Read Biete 2 THESALONIKA 1 Bible Online

2 THESALONIKA 1 - Biete bible

2 THESALONIKA 1

¹Paula, Sila neh Timothea hin Thesalonika khuaa Pathian ei Pa neh Pumapa Jisua Krista koindanghei chibai kin bûk.

²Pathian ei Pa neh Pumapa Jisua Krista ziang ata lungkhamna neh ringeina nin ziangah om riseh.

³Suapuihei, nangmani sikah hin Pathian ziangah lômthu sîr mai rang kin nit, amakhah kin tho rang pial khom a nit. Iamnaah khan nin thuar rât tak tak a, nin rêngka nin lungrithlung risakna khom a înthûk tîr tîr a nit.

⁴Nuamlona neh intakna tinrêng idiar takkan nin tuang a, iamnaa nin detzia hei neh nin diarzia hei hi koindanghei lâiah kin isong ngai a nit.

⁵Pathian Ram sika tuang nin nit a, kha rama lût tlâk nin nit theina ranga Pathian roirêl idikzia inlangna nin nit hih.

⁶Pathianin chu idik takkan thil a tho ngai a, deng nangni intheihei chu dengintheinan thung a ti.

⁷Pumapa chu rivâna rithokin ama vântirtôn irât takhei neh meichok lâiah a zuang ilang tikin, nin dengthei tuang hi nangni inringam a ta, keini khom nen ringam a ti.

⁸Pathian riano mihei neh ei Puma Jisua Thurchi Ṭha ipom nuam ino mihei chungah dengintheina iṭhum a ti.

⁹Khahei khah Pumapa zianga rithok neh a râtna roinpui taka rithokin kumtluang rimangnaah khan ipai nîng an ta;

¹⁰A mi rithiang, ama iamtuhei zianga rithoka roinpuina neh chôiinrisângna dong ranga a zuang nî-ah khan dengthei tuang an ti. Nin zianga kin thu ril nin iam sikin nangni chu kha iamtuhei lâiah khan ṭang nin ti.

¹¹Hi sikah hin Pathianin nangni a koi lam neh ritluka nin om theina rang neh, iṭha nuamna tinrêng neh iamna sika nin sinthohei chu, a râtnaa lo nangni ân tluk pêk theina rangin, chât loiin nangni kin iṭongṭai pêk ngai a nit.

¹²Khanchu, ei Pathian neh ei Pumapa Jisua Krista lungkhamna zârin, ei Puma Jisua riming chu nin lâiah chôiinrisângin om thei a ta, nangni khom ama zârin chôiinrisângin om thei nin ti.