Read Bilua Kelokelozato 12 Bible Online

Kelokelozato 12 - Bilua bible

Kelokelozato 12

¹Ni kama pado ṉavaṉavala kama quli ta ko puratake okale aukale vasi. Kota kama pado rekoreko okai taloako vo ṉaniu ni vota koko sabosabo jari, ni vo kaboso ta koko kiti vima koko lojoako ni toni omuqa suti sama lekasa ko tarapae ko kiakako koko lezu topi.

²Kota epia kota evake, ni koa tola ni tapata meqora ko alilo keru ama ta ko ziasikake ko.

³Ni mata kama pado ṉaloṉalo ama quli ta mata ko puratake okale aukale vasi. Kala diri ala ni ṉaloṉalo ala matu dole sikeura lezu ala ni toni sotasota sala, ni koa lezu poso topi ta tarapae kota vai okotani sala.

⁴Ni vota o rajaekake matu kubo suti poso, zoukezouke suti kale azo inio omaomadeu suti o rajaekake, ni o risaekake miduku kale. Voa matu dole ta o lojoake koa rekoreko ko kuleto tu vota ota ka vuo kovo meqora eria alilivo ko elou ti.

⁵Ni kota ko alilivake kala lasive meqora, vo kade ala lekasa okai elo ala kiadama peuru ma peuru kale ama qoqono poso voko aeani daṉa sate. Melai voa meqora ta taukavole ke rapevake ni ke vati olake Baṉara kasi voko papupapu kasi.

⁶Koa rekoreko ta kota soqoike lealea kama zaekale sai vo Baṉara lula oka inainaekakoi, sai koko tauveziovoa koi zouke sabere varimuja kaboso ko poro kale.

⁷Nio ko pazokinio ta kota poaratiake aukale. Vo mateana lekasa Maekolo ni voko mateana vaki ta ke vati pazokiniake vo matu dole, vo o besiteni voko mateana vaki sate,

⁸melai voa matu dole ta koqo ota evake, so inio vo ni voko mateana madu ta pui koma zariziake tu seta ke elou mata aukale.

⁹Nio voa matu ti matula dole ta o ṉamuike aukale azo, voa kuleto o eveni dole, voa ziolo ko kuleto ala vo Setani va kikelani, vo o lipalipaekeni ko pado ama peuru ma peuru. Vota o ṉamui miduku kale, kiadama voko mateana poso sate.

¹⁰Ni aṉata a viqake kama pado matuma kora mateana ko aukale vasi, eri kikolako, “Erisaṉa vo Baṉara ko pakiezato ta lula kota barola! Erisaṉa vo Baṉara ta lula kasa o ika voko pizato voko lekasa puilo kale! Erisaṉa vo o pitoeveni Pakio ta lula kasa o ika vo Baṉara o kativema pizato! Ako vo o lojeni animevo Baṉara ko kuleto ni kuiripato saṉa o imeni ipu ni ṉaniu animeko lolo poso seke tuvevo putani ta lula o ṉamui aukale azo sole.

¹¹Seta lula ke koqotaevo vo, vo Sipi Meqora ko vou ko dara kale ni se kekai bazutema tuveano kale, ni seta pui kepa katiziovi tu ke vou.

¹²So sole zoleimo, mea kiada mela aukale me evani mela! Melai matuma upotuqu me miduku kale ni rokasana kale me evani mela tona! Ako vo Setani ta lula o saqora mekasi, ni vota ota paloasa korakorailo, ako vota okai nianiia ta matu puju ama ikio voko taku ta kobeta eva sole.”

¹³So keru voa matu dole o paqumuka keru voko ṉamuilo miduku kale, vota o taniekake kati jouro koa rekoreko koko alilivani vo lasive meqora.

¹⁴Ni kota koka puariziake omuqa matu zabu zako ko jari ama tu kota ko akazo ni ko zio koko zaekale ko koka inainaima koa lealea kama zaekale, sai koko uria eloa koi zouke sabere varimuja kaboso, sai voa matu dole pui o roveakoi kai barolo ko.

¹⁵Nio koa rekoreko ko tova inio matu dole ta o supaekake ko ju nioqololo, tu koa nioqololo ta ko solekou koa rekoreko kiolake.

¹⁶Melai ko miduku ta ko tauvekake koa rekoreko, ko miduku ta ko viqaziake ni kota ko parakikake koa ju matu dole ko suto kude ko saqorema.

¹⁷Voa matu dole ta okai matu korakoraivake koa rekoreko, ni o mati pazokiniake koko vikuvikula kale amu, seke zorikani vo Baṉara ko bazu poso ni kekai oquani vo Jisu o puratikema tuveano.

¹⁸Nio voa matu dole ta niuniala lojo ota evake keta vozavoza kale.