Read Biete 1 PETERA 2 Bible Online

1 PETERA 2 - Biete bible

1 PETERA 2

¹Khaangkan, sual chi tinrêng mah vang rei, milak hei, vârriletna hei, narsana hei, ṭong êro murdi hei mah vang unla;

²naite suak ithar angkan rithla dût tak îte pol ino khah rizuk rei, amakhah nin in-in chu thuar thei nin ta, saninringna mûng nin ti.

³Pathian Thubûn, “Pumapa ṭhatna chu ritem ta u,” ai ti angkah khan.

⁴Pumapa chu pun rei. Ani chu lung iring, miriamhein an iheng; nikhomsela, Pathianin a irthlang, â lu tak chu a nit.

⁵Khanchu, nangni khom lung iring angkah inin rithla tiang in ranga sininding ni rei. Amakhan Jisua Krista zâra Pathian iham inrup, rithla tiang ribôlna lantu, thiampu rithiang hong nîng nin ti.

⁶Pathian Thubûn, “En ta u, lung ilu tak ker thlang a, Zionah khan â kila lungin ki phûm tâk; Tukhom ama iam chu mualinphoi no nih,” ai ti angkah khan.

⁷Khaangkan, nangni iamtuhei ta rangin chu lung ilu tak a nit a, iam inohei ta rangin chu, “In isintuhein lung an ipai khah Â kila lung kâmiom tak a hong nit tâk.”

⁸Pathian Thubu ngirin, “Mihei ibâna rang lung, An ilîrna rang lungpui a nit,” ai ti angkah khan. Thu khah an iam no sikin an îba a nit, khangkana om rang piala inkung an nit.

⁹Nangni chu nam rithlang, Pumapa thiampu, nam rithiang, Pathian ta bîk, izîng ata ama vâr rikhêl taka lût ranga nangni koitu Pathian sintho roinpui inpuang rang nin nit.

¹⁰Matonah khan chu Pathian mi ni ngai mak chei a, atûn chu Pathian mihei nin nit tâk; matonah khan chu Pathian lungkhamna dong ngai mak chei a, atûn chu a lungkhamna nin idong tâk a nit.

¹¹Rual lungthlunghei, khualmi neh mi vâi nin init angkan, rithla doi mai ngai taksa rizuknahei imah rangin nangni ki ngên.

¹²Jentailhei lâiah nunchan iṭha takkan lêng unla; khanchu, thil thonsuala nangni an intum khomin nin sin ṭhathei anmani ngêiin mûng an ta, Pathianin nangni â thlo tikin amah inpâk thei an ti.

¹³Pumapa sikin miriam dâna richamineituhei ziangah ribilriam rei; richamineitu inchung tak, Rêng thu khah ôi unla,

¹⁴sual isinhei kuttum ithoa, iṭha sinhei chôiinrisâng ranga ai phun Ram-optuhei thu khom ôi rei.

¹⁵Nin sin ṭhat sika intlohei ṭong inmôl indâi rang hi Pathian nangni nuamna a nit.

¹⁶Zalenin om rei; nikhomsela, nin zalenna khah sual rikhûnan mang loiin, Pathian suakhei angkana omnan mang rei.

¹⁷Mi murdi ngîk unla, suapuihei lungthlung unla, Pathian ṭi unla, Rêng khah marit tho rei.

¹⁸Isomhei, nin puhei ingîkin an thunuaiah ikhûn riam rei, mi ṭha neh mi nunhoihei bang ni loiin mi nunsiahei khom ngîk rei.

¹⁹Mîn Pathian lungdo a nit iti riatna sika a tuang loirua dengtheina a tuangin chu Pathianin ṭhat vur a ti.

²⁰Nin sual sika nin tuangin, idiar takkan tuang khom unla nin ta rangin rimingṭhatna im nin mu ranga? Khanniseh, thil iṭha nin tho sika nin tuangin chu Pathianin ṭhat nangni vur a ti.

²¹Hingkana om rangah hin ikoi nin nit, Krista khom khan nin ta rangin a tuang[1] a, a kenung nin zui theina rangin enton rang nangni ai mâk pêk a nit.

²²Ani khan sual îte sin mak a, a bâiah milak ṭong khom suak mak e.

²³An êro lâi khomin aman chu thung mak a, a tuang lâiin aman chu iṭhina ṭong peh mak a; roirêltu feltak Pathian ziangah a tûngna ai bâng lem a nit.

²⁴Sualna tiang ei thi a, felna tiang ei ring theina rangin Krista ngêiin krosah khan a taksan ei sualhei a pêl a; a tuangna sâbêhei sikin indam nin nit tâk.

²⁵Bera angkan nin lei ivâi tâk a, atûn chu nin rithla Enkoltu neh Rungtu ziangah nin hong ikîr nôk tâk a nit hih.