Read Biete THUPHUANG 4 Bible Online

THUPHUANG 4 - Biete bible

THUPHUANG 4

¹Kha rizoiin chu ki hang en a, rivâna inkhâr ri-ong ki mu a. Khanchu, bekul irî angkana rôl, ne sôn ki lei iriat tâk khan, “Hin hong inla, hi nunga thil hong iom ngêt rang nang in-en ki ti,” a ti a.

²Voikarengin rithlan ki om zel a, rivânah khan rêngṭhungmun a hong om a, kha ṭhungmunah khan mi khatkah â ṭhung a.

³Khante, â ṭhungtu mêl chu jaspar neh karnelian lungilu angkah a nit a, rêngṭhungmun vêlah khan emeral lung rong i-ang sumrisâng arzâm a.

⁴Rêngṭhungmun vêlah khan rêngṭhungmun dang sôminikah ilikah a om a, kha rêngṭhungmunheiah khan upa sôminika ilikah an iṭhung a, puan iṭek an sil a, rângkachak rênglukhum an khum a.

⁵Rêngṭhungmuna rithokah khan khothlâr arlek a, rôl hei, khuarî hei an hong irî dur dur a. Rêngṭhungmun matonah khan meiser sarikah a chok a, khahei khah Pathian rithla sarikahei an nit.

⁶Rêngṭhungmun maton ngirah khan tuikhanglian i-ang lîmlâi, krustal lung angkana vârlang a om sa a. Khante, a lâia rêngṭhungmun vêlah khan nungtiang neh matiang mita sip, mîring ilikan an ngîr hual a.

⁷Mîring â khatna kha chu sakeibaknei a ang a, â nikna kha chu serâtchal a ang a, â thumna kha chu miriam mêl a ang a, â lina kha chu mupui vuang lâi ai ang a nit.

⁸Kha mîring ilikahei khan rithla irukka an nei chit a, an pumkan putiang neh sungtiang mitin a sip zit a. Anni khan, “Pumapa Pathian, Tinrêngthotheia, A om tâkah neh Â om maiah neh A la zuang rangah chu, Arthiang e, arthiang e, arthiang e,” itia sakin sûn zân mong ngai mak e.

⁹Khante, mîring ilikahei khan rêngṭhungmuna ṭhung, kumkhuantluangka ring maia chu an chôiinrisânga, an inpâka, lômthu an isîr ikipah,

¹⁰rêngṭhungmuna ṭhungtu makungah khan upa sôminika ilikahei kha an ibok a, kumkhuantluangka ring maiah kha chubai an ûn ngai a.

¹¹Rêngṭhungmun matonah khan an rênglukhumhei chu an sia a, “Nangmah, kin Pumapa neh kin Pathian, Roinpuina hei, chôiinrisângna hei, sinthotheina hei imûn rup ni nit e, Nangman thil tinrêng ni siam a, Ni thua hong iomin, an iring a nit,” an ti a.