, Enrogelah a hang isuak a nit.

⁸Ramrî khah Hinom phâi, Jebus mihei khopui Jerusalem omna ram sîr sim tiang idênin a fe a; khanungchu, ramrî kha Hinom thlang tianga tlângsîpah a fe a, amakhah Refaim mâr tiang pang phâi mong a nit.

⁹Ramrî khah tlângsîpa rithokin Neftoa vadung idênin a fe a, Efron tlâng kôla khopuiheiah a suak a. Amakhan Baala khua tiang a kôi a, kha khua khah Kiriath Jearim khom an iti ngai a nit.

¹⁰Thlang tiang isongin Baala a zu hual a, Seir tlâng idênin a zu ihual a nit. Mâr tiang panga Jearim (Kesalon khom an iti ngai a nit) tlâng dungah a fe mai a; Beth Semesah a suak a, Timnaah a fe thal a.

¹¹Ramrî kha mâr tiang pang Ekrona a suak a, Sikerona a kôi a, Baala tlâng ikhêlin Jamnia khua a tlung a. Ramrî kha Mediteranean tuipuiah ai mong a nit.

¹²Thlang tiang pang ramrî chu Tuikhanglian kha a nit. Kha ramrî sung kha Juda richihei omna rang chu a nit.

¹³PUMAPA thupêk angkan Josua khan Jefunea naipa Kaleba kha Juda richihei ramhual sungah khan dongtum bîk ram a siam pêk a. Amakhah Hebron khua, Kiriat-Arba an iti, Arba khopui kha a nei a, Arba khah Anaka pa a nit.

¹⁴Kaleba khan kha khopui ata khah Anaka richi; Sesaia panamhei, Ahimana panamhei, Talmaia panamhei kha a ûmisua a.

¹⁵Khantaka rithokah khan Debir khua khah a hang rûn a. Debir khopui riming masa khah Kiriath Sefer a nit.

¹⁶Kaleba khan, “Tukhom Kiriath Sefer hang idoi a, hang ilah thei tak chu ki nainu Aksaii hi nupuiin innei ki ti,” a ti a.

¹⁷Kaleba unaipa Kenaza naipa Othniela khan a hang lâk a; khanchu, Kaleba khan a nainu Aksaii kha nupuiin ân nei tâk a.

¹⁸An rinei nî-ah khan Othniela khan a pa ram inih rangin a nupui a lei ithor a. Aksaii kha a sakuartung chung ata khah a ṭum a, Kaleba khan, “Im nî nuam?” itin a lei ridon a.

¹⁹Ani khan, “Lung nen kham inla, ram ni ne ipêk khah ram iṭôl a nit a; khasikin, tuinâr iring omna ram ne peh sa roh” a ti a. Khanchu, Kaleba khan chuanchung neh chuannuai tuinâr iring kuang omna khah a pêk tâk a.

²⁰Hi ram hi a nit Juda richihei an rui risui dân angkana an dongtum ranga ram an idong chu a nit.

²¹Sim monga Edom ramrî va deptu, Juda richihei khopui chu: Kabzeel, Eder, Jagur;

²²Kina, Dimona, Adada;

²³Kades, Hazor, Ithnan;

²⁴Zip, Telem, Bealot;

²⁵Hazor, Hadata, Kerioth-Hezron (Hazor khom an iti ngai a nit.)

²⁶Amam, Sema, Molada;

²⁷Hazar Gada, Hesmon, Beth-Pelet;

²⁸Hazar-Shual, Beerseba, Biziothia;

²⁹Baala, Iim, Ezem;

³⁰Eltolad, Kesil, Horma;

³¹Ziglag, Madmana, Sansana;

³²Lebaot, Silhim, Ain, Rimon hei a nit. Khopui murdi chu a kôlvêla khotehei neh sôminika ikuakkah a nit.

³³Phâi tiang panga khuahei kha Estaol, Zora, Asna;

³⁴Zanoa, En-ganim, Tapua, Enam;

³⁵Jarmut, Adulam, Soko, Azeka;

³⁶Saaraim, Adithaim, Gedera, Gederothaim hei a nit. Khopui murdi chu a kôlvêl khotehei neh khua sômleiilikah a nit.

³⁷Hi khuahei khom hi a nit: Zenan, Hadasa, Migdalgad;

³⁸Dilean, Mizpa, Joktheel;

³⁹Lakis, Bozkat, Eglon;

⁴⁰Kabon, Lahmam, Kitlis;

⁴¹Gederoth, Beth-Dagon, Naama, Makeda hei a nit sa. Khopui murdi neh a kôlvêla khotehei neh khua sômleiirukkah a nit.

⁴²Libna, Ether, Asan;

⁴³Ifta, Asna, Nezib;

⁴⁴Keila, Akzib, Maresa hei a nit. Khopui murdi neh a kôlvêla khotehei neh khua kuakkah a nit.

⁴⁵Ekron khom a kôlvêl khuahei neh khotehei a ṭang sa a.

⁴⁶Asdod kôla khopui neh a kôlvêl khuahei, Ekrona rithoka Mediteranean tuipui idêna khopuihei neh khotehei murdi kha ai ṭang sa a nit.

⁴⁷Asdod neh Gaza, an kôlvêl khuahei neh khotehei kha; Aigupta ramrî vadung neh Mediteranean tuipui rikam idêna khua om murdihei khom a ṭang sa a.

⁴⁸Tlângram tianga khan Samir, Jatir, Soko;

⁴⁹Dana, Kiriath Sefer (Debir khom an iti ngai a nit);

⁵⁰Anab, Estemoa, Anim;

⁵¹Gosen, Holon, Gilo hei a nit. Khopuihei kha a kôlvêla khotehei neh khua sômleikhatkah a nit.

⁵²Hi khuahei khom hi a ṭang sa a: Arab, Duma, Esan;

⁵³Janim, Beth Tapua, Afeka;

⁵⁴Humta, Kiriat-Arba (Hebron an iti ngai a nit) Zior hei a nit. Khopuihei kha a kôlvêla khotehei neh khua kuakkah a nit.

⁵⁵Hi khuahei khom hi a ṭang sa a: Maon, Karmel, Zip, Juta;

⁵⁶Jezreel, Jokdeam, Zanoa;

⁵⁷Kain, Gibea, Timna hei a nit. Khopuihei kha a kôlvêla khotehei neh khua sômkah a nit.

⁵⁸Hi khuahei khom hi a ṭang sa a: Halhul, Bethzur, Gedor;

⁵⁹Maarat, Bethanot, Eltekon hei a nit. Khopuihei kha a kôlvêla khotehei neh khua rukkah a nit.

⁶⁰Hi khuahei khom hi a ṭang sa a: Kiriath Baal (Kiriath Jearim khom an iti ngai a nit); Raba hei a nit. Khopuihei kha a kôlvêla khotehei neh khua nikah a nit.

⁶¹Ramchâr tiangah khan hi khuahei hi a om a: Beth Araba, Midin, Sekaka;

⁶²Nibsan, ichi khopui an iti ngai neh Engedi hei a nit. Khopuihei kha a kôlvêla khotehei neh khua rukkah a nit.

⁶³Jerusalema om Jebus mihei kha chu Juda namhei khan ûm isua thei mak a, khangkan Jebushei kha Juda namhei neh atûn tenah hin Jerusalemah munkan an iom mai tâk a nit.