Read Bilua Hiburu 2 Bible Online

Hiburu 2 - Bilua bible

Hiburu 2

¹Sokale avo inio animeta me uria didieko ni varoko ko tuvevo ama quli ko lula anime me viqako vo Baṉara vo Meqora kale avo, tu animeta pui me epeilou.

²Koa bazu mateana poso kuevima animeko taite poso kasi ta tuvevo ama, ni voa maba vo pui opa luluekeni ma opa zorikeni ko ta o koe ko koqotato ko vaitotola.

³So sole nonia soqoilo inio me elou anime pui me didiekou ni varokou ta koa raura kama pakiezato ko bazu? O ṉavi Lekasa Jisu inio kuleto o kasekeni koa pakiezato sole, ni se keta va viqeni vo ta ke vinaeke kaseko anime kasi ta kota tuvevo ama kio.

⁴Koa taku kale vo Baṉara ta o mati vinaekake ko voko pizato kale, voko ereko kale kiadama aqasiele ama iruruputo ni voko puariko kale azaazama iruruputo ko pizato Tabu ala Auvana kasi azo ko kuevako[3] o ṉaviko vatolo kale.

⁵Baṉara ta pui opa pitoeme se mateana madu tu seta lekasa ke elo vairu ama peuru ma peuru ko kuevako kale— koa peuru ma peuru aṉa a qasekako.

⁶Melai ko eri kikovema kama Tabu ama Riki kale, anime maba poso mela kale avo, “Baṉara, lala quli nio vo maba nio ṉota ṉo qerukerueva vo; ni vo maba, ta ṉo vati vaila vo?

⁷Ṉota se mateana madu ko sasa zara tinia ṉo ivake vo ni ṉota ṉo lekasa puevake vo ṉaṉaidara ni aikato sate,

⁸ni kiadama quli ko lekasa ṉo ivake.” Ko kikolani ta Baṉara inio “kiadama quli ko lekasa” o ive vo maba, so kai kikolani ta kiadama quli ta ko lekasa puevou vo. Melai animeta pui me vea kala maba vo lekasa okai evani kiadama quli erisaṉa.

⁹Melai animeta meqai nianiia ta vo Jisu inio puju ama taku kale se mateana madu ko sasa zara tinia o eveni, tu vo Baṉara ko pakiezato sama roquano kale vota oma vou kiadamu. Animeta mevai nianiia vota Lekasa o eva ni o rauraiva ṉaṉaidara sate, ako vota lula o tolai ni o vovi sole.

¹⁰Baṉara inio o ereke kiadama quli ni o kati vaila, so sole ko male vota o okotikake vo Jisu ko sidopu voko tolaevo kale, tu voko meqora poso mela ta kubo mela me elou voko ṉaṉaidara kale. Ako vo Jisu inio vo o odiemelani anime pakiezato kale.

¹¹Vota bulebule o imela anime maba poso mela animeko sarueko poso kale azo, tu animeta vo Baṉara ko tabu ama maba poso mela me elo, ni anime ni vo ta omadeu pado Mama samela. Sokale avo inio vo Jisu ta ota zoleiva tu o visi poso mela mela kio anime.

¹²Vota eri kiolake Baṉara kasi, “Aṉata amai bazuekou a visi poso ko ṉo lula ṉo erekako quli; Aṉata a ilusiṉou ṉo seko padoilo kale.”

¹³Ni vota mata eri kiolake, “Aṉata avai keruvou vo Baṉara.” Ni mata vota eri kiolake, “Aṉata abeta eva vo Baṉara o katileni sasarusu sase,” kiolake.

¹⁴Anime vo sasarusu mela mela kiolani mela, ta me jaevani mela marabau ni dara kale, so sole o ṉavi Jisu ta anime jaria maba o evake ni okai saevake ko tupu kale ama saevo. Vota maba o evake tu voko voukale ta o niumaevo vo Setani, vo vou ko pizato sala.

¹⁵Koa keve kale Jisu ta o rupasimelake anime mabaku me eveni mela animeko pado ama saevo kale vou taka ṉalo kale.

¹⁶Ako tuvevo avole vota pui o tauvema se mateana madu animeko tauvemelo kale, melai ko Tabu ama Riki kikolani jari, “Vota o tauvema vo Ebarahami ko vikuvikula,” kikolako.

¹⁷So sole vota lula anime voko visi poso mela jari ota eva kiadama keve kale, tu animevo kerula kala ni baise ala Ṉisa Siama o elo voko va nabuluputo kale vo Baṉara, tu se maba madu ko sarueko poso ta kota ma akoilo.

¹⁸Ni erisaṉa vota o rovea tauvemo seke toraekani ko zolizolito, ako o ṉavi Jisu ta lula o toraeke ko zolizolito ni lula o tolai sole.