Read Biete 2 TIMOTHEA 4 Bible Online

2 TIMOTHEA 4 - Biete bible

2 TIMOTHEA 4

¹Pathian neh Krista Jisua, mi ring neh mi thihei roiirêltu rang mitmun, a zuang nôkna neh a ram ichingin nang kî ngên a nit.

²Thu chu ril mai roh, a zoro neh zoro ninoah khom, takritâi takka inrisei pumin an thiamnona inrian la, rikôk inla, ithor roh.

³Miriamhein inriseina dik an ringai nuam no tik la om a ta, ringai ranga an ikuar ithak pêk angkan anmani nuamlam isîr pêk rang minriseituhei bang an ziangah ribûm zoro la tlung a ti.

⁴Thutak ringaina tiang an ikuar insêt an ta, phûng ringai nuamna tiang pêt tâng an ti.

⁵Nang chu itinrêngah ridîn det inla, intak tuang ngêi ngêi roh; Thurchi Ṭha sîr sin hih tho mai inla, Pathian isom angkan ni sintum khah ni len rang a nit.

⁶Kei chu ilan[3] ki nit rang zoro khah a hong tlung tâk a; hi ringnun hih ki mâk rang zoro a nit tâk.

⁷Risiakna ṭhaah khan zâltak ki song a, ke tlânna lampui khah ki sua tâk a, iamna khah ki vong mai tâk.

⁸Atûn chu nêna rênglukhum khah ki ta rangin isia saiin a om tâk, amakhah roirêltu diktak Pumapa khan, kha Nikhuaah khan ne pêng a ti, keimah bang ni loiin, amah lungithlunga, a zuang ilang nôk lei ingâktuhei murdi khom peh sâng a ti.

⁹Ki zianga hong zel tum ngêt ngêt roh.

¹⁰Dema chu atûnlâi rammual a kan sikin a ne mâk a, Thesalonika khuaah a fe tâk. Kreske khom Galatia ramah a fe tâk a, Tita khom Dalmatia ramah a fe tâk.

¹¹Luka bang kêng ki zianga om tâk. Marka khah ki sinthona lamah ne santu ṭha tak a nit a, ani khah fial inla, hong ṭhui roh.

¹²Tukika chu Efesi khuaah ki tir tâk.

¹³Ni hong tikin chu Troas khuaa Karpa zianga ki zakochung mâk khah hang lan la, ki lekhabuhei neh khan hong chôi roh, savun lekha vâng kha chu hong chôi ngêt roh.

¹⁴Dâr thîrpu Alekzandara khah ki chungah â sual tak tak ngai a; Pumapan a sintho angkah takin thung a ti.

¹⁵A ziang ata kha nang khom ridîn takkan om ngai roh, ei thu sîr ai doi tak tak ngai a nit.

¹⁶Ki thiamna thu ke sîr masatak ṭumah khan chu tute ne thlop omak e, an ne imâk riai a nit; Pathianin a mo chu anmani inpêl no riseh.

¹⁷Khannisela, Pumapa khan a ne ompuia, a nen rât a, Jentailhei murdi riat rangin Thurchi Ṭha chu ken puang rikip tâk; sakeibaknei bâi ata kêlisuan kî om tâk a nit.

¹⁸Pumapa khan thil ṭha no tinrênga rithokin ne kêlisua mai a ta, ihoi takkan a vânram khi ne thlun a ti. Kumkhuantluangkan roinpuina chu a ziangah om mai riseh. Amen.

¹⁹Priskili neh Akuila neh Onesifora inmihei khah chibai kî bûk a nit.

²⁰Erasta chu Korinth khuaah a om mai tâk a. Trofima chu a damno sikin Mileti khuaah ki mâk tâk a.

²¹Phalbi ma ngêiin ihong tum ngêt roh. Eubula hei, Pudena hei, Lina hei, Klaudii hei neh suapuihei murdîn chibai nang an bûk.

²²Pumapa chu ner thla ziangah om riseh. Pathian lungkhamna khah nin rêngka ziangah om riseh.