Read Bilua Taitasi 2 Bible Online

Taitasi 2 - Bilua bible

Taitasi 2

¹Melai ṉota mai nianiiekika ko tuvevo ama lotu ko nianiiekato.

²Bazuema se lasive ama qoleqole poso tu seta inobe ni nianiio ke elou, ni ke uria odiziovou ke ṉavi; tu ke pizatou seko kai oqu kale ko tuveano, ni seko roquano kale, ni pataito kale.

³Omadeuvo jari ṉota bazuema se qole ama reko poso tu ke ereko uri ama kalo koko malezimo ama sea rekoreko se Baṉara ko maba madu. Seta pui kekai pesiovou ko maba ni pui piza kama ju ko mabaku ke elo. Seta kekai nianiiekatou ko uri ama kalo,

⁴tu ke tauvemo se vairu ama rekoreko poso tu ke roquemo seko lasive poso ni meqora poso,

⁵tu nia vairu ama rekoreko poso ta ke uria odizio ke ṉavi ni pui ke pauvezato, tu uria iruruputo ke elo pade kale seko lasive poso ko zorimo kale; so inio puliala ta ruqe kaseko o elou vo Baṉara kasi azo ko kuevako bazu.

⁶Ni mata so jari bazuema se vairu ama maba poso tu ke uria odizio ke ṉavi.

⁷Ṉo ṉavi ṉota kala uri ala kevepito eve uri ama kalo kale kiadama quli kale. Ṉota tuvevo ni kerula eve ṉoko nianiiekato kale.

⁸Ṉota kaseka uri ama pesio, ko se maba poso pui ke roveako titiziko, so inio ṉoko kana madu ta ke quratou, ako seta pui kepa kelou seke kaseko ama ruqe animeko.

⁹Mabaku poso ta ke zorimou seko lekasa poso ni ke zolemou se kiadama quli kale. Seta pui kemai ṉuruṉuruovou

¹⁰ni pui keta ma kuilikou seko quli. Melai seta kiada keru ta kasa ke ikou seko uri ni kerula elo, tu seta olaupo saṉa ke ikou animevo Pakio Baṉara ko nianiiekato seke erekako quli kale.

¹¹Ako vo Baṉara ta lula kasa o ike voko pakiezato sama roquano tu kiadamu ta ke pakio.

¹²Koa pakiezato sama roquano ta ko bazuemela anime tu me vaeko ko kutumana kama kalo ni me ṉaviko vatolo poso, ni me balauvo tu me uria odizio me ṉavi, ni sidopu me elo animeko zorivo kale vo Baṉara komia miduku kale ama saevo kale,

¹³ako animeta me dareka sole koa zoleilo sama ṉaniu anime meqai keruako tu meqai barolo, so keru vo animevo matula Baṉara Jisu Karisito o puratou keru voko ṉaṉaidara kale tu o pakiemelo anime.

¹⁴Vota o katiziovi tu o vou anime kaqe, tu o mela tabariko animeko rupasio kiadama ruqe kale azo ni o saqaemelo anime tu o ṉaviko qoqono mela me elo ni dikidauputole me ereko ko uri.

¹⁵Kai nianiiekate komi quli poso ṉoko zuvarimo ni riqaemo kale se ṉo ke didieṉani. Ṉota kai nianiiekate ṉoko pado ama pizato Baṉara vo nabulu ṉa ko, ni pui zariemo kake tu ke zarazaraeṉo.