Read Biete 1 PETERA 3 Bible Online

1 PETERA 3 - Biete bible

1 PETERA 3

¹Khangkah ngirin nangni nupuihei o, nin pasalhei thunuaiah ikhûnriam rei; khanchu, an lâia mi Pathian thu ôi ino an om le khom, nin nunchan khan inê a ta, iam an ti. Thu sîr kher nang no nia,

²anmani ngêiin marit tak pumin nin nunchan rithiang khah an imu rang a nit.

³Putianga nin rivona - sam siaminlêr hei, rângkachak rithei ilî hei, silbom ilu tak takheia rivo tum loiin,

⁴nin lungrila rithoka mizia dik, lungril ringaiichîn neh lungidâi, rivona seh thei inoah khan rivo ual rei, amakhah Pathian mitmuah â lu tak a nit.

⁵Khangkah khan zoro thlenga nupang rithiang, Pathiana tûngna ringathei khan an pasalhei thunuaia khûnriamin an lei irvo ngai a nit.

⁶Sari khan Abrahama thu a zôm a, “Ki puma,” itia ai koi ngai angkah khan; atûn khom thil iṭha nin sinin chu Sari naihei nîng nin ta, iṭi rang rêng rêng nei no tin u.

⁷Nangni pahei o, khangkah ngirin nin nupuihei khah iduam rei, bêl ikoi iol ual an nit iti irethiam pumin neh Pathian lungkhamna thilpêk ringna khah nangni an idongpui sa a nit iti irian marit pumin lêngpui rei. Khanchu, nin ṭongṭaina idantu îte ai om ino rang a nit.

⁸A nungkhôn takah chu, nin rêngkan lungril khatkan om unla, rikan unla, suapui angkan lungrithlung unla, lungrikham risakin ringaiichîn takkan om rei.

⁹Sual khah sualin thung no unla, vânisâmna khom vânisâmnan thung no unla, ṭhatvur ual rei; ṭhatvurna dong rangin kêng Pathianin nangni ai koi a nit hih.

¹⁰Pathian Thubûn, “Tukhom ringna lungithlung a, râifân nikhua ṭha imu nuamin chu, Sual ata â lei vêng inṭha sela, A bâi khom lêmna thu sîr loi rangin vêng inṭha riseh.

¹¹Sual nungisongin iṭha sin riseh, Ringeina zongin rizûl mai riseh.

¹²Pumapa mit chu mi felhei chungah a fûk ngai a, An ṭongṭaina khom arngai pêk ngai. Thil ṭha no thotuhei chungah khan chu, Pumapa mêl chu a khûk khap ngai,” ai ti angkah khan.

¹³Iṭha sin zâltak nin songin tûm nin chungah thil ṭha no tho rang?

¹⁴Iṭha nin sin sika ni tuangin chu nin ham a ṭhatin be rei. Tute ṭi no unla,[2] nin ilung inbuai no rei.

¹⁵Krista chu ngîk unla, nin lungrilah rêngin nei rei. Tukhomin tûngna nin inei chungchângah nangni an ridonin, tiklâi khomin isâm rangin rifo ṭian rei.

¹⁶Nikhomsela, ringaiichîn neh marit takkan, sia neh ṭha riatna rithiang tak ineiin sâm ngai rei; khanchu, Kristaa nin nunchan iṭha sîrinsehtuhei[3] khah izak an irmu rang a nit.

¹⁷Pathian ṭhat ti lam a nitin chu sual sin sika tuang nêkan chu iṭha sin sika tuang chu a ṭhat ual.

¹⁸Krista khomin ei sualhei sikin voikah a thi a, Pathian ziangah nangni a ṭhui theina rangin, mi fel khah mi fel inohei rithûlin ai thi a nit. Taksa tiang ithatin a om a, rithla tiang chu inringin ai om a nit.

¹⁹Ani khan tâng ina om rithlahei ziangah thu a zu sîr a.

²⁰Khahei khah Novan rikuang a sin lâia Pathianin idiar takka a ngâk sunga, zôm nuam inohei rithlahei khah an nit. Rikuangah khan mi roichekah, iriatkah bang, tui ata inringin an iom a nit.

²¹Kha ri-angpui baptisma hin, Jisua Krista thoinôkna sikin atûnah hin nangni ai saninring tâk a nit. Baptisma khah takpuma nim infâina pai ni mak a, sia neh ṭha riatna rithiang taka Pathian zianga ṭonginkungna hi a nit ual.

²²Jisua Krista chu rivânah a fe a, Pathian changtiang â ṭhung a, vântirtônhei richamneinahei neh sinthotheinahei ama thunuaiah an om tâk.