Read Biete 2 PETERA 3 Bible Online

2 PETERA 3 - Biete bible

2 PETERA 3

¹Ki rual lungthlunghei, amahih nin ta ranga ki lekhathon â nikna a nit tâk. Nin iriat isai tâk thu nangni inrian thar nôkin nangmaniah lungril rithiang chokinhar rangin voinikah nangni ki hong ithon a nit.

²Zânthla rithianghei thu ril neh Pumapa neh Saninringtu thupêk, nin tirtônhein matona nangni an îril khah remai rei.

³Sûn nungkhônheiah chu nangni musittu, mahni rizukna izêka omhei la hong suak an ti iti reh masa rei. Nangni êsêl an ta,

⁴“Izuang nôk rangin ṭong a înkung ni mak im a? Ani khah takâm ai om tâk? Kin chibulhei an thi pial tâk a; nikhomsela, rammual siam phut ata thil tinrêng lak a ngaingirin a la om mai hi te,” la tîng an ti.

⁵Hi thudik: Tianah khan Pathian thu-a rinêng neh rivân isiam a nit iti hei, rinêng chu tui ata siam suak a nit iti hei, tui neh tui kârah isia a nit iti hei,

⁶tui liansâng lâiah khan rammual ilui kha, kha tui ngir khan a chîm a, a îsiat a nit iti hei hih an ringil ngingân ngai.

⁷Nikhomsela, atûna rinêng neh rivânhei khom hi Pathian ngaisak ino mihei roirêl zoro neh inrimang zoroa meia kâng inrimang rangin Pathian thu ngirin a lai zua a nit.

⁸Rual lungthlunghei, hi thil khatkah hih ringil no rei, Pumapa ta rangin chu sûnkah hi kum sângka angkah a nit a, kum sângkah khom hi sûnka bang angkah a nit.

⁹Mi ṭhenka tûng dân angkan Pumapa chu a ṭonginkung lenna lamah rivuak mak e. Arvuak ni loiin, tute rimang iloia mi murdi an sual ata an hong rilet rang inuamin nangmani tiang â lung ai diar kêng ai nit.

¹⁰Pumapa Nikhua chu inru angkan zuang tlung ngêt a ti. Kha Nikhuah khan chu irî inrît tak neh rivân khi boi a ta, rivâna ârsihei [2] khi kâng rimang riai a ta; rinêng neh a sunga thil iomhei murdi khom boi[3] vang a ti.

¹¹Kha thilhei murdi khah khangkah khan inrimang a nit rangin teh, nangmani khah ingkana mîm nin nit rang tâk?

¹²Pathian Nikhua inkung ngâkmo taka nin thlîr mai lâiah hin mi rithiang Pathian ta ranga ripeh mi nin nit rang a nit. Kha nikhuah khan rivânhei khih kâng rimang a ta, ârsihei khom zôi vang a ti.

¹³Nikhomsela, eini chu Pathian înkung, rinêng ithar neh rivân ithar, a sunga dikna om khah ei ingâk a nit.

¹⁴Khanchu, rual lungthlunghei, kha Nikhua khah nin ngâk lâiah hin Pathian mitmuah rithiang neh sêlnaboia om rangin zâltak song unla, amah neh ringeiin om rei.

¹⁵Pumapa rivuakna hih saninring nin nit theina zoronṭumin be rei. Pathianin vârna a pêk lam angkan ei suapui lungthlung Paula khomin hi thu hi a irziak ngai a nit.

¹⁶A lekhathon murdiah kha thupui khah irilin, khangkah ngirin a irziak ngai a nit. A lekhathonheia a thu riziak ṭhenkah chu â ria ân tak a, amakhah vâr ino neh mi det inohein, Pathian Lekhabua Thu dang an irngai inkôi ngai angkan an ringai inkôi a, mahni chungah siatna an ithlun ngai a.

¹⁷Rual lungthlunghei, nangnin chu amahih nin riat pial tâk sikin ridîn rei; khanonchu, dân marit tho nohein nangni ṭhui inrimang an ta, nin det ṭhat lâiin ilîr duai nin ti.

¹⁸Ei Pumapa neh Saninringtu Jisua Krista lungkhamnaah neh riatnaah khan thuar mai rei. A ziangah khan atûna rithoka kumtluang idênin roinpuina om riseh. Amen.