Read Bilua 1 Tesalonaika 4 Bible Online

1 Tesalonaika 4 - Bilua bible

1 Tesalonaika 4

¹Eṉeko kaka ni visi poso mela, eṉeta ṉe melati nianiiekikake koa kalo ko me mevai zoleko ama vo Baṉara. Ni eṉeta ṉeqai nianiia ta tuvevo, meta lula soa saevo meda eva. So sole eṉeta ṉe melai titia me vo Lekasa Jisu ko ṉikale tu meta beta olamo tu pizaka erekomo ko.

²Ako meta meqai nianiiani mela inio koa bazu poso ko eṉe lula ṉe qatimelako me vo Lekasa Jisu ko ṉikale.

³Ako vo Baṉara ta o mela zaria me tu meta tabu me elou ni uria lapaso me elou ko pauvezato ni ruqe ama iruruputo kale azo.

⁴Mea kiada mela ta paqumukomo tu uria emo me ṉaviṉavi ko reko kasi tabu ama rauraekinio ko keve kale,

⁵ni pui pazapazailo ko kerukeru sate, omadeuvo se kutumana kamu jari se pui kevai nianiiani vo Baṉara.

⁶Puliala maba ta otao o ivo vovo lotu kale ala lolo voko reko tava kamako kale. Eṉeta lula ṉe melai bazueka me komi, ni ṉe matu balauvimele me, ako vo Baṉara ta o koqotaemou nio sole seke ereko amu soama quli.

⁷Ako vo Baṉara ta pui opa nokaemele tu animeta me elo kuna kama quli kale melai animeta tabu me elo.

⁸So sole voa maba vo okai keduvo ala komia nianiiekato, ta pui ovai kedua kala maba, melai vo Baṉara inio ovai kedua, vo o katimelani me voko Tabu ama Auvana.

⁹Aṉata pui aba kai pesipesitou komia riki kale ko animea lotu tamania kalea mela ko roquekinio. Ako koa roquekinio ko kalo ta lula o melati vakakuka vo Baṉara me ṉavi sole.

¹⁰Ni meta lula me ereka koa kalo sea kiadama lotu tamania madu kasi koa kiadama Masedonia. Melai eṉeta ṉe basemela me ṉe visi ni kaka poso mela tu meta beta olamo ni kai matu paloasomo roquekinio.

¹¹Meta zuatikomo ko bule ama saevo, ni pui epoepoilo edolomu ko iruruputo kale melai erekomo me ṉaviko iruruputo, tu meta me uria tauveziovou meko elo kale, ko lula eṉe ṉe melai bazuekako me jari ama saevo kale.

¹²Koa keve kale inio se pui nio ke tuvevo putani ta keta mela paṉaovou, ni meta pui meba ziovoziovoitou sekasi pasekole ko saevo ko korotikako quli.

¹³Ṉe visi ni ṉe qaka poso mela, eṉeta ṉe melai zaria me tu meta meqai nianiiovou koko tuveano se lula ke vouvani seko lotu saevo kale ko, tu meta pui duki me elou, se pui kekai zuatani ko aukale ama saevo jaria duki elo kale.

¹⁴Ako animeta me duvevo pueka vo Jisu ta o vovi ni mata o saeve voukale azo, so sole animeta mata tuvevo me ika vo Baṉara ta o vaitoemou vo Jisu sate seke vouvani se lula ke tuvevo puevani vo.

¹⁵Komia nianiiekato erisaṉa eṉe ṉe melai nianiiekikako me ta vo Jisu ko nianiiekato ikio, ko eri: anime mebeta saevoa mela vo Jisu okai vaito ama ṉaniu kale ta maba pui meba tama kuletou se lula ke vouvani.

¹⁶Ako vo Lekasa Jisu ta matuma velavelao kale o bazuemou se voumu tu ke saevo, ni mateana lekasa ta o kati padoekou voko kora, ni vo Baṉara ko kuvili ta ko kelaovou, ni o ṉavi Lekasa Jisu ta o saqorou aukale azo. Nio se lula ke vovini se kevai keruini vo Karisito ta ke saevou voukale azo ni ke koilou kuleto,

¹⁷ni anime mebeta saevoa mela koa taku ta me badoilou se sate leikale tu me doraevo vo Lekasa Jisu okale.

¹⁸So sole meta patukikiniomo me ṉavio kude komia bazu kale.