Read Biete ROIRÊLTUHEI 20 Bible Online

ROIRÊLTUHEI 20 - Biete bible

ROIRÊLTUHEI 20

¹Khanungchu, Israela richihei murdi khah thu khatka vongin mâr tiang Dan khuaa rithokin sim tiang Beerseba khua dênin Gilead rama mihei neh khan an suak a, Mizpa khuaah PUMAPA makungah an ribûm a.

²Israela richi nam tin ruaituhei murdi khom kha Pathian mihei ribûmnaah khan an om a, sipai khandai ichôi mi nuai ilikah an nit a.

³Kha rualah khan Benjamina richihei khan Israela richihei khah Mizpa khuaah an ribûm iti an lei riat a. Khante, Israela richihei khan, “Ingkan taka hingkana siat porinchena hih hong iom im ai nit ne ril ta?” an ti a.

⁴Khante, Levia chi, nupang an ithatnu pasal khan, “Benjamina namhei omna Gibea khuaah ki thâikêmnu neh iriak itumin kin va lût a.

⁵Gibea mihei khan ne doi rangin an hong a, zânah in kha an hong hual a; ne that an tum a, khan ki thâikêmnu khah an siatpui bit a, a thi tâk a.

⁶Khanchu, ki thâikêmnu ruak khah ki lâk a, ker chan a, lek tin khah Israel nam sômleiinika lâiah nam ikipah kî thon indar a nit khah. Hi mihei hin Israel ramah hin hingka dôra porinchen an ihur a nit.

⁷Nin rêngkan hintaka omhei hih Israela richihei nin nit a, hi chungchângah hin im ei itho rang tâk, ṭha nin ti dân khah isîr rei,” a ti a.

⁸Khanchu, mipuihei murdi kha inrual takkan an iding a, “Tute mahni puan in tiang kîr no ning ung a, tute mahni inah lût no ning ung e.

⁹Gibea khua ei tho dân rang hingka hin a nit, thla sân ei ta, Gibea hang idoi rang mihei rithlang ei ti.

¹⁰Israela chunga thildik ino tak an tho sika Gibea muna Benjaminhei hang inuaibitnaa sipaihei fâk rang lei ilantu rangin Israel nam pumpui lâiah mi rizaka ta sômkah, sângka ta rizakah, sîngka ta sângkah rithlang suak ei ti,” an ti a.

¹¹Khanchu, Israel mi murdi khah inpum takkan kha khopui idoi rangah khan an ribûm tâk a.

¹²Khante, Israel namhei khan Benjamina nam murdihei ziangah khan, “Nin lâiah hingkana siat porinchena om tâk hih ingka tliam ai nit?

¹³Gibea khua mi hur porinchehei khah zuang ṭhui rei; khanchu, Israel rama sual hih a boi theina rangin lei that rong ung,” itin mi an tir a. Khannisela, Benjamina richihei khan an suapui Israela richihei thusîr khah lei ipom nuam mak a.

¹⁴Benjamina richihei chu Israela richihei idoi rangin khopui tina rithokin an hong suak a, Gibea khuaah an ribûm a.

¹⁵Kha nî-a Benjamina richihein an khopuihei ata khandai ichôi sipai Gibea khuaa hong ribûmhei kha mi sînginikah neh sângirukkah an nit.

¹⁶Khahei banah khan Gibea kho mi rithlang ngat voichâng mi rizasarikah an om a. An rêngkah hin vailungdênga samzâi tiakah khom dok iloia fuh thap thap ngai mi korong an nit.

¹⁷Israel mi, Benjaminhei idoi rang khah sipai ridoi mi korong mi nuai ilikah an nit.

¹⁸Khante, Israela richihei khah an rithok a, Bethelah an hang fe a, Pathian an isôn a, “Benjamina richihei idoi rangin tu nam tak im â fe masa rang tak?” itin an ridon a. Khante, PUMAPA khan, “Juda namhein doi masa riseh,” a ti a.

¹⁹Khanchu, Israela richihei khah atûk zîngah an rithok a, Gibea khua hualin ṭangmun an hang khuar a.

²⁰Khante, Israel mihei khah Benjaminhei idoi rangah khan an fe a, sipaihei khan khopui ingatin ṭangmun an lâk tâk a.

²¹Benjamina nam sipaihei khah khopui ata an hong suak a, kha nî-ah khan Israelhei sipai mi sînginikah neh sânginika an hong that tâk a.

²²Khanungchu, Israel mihei khah Pathian chubai ûnna munah an fe a, Pathian maah kholoi idênin an ṭap a, “Kin suapui Benjamina richihei khah kin hang idoi nôk rang im, kin irngam rang tâk im?” an ti a. PUMAPA khan, “Hang doi nôk rei,” itin a sâm a. Khanchu, Israel sipaihei khah an rithor nôk a, an doi phut nî-a an doina mun ngirah khan idoi rangin ṭangmun an hang siam nôk a.

²³

²⁴A voiniknan Israel richihei khan Benjamina richihei khah an hang nâi a.

²⁵Benjaminhei khom khah a voiniknan Gibea khua ata khah an zuang suak a, Israel sipaihei lâiah mi sînglei sângiriatkah an zuang that nôk tâk a.

²⁶Khanungchu, Israela richihei murdi khah Bethelah an fe a, an ṭap a. PUMAPA maah an iṭhung a, kha nî-ah khan kholoi idênin bu an ngei a; PUMAPA ziangah hâlrivâm thillan neh ringeina thillanhei an lan a.

²⁷Kha lâiah khan kha munah khan Pathian Thuthlung Bôm khah a om a, Arona naipa Eleazara naipa Finehasa khah a sinthotu a nit. Israela richihei khan PUMAPA ziangah, “Kin suapui Benjamina richihei khah kin hang idoi nôk rang im, kin irngam rang tâk im?” an ti a. PUMAPA khan, “Hang doi nôk rei, naktûkah chu nin kutah nangni peh tâng ki ti,” a ti a.

²⁸

²⁹Khanchu, Israelhei kha Gibea kho vêlkan ruang chuantu an sia zoi tâk a.

³⁰Khanungchu, Israela richihei khah Benjamina richihei idoi rangin avoi thumnan an hang rithok nôk a, a sûn dang angkah ngirah khan Gibea khua doi ranga khan ṭangmun an hang siam nôk a.

³¹Benjamina richihei khah an chipuihei idoi rangah khan khopui ata an va suak a, khua khah an mâk a; khanchu, sûn dang angkah ngirah khan Israela richihei kha idoiin an that nôk tâk a. Tlâng iôlheiah neh lampui ilian, Bethel neh Gibea khua panna lamheiah khan Israel mi sômithumkah an that a.

³²Khante, Benjamina richihei khan, “Matona angkah ngirah khan ei makungah an tlôm nôk tâk,” an ti a. Khannisela, Israelhei khan lâizâm pelêm itho a, Benjaminhei khah khopui ata lam ilianheia ṭhui khah an itum zâi a nit a.

³³Khanchu, Israel sipaihei kha nung tiang an ritol a, Baal Tamar muna sipai lômpui ruang lei ichuan zâituhei khan an iruangna mun Gibea khua vêlka lungkhorok bil ata khah an hong suak a.

³⁴Israelhei murdi lâia rithlang ngat sîngkan Gibea khua khah an doi a, an ridoi khah a natinsat ok a; khannisela, Benjaminhei khan an chan â seh ngêt rang tâk a nit iti reh mak a.

³⁵PUMAPA khan Israelhei kha Benjaminhei chungah nêna a pêk tâk a. Israelhei khan kha nî-ah khan Benjamin sipaihei khah mi sînglei sângringakah neh rizakah an that a.

³⁶Khanchu, Benjamina richihei khan an dôk tâk iti an riat tâk a. Israel sipai lôm lupuihei khan Gibea khua doi ranga inrûkka ruangchuantu an isiahei khah an iam zoi sikin Benjaminheia rithokah khan nung an hong irtol viat a nit.

³⁷A rûka ruangchuantuhei khan Gibea khua khah an hang vur zut a; khanchu, a rûka ruangchuantuhei kha an riṭhen indar a, khuaa mi murdi khah khandaiin an ithat tâk a nit.

³⁸Israel sipai lôm lupuihei neh a rûka ruangchuantuhei khan riningna risin an siam a, amakhah khopui sunga mei inkhu zûl zûl a nit.

³⁹Khante, Israelhei kha nungtiang an hang ritol a, kha sungah khan Benjaminhei khan Israel mihei sômithumkah chu an that tâk a, “Ei ridoi phut nî angkah ngirah khan ei makungah an tlôm nôk tâk hi te,” an ti a.

⁴⁰Khannisela, khopui sungah khan meikhû a hong iding ngut tenan chu Benjaminhei khah an hang rihêl a, khopui khah a puma rivân tianga a khutor iding ngut an hang mun chu an ringai arkhêl ok a.

⁴¹Khanungchu, Israelhei khah an hang rihêl nôk tâk a, Benjaminhei chu buai titakin an buai tâk a, an chan ai siat tâk a nit iti an riat tâk a.

⁴²Khasikin, Israelhei maah khan ramchâr tiang lâizâm an tho tâk a. Khannisela, ringam loiin an rizûl a, Israel sipai lôm lupuihei neh khopui ata zuang isuakhei kârah khan an ride tâk a; khanchu, amakhan an that tâk a.

⁴³Benjamin mihei khah Israelhei khan an rihual khap a, an rizûl a, nisua tiang Gibea dênin an that a.

⁴⁴Benjamin sipai mi sâng sômlei sângiriatkah an thi a, an rêngkah khan mi rât inthang korong an nit.

⁴⁵Khante, mi dang ṭhenkah chu ramchâr tiang Rimon lungpui ipanin lâizâm an tho a, lampuiah khan mi sângringakah chu ithatin an om a; Israelhei khan Gidom idênin an rizûl a, mi sânginikah an that a.

⁴⁶Khangkah khan kha nî-a Benjamin mi â thi murdihei khah mi sînginikah neh sângringakah an nit a, an rêngkan sipai irâthei korong an nit.

⁴⁷Khannisela, sipai rizarukkah chu ramchâr tiang Rimon lungpui ipûkah an itlân lût a, amakhan thla likah an om a.

⁴⁸Khante, Israelhei kha an kîr nôk a, Benjaminhei chungah khan an ṭuang nôk a, khopui sunga om murdi kha ipa, nupang neh naipang neh an ranhei ten khom an that infâi vang a. Kha bôm vêla an khua om murdi khom an ihâl riai a nit.