Read Biete 1 JOHANA 1 Bible Online

1 JOHANA 1 - Biete bible

1 JOHANA 1

¹Ringna Thu a tîr ata om, kin ikuara kin iriat, kin mita kin imu, iṭha takka kin ien, kuta ki itôn khah nin ziangah kin irziak a nit.

²Kha ringna khah a zuang ilang a, kin lei mu a; kin inpuang a, Pa zianga om kumtluang ringna kin zianga zuang ilang khah nangni kin îril a nit.

³Pa neh a Naipa Jisua Krista neh ripôlna kin inei hih nin ne zom theina rangin kin imu neh kin iriat hih nin ziangah kin înpuang a nit.

⁴Khaangkan, kin[1] lômna arkip theina rangin hi thu hih kin irziak a nit.

⁵A Naipa rithoka thu kin iriat nin zianga kin inpuang chu amahih a nit; Pathian chu ivâr a nit a, amah-ah izîng reng omak e iti hi.

⁶Khasikin, izînga lêng maiin, “Amah neh ei ripôl,” ei tin chu milak ei itho a nit a, thutak ei izôm ino a nit.

⁷Nikhomsela, amah ivârah ai om angkan eini khom ivârah ei omin chu, ripôl khômna ei inei a nit a, A Naipa, Jisua thisenin ei sual murdi a ne înfâi pêk ngai a nit.

⁸“Sual nei mang e,” ei tin chu, ei khâtin ei rilêm a, thutak khah eimaniah ai om ino a nit.

⁹Nikhomsela, ei sualhei Pathian ziangah thupha ei chôiin chu, a ṭonginkung angkan ei sualhei ne zâ a ta, ei felnona murdi ata nen fâi a ti.

¹⁰“Isual mang e,” ei tin chu, Pathian chu milakin ei siam a, a thu khom eimaniah ai om ino a nit.