Read Biete 2 PETERA 2 Bible Online

2 PETERA 2 - Biete bible

2 PETERA 2

¹Nikhomsela, zoro thlengah khan mihei lâiah khom zânthla lem an hong suak kha, khangkah ngirin nangni lâiah khom minriseitu lemhei la om an ti. Khahei khan anmani ritlantu Pumapa lua khom khah iphialin, mi sehthei thurin, iam inrannahei inrûkkan hong lûtpui an ta, mahni chungah voikarenga rimangna intlung an ti.

²Khante, mi tam takkan an hurna tiang sinhei khah zui an ta, khahei sintho sikah khan thutak Lampui khah isîrinsia nîng a ti.

³An kuatinkamna sikin kha minriseitu lemhei khan iphuatot phûnghein rivai thonan nangni mang an ti; nikhomsela, an chunga roiirêl sai tâk om ṭian no nih, ân rimang rangtu khan a îruang ṭian a nit.

⁴Vântirtônhein thil isual an sin lâiah khan Pathianin zua mak a, dûkmunah a pai a, Roirêlna Nikhua ngâk rangin zingziria khuapin khur izîngah khan an iom tâk a nit.

⁵Pathianin tianlâi rammual khom zua mak a, rammual isual tak chunga tui liansâng ân tho lâi khomah khan, Nova, felna thu inpuangtu neh mi dang sarikah bang kha ai saninzôk a nit.

⁶Pathianin Sodom neh Gomora khopuihei khom thiamno inchangin meiin ân rimang a, Pathian ngaisak inohei kuttum a tho dân rang in-ennan a înrimang vâng a nit.

⁷Lota, mi fel, mi sualhei omdân sika beindong takka om ngai kha chu a saninzôk a.

⁸Kha mi fel tak khah an lâia om ngai a nit a, an sin thonsualhei a mu a, a riat a, â lung ai nat tak tak ngai a nit.

⁹Pumapa khan ama ṭituhei chu thlêmna an itong ata kêlisua dân a riat a; Roirêlna Nikhua a hong tlung ma khoma mi sualhei kuttum tho dân a riat.

¹⁰An taksa rizukna nim izuia omhei neh Pathian richamneina enkhûmtuhei vâng chu kuttum tho dân a riat nôk ual. Hi minriseitu lemhei hih tlôkingal an nit a, an risong a, rivân mi roinpuihei khom sîrinsia ṭi ngai mak.

¹¹Hi minriseitu lemhei nêka rât neh sinithothei ual vântirtônhei khomin, Pumapa makungah hi mi roinpuihei chungchâng an isîrin ṭong ṭha no mang ngai mak e.

¹²Nikhomsela, hi mihei hih ngaituana nei ino, ramsa, imana ithat rang ringota zuang isuakhei angkah hi an nit, an iriatthiam ino murdi an isîrinsiat a, ramsahei angkah khan inrimang nîng an ti.

¹³An sual man chu an isual lam angkah takin tuang an ti. Sûntluan thluana taksa rizukna manga hoiinhâi isong mi an nit a, mi porinche neh mi zaksal, nin lâia rizep an nit a, nin ruaiṭhenaah an hong iṭangah hin nangni an ilêm a nit.

¹⁴An mitin inrêpui rang an en mai a, sual isin khop thei mak e. Miriam lungril det inohei khah an ithlêm in-ôk a, an lungril kuatinkamnan a sip a, vânisal nai an nit.

¹⁵Lam dik khah an pêt a, an ivâi tâk a; Beora[1] naipa Balaama, thil isual ithoa sum ilo tumtu lampui khah an izui tâk a nit.

¹⁶Nikhomsela, a pualoinaah khan ingon a om tâk a, a sakuartung khah miriam ṭongin a hong ṭong a, kha zânthla invêtna khah a înmong pêk tâk a nit.

¹⁷Hi mihei hih tuikuang a nâr ikang neh sûm, thlipui isêm inlêng diai angkah an nit; Pathianin kha mihei omna rangin mun izîng richel khap khah a înkung a nit.

¹⁸Thu chanlamboi khah ripâk neh risong tak takkan an isîr a, suala omhei lâi ata an hong suakna la nâihei khah taksa rizukna mangin an lêm ngai a.

¹⁹Anmani siatna suaka om ṭian kan mi zalenna peh rangin an inkung ngai a; tu miriam khom anmani nêtu tak suakah an iom ngai a nit.

²⁰Ei Pumapa neh Saninringtu Jisua Krista an riatna sika rammual sual rithahei ata isuak a, kha sual ngira tâng nôka, an ilîr nôkin chu, a tîra an om dân nêkah khan an om dân nungkhôn khah ai siat ual ngai a nit.

²¹Felna lampui an riat nunga, thupêk rithiang an zianga inkola om nung isong nôkhei chu felna lampui khah â reh reng an iriat tlak ino ni seh an ta rangin ṭha ual a ti.

²²An om dâna rithokah hin hi thuvâr idikzia hi ifel takkan â lang: “Ui khan â luak a fâk nôk a,” iti neh “Vokpui ifâi liai tâkin dialdôkah ribual rangin a kîr nôk,” itihei hih.