Read Bilua Luke 23 Bible Online

Luke 23 - Bilua bible

Luke 23

¹Ni koa pado ama vaki ta ko zolaike ni ke vati olake vo Jisu voa Romu ala Qavuna Paelati ko kuleto,

²sai se kevai utu tanitekoi kuiripato saṉa ivo vo Jisu ni eri va kikovekoi, “Lula ṉe vea nea maba ta o saruema odiemo animeko maba madu, vota o naquema tu seta pui ke tabariko ko takisi vo Romu ala Matu Lekasa kasi ni o kaseka ta o ṉavi nio voa Pakio vo Baṉara o soroevani, ni vota kala aikovakova inio kiolani,” kikelake.

³Nio vo Paelati ta o kuimaevake vo, “Ṉo inio se Jiu amu vo Aikovakova ṉa kio?” kiolake. Nio Jisu ta o vati tiorikake ni eri kiolake, “So ṉo kiṉolani tisoiko,” kiolake.

⁴So sole Paelati ta eri kiolake sea raura kama siama madu kasi ni sea matu padopadoilo kasi, “Aṉata pui ada va kea kama sarueko nea maba tu vota kuiripato saṉa o elo,” kiolake.

⁵Melai seta kevai matu titiake vo Paelati ni eri kikelake, “Voko nianiiekato kale inio ko niumaniumato ko kerukeru ta lula ko tanita kiadama maba kasi se Jiudia peuru poso kale ke evani maba poso kasi. Vota o tanieke Qalili peuru poso kale ti obeta baroa koi vairutu,” kikelake.

⁶Nio so keru Paelati o viqa keru ko quli, inio vota o kuimaemake se ni eri kiolake, “Sole nea maba ta Qalili ala maba inio, kio?” kiolake.

⁷Ni seta ke bazuevake ta Jisu ta o kuevani Herodi[56] o kati vailako zaekale azo kio, nio vota o soroevake Herodi kasi, vo obeta evani koa taku kale Jerusalema peuru kale.

⁸Ni Herodi ta ota matu zoleike so keru vo o veve keru vo Jisu, ako vota lula ota va viqe voko bazu ni lula o tareve rosi ama taku tu o velo sole. Ni vota oka zariake tu tava kelo vo Jisu ko aqasiele ama iruruputo ko ereko sole.

⁹So sole Herodi ta o kuima-kuimaevake vo Jisu, melai Jisu ta puliama opato o erekake.

¹⁰Nio se raura kama siama madu ni Mosese ko Bazu kekai nianiiekatani ta ke lojoake nioqako sipole ni seta ke erekake matu piza kama pesio vo Jisu kevai sakesakekema.

¹¹Nio Herodi ni voko solodia madu ta kevai balebaleitake ni ke zarazaraevake vo, ni seta kevai kiakake ko ileile ama rosia sabosabo ni ke vaitoevake Paelati kasi.

¹²Nio koa ṉaniu kale pado inio Herodi ni Paelati ta qo baerebaerekiniake, lulavo nioqata kana pare kidi sole.

¹³Ni Paelati ta o padoemake se raura kama siama madu ni lekasa poso ni maba poso,

¹⁴ni eri kiolake sekasi, “Meta me vati kueva nea maba aṉa kasi ni me qaseka ta vota o saruema odiemo se maba madu kimela. Inio aṉata lula a quimakuimaeva koi meko tanama kale, melai aṉata pui ada va kea kama saruilo, ko me kuiripato saṉa mevai ikako vo.

¹⁵Ni Herodi melai pui ota va kea ko sarueko vo o erekako, Sokale avo inio vota o vaitoeva mata anime kasi. Nea maba ta pulia quli o sarueka sole pui o male tu vouvaevo.

¹⁶So sole aṉata a bazuemou se solodia madu tu ke sisiparu puevou pala ni a zarieva tu o rupasio,” kiolake.[57]

¹⁷

¹⁸Melai koa matuma vaki ta ke matu upaupatake ni eri kikelake, “O vou voa maba! Ni ṉela rupasiva vo Barabasi!” kikelake.

¹⁹(Voa Barabasi ta o evake pirito pade kale ako vo ni voko vaki ta ke ereke ko niumaniumato ni pazokinio Jerusalema seko vati pikipikinio puto kale vo Romu ala Qavuna, ni vota kala vouvato ko maba sole.)

²⁰Melai Paelati ta ova zariake rupasivo vo Jisu, so sole vota mata o mati pesiake se tu vo Jisu ta o rupasio.

²¹Melai seta ke velavelaoke matuma kora kale ni eri kikelake, “Patoevomo korosi topi tu o vou! Patoevomo!” kikelake.

²²So sole Paelati ta eri kiolake sekasi zouke ama taku kale, “Melai loma quli sarueko ikio nea maba o erekako? Aṉata pui a rovea tava kelo kama quli vo o erekako koko malezikako tu okai vou! So sole aṉata a bazuemou tu ke sisiparu puevou pala ni ke rupasivou vo,” kiolake.

²³Melai seta matu ti matu velavelao keta evake tu Jisu ta o patoilo korosi topi, nio vota o zorikake seko velavelao kikolani jari.

²⁴Nio vo Paelati ta oma zariake tu seke pasekako quli vokasi ta ko ereilo.

²⁵Ni vota o rupasivake voa maba se keva zariovini, vo lula pirito pade kale ke vaeveni voko niumaniuma ni vouvato kale avo, ni vota o vaevake vo Jisu se solodia madu ko ṉase topi tu ke vati lulueko se Jiu mu keka zariani ivo vo.

²⁶Ni se solodia madu ta ke vati olake vo Jisu, ni se kebeta ola keru, inio seta ke toraevake kala maba Sairini peuru kale azo ala o ṉi ta Saimone, vo obeta kuevani kama sasa peuru kale azo Jerusalema matu peuru kale. Ni seta ke saputivake vo ni seta kevai sakekake Jisu ko korosi o vakare topi ni seta kevai zuruzuruekake tu o boriko ko ni o vati lulueko vo Jisu.

²⁷Ni matuma vaki ta ke luluevake vo Jisu, ni kama rekoreko poso melai ke lulupatake se sate se keva ziavini ni keva ziaroreputani vo.

²⁸Nio Jisu ta o lilitake sekasi ni eri kiolake, “Jerusalema ma rekoreko poso mela! Meta pui la zialo aṉa, melai ka ziamo me ṉaviko saevo ni meko meqora poso.

²⁹Ako ko taku ta ko kilou so keru maba poso eri kikevou keru, ‘Ke zoleiva tisoiko se meqora pide ama rekoreko poso, ni padu amu, ni se pui ke niaemani ko susu!’

³⁰Ni koa taku kale inio mata se maba madu eri mata kikevo avo ko matuma sopu poso kasi, ‘Piamo eṉe topi!’ ni ko silo ama sopu poso kasi, ‘Daipaeṉelomo eṉe!’ kikevo avo keru.

³¹Ako seta ke erekou soama quli ko saevoma ore kasi, loma quli kio ko ereilou vouma ore kasi?”[58]

³²Ni omuqa maba kidi, nioqata ruqe ama maba kidi, ta ke kati olake tu nioqata qo vou Jisu sase.

³³Ni seta ke baroake “Reikareika kama Lezu ko Zae” ka kikelako zaekale, ni seta ke patoevake vo Jisu sai korosi topi. Ni so jari seta ke patoekake omuqa ruqe ama maba kidi omuqa korosi topi Jisu sate, kala ta voko palo rana ni kala pado ta voko made rana vasi.

³⁴Nio Jisu ta eri kiolake, “Mama, ṉota tama akoeka se komia ruqe, ako seta pui kekai nianiia seke erekako quli sole,” kiolake. Ni seta kekai puarikiniake vo Jisu ko suma seko kai daisimato kale.

³⁵Ni se maba madu ta ke lojoake sai ni ke toiritoirizatake, ni se Jiu ama tanatanamu ta kevai balebaleitake vo, ni eri kikelake, “Edolomu inio o pakiemani, vaeka tu o pakizio o ṉavi voa Pakio o elou ta, ni Baṉara o pitoeveni o elou ta!” kikelake.

³⁶Ni se solodia madu melai kevai balebaleitake vo, ni seta kevai olake ni ke kativake ko paza kama vaini ko ju,

³⁷ni eri kikelake seko vai balebaleito kale, “Jiu amu vo aikovakova ṉo elou ta, pakiovi erisaṉa ṉo ṉavi!” kikelake.

³⁸Ni voko lezu ko topi vasi o korosi topi ta ke patoekake riki sama papani eri kikolako pesio sama, “Nei nio se Jiu amu vo Aikovakova,” kikolako.

³⁹Ni kala pado nioqa ruqe ama maba kidi azo sai obeta soilani o korosi topi ta ovai ribaribatake vo Jisu, ni eri kiolake, “Ṉo inio voa Pakio ṉa kiṉola, kio? Sole pakiovi ṉo ṉavi ni eqe!” kiolake.

⁴⁰Nio kala pado, vokale ala, ta o riqaevake vo ni eri kiolake, “Pui ṉoda va paṉaova vo Baṉara, kio? Ako ṉo melai ṉo qoa omadeuvo vo o koako tapata jari ama.

⁴¹Ni aniqeta qe koa ko aniqe lula qe erekema ruqe ama iruruputo ko male ama reketekete, melai nea maba ta maba puliama voko sarueko sala inio,” kiolake.

⁴²Ni vota eri kiolake Jisu kasi, “Jisu, kerukeruela aṉa so keru ṉoṉo barolou keru ṉoko lekasa puo kale!” kiolake.

⁴³Nio Jisu ta eri kiolake vokasi, “Tuvevo avole aṉata a bazueṉa ṉo ta vairutu inio ṉota ṉo zomanou aṉa sase Paradaisi kale,” kiolake.

⁴⁴Ni ṉadale inio ṉaniu ta ota kutumanaoke ni kutumana ta ko boulukake koa Jerusalema ko pado ama levoano,[59] zouke aoa tiniavo, ti kobe kai baroake matu sebiviuru keru. Ni ko suma otu Jelepade kale ko evako ta omuqa teze kota evake.

⁴⁵

⁴⁶Nio matuma kora kale inio vo Jisu ta eri kiolake, “Mama! Noko ṉase topi nio aṉata a vaeka aṉako auvana!” So kiolake ti obeta utupake inio.

⁴⁷Ni se solodia madu vo kuleto ala ta o keake koko ereima quli, ni vota o ilusivake vo Baṉara ni eri kiolake, “Koe, tuvevo avole nea maba ta sidopu ala!” kiolake.

⁴⁸Ni so keru sea maba poso se lula ke padoini keazakeazatole ta ke keake ko quli ko ereivako sai, sea kiadamu ta keta vaitavaitaitake ke zae poso kale, ni seta ke pazokake ke dumidumi poso seko upotuqu kale.

⁴⁹Ni sea kiadamu se kevai nianiiani vo Jisu, ni se rekoreko ke lulueveni vo Qalili azo ta ke lojoake vaṉa vasi ni ke kati vailake ko quli ko ereima.

⁵⁰Ni kala maba ta sai obeta evake o ṉi ta Josepa vo o kuevini Arimatia peuru kale azo, kota kama pado peuru se Jiu amu ko. Vota kala uri ala maba ni sidopu ala maba, vo o tarekeni vo Baṉara ko lekasa puo ko kilo. Vota kala se Jiu ama tanatanamu ko Kauniseli kale o zomanani vo pui opa ka zariovini se Kauniseli madu ko pitoto ni iruruputo.

⁵¹

⁵²Ni vota o amaqeake Paelati ko kuleto ni vota opa pasekake Jisu ko tupu vokasi.

⁵³Ni vo Paelati ta ova zariekake vo Josepa nio vota opa ivikake koa tupu, ni vota o sudekake matu uri ama suma kale, ni opa vaekake niami keaka kale lado kale ko teliziovima puliala maba lula okai mutaivako.

⁵⁴Koa ṉaniu ta Sabati ṉaniu ko ka inainao ko taku keru Porare ṉaniu, ni Sabati ta sipole kota baroake.

⁵⁵Ni sea rekoreko seke lulueveni vo Jisu Qalili azo ta ke olake Josepa sate ni kepa keake ko keaka ni Jisu ko tupu ke ikevoa tekueko sai.

⁵⁶Ni seta ke vaitake ke pade kasi ni ke inainaekake kama uria tui kama lumu ni bube tu vo Jisu ko tupu kaqe. Ni seta ke luluekake Mosese ko Bazu kikolani jari sole seta ke mamazake Sabati ṉaniu kale.