Read Biete TITA 3 Bible Online

TITA 3 - Biete bible

TITA 3

¹Ni mihei kha roirêltuhei neh thuneituhei thu zôm rangin neh lam tinah sin iṭha tho ranga rizoi diamka om mai rangin inreh roh.

²Tute isîrinseh loia, ringei irka rualrichan a, mi tin chungah lungrivuai takka om rangin iril roh.

³Matonah khan chu ei ni khom intlo tak, tuklulilian tak, dikino tak, rizukna neh hoiinhâina tinrêng suaka om ei nit a, nunisia neh narsasia, mi inel neh mi nel ngaihei ei nit ngai.

⁴Nikhomsela, ne saninringtu Pathian lungkhamna neh lungthlungna a zuang ilangah khan,

⁵eimanin sin ei thôn ṭhat sik ni loiin, a lungkhamna sikin a ne saninring tâk a, Rithla Rithianga siamintharnaa risûnfâiin neh ringna thar ipen ei iom tâk a nit.

⁶Khante, ne saninringtu Jisua Krista zârin ei chungah hin Rithla Rithiang khah ai bun tâk a nit;

⁷khanchu, a lungkhamna sika thiam nen changin, ei itûng kumtluang ringna richonluatuhei ei init thei tâk a nit.

⁸“Pathian iiamhein chu sin iṭha sin mai rangin ngaitua riseh,” iti hih ṭong dik tak a nit. Khangkana sin nuamna lungril an riput mai theina rangin hi thu hih iuar takka ni îsîr kî nuam a nit; hi thu hih a ṭhat a, miriamhei ta rangin rifena ai om a nit.

⁹Khannisela, riderna invêt hei, richibul isui kikêng hei, ringona hei, Dân thua rikhalna hei chu nungsong roh; mangmunboi a nit a, rifena khom om viat mak e.

¹⁰Inṭhenna sua ngai mi khah vêlkah vêl inikah rikôk inla, khanungchu, dâi pêk rêk ta roh.

¹¹Khangkana mi kha chu lungril ikôi isehtak riput an nit iti ni riat a, an sualhei khan an idik nozia a înlang ngai a nit.

¹²Artema manih Tukika manih ni ziangah ki hong tir tikah chu Nikopoli khuaah ki ziangah izuang tum ngêt roh, kha munah khan phalbi sungkah chu iom kî tum a nit.

¹³Dânpu Zena neh Apolova khan, an inzinnaah îte an risam nona rangin ni theidôrkan ṭangpui roh.

¹⁴Ei mihei kha thil iṭha sinin rimang riseh; irâ loia an om nona rangin risamna hong iom ngai hi an irkam thei rang a nit.

¹⁵Ki zianga om murdihei hin chibai nang an bûk a. Iamnaa ei rualhei khah ne chibai pêk roh. Nin rêngka ziangah lungkhamna om riseh.