Read Bilua Kelokelozato 15 Bible Online

Kelokelozato 15 - Bilua bible

Kelokelozato 15

¹Ni aṉata a qeake mata kama pado ṉavaṉavala kama quli okale aukale vasi kota matuma ni aqasiele ama quli. Kota sikeura mateana sikeura ave sate amu. Kota tovatovama ave poso, ako vo Baṉara ko korakorailo ta kokale kota paitou sole.

²Ni aṉata a qeake ko ivere jari ama quli, qelasi jaria mudamudatoma ni uza valuvalu ama. Ni aṉata mata a meake seke koqotaekeni vo biaṉa ko pizato ni voko beku, seke koqotaeveni voa naba sama ṉi sala biaṉa. Seta kebeta lojoake koko mudamudatako ivere jari ama quli ko sipole, seke kamakani ko mike poso Baṉara o katimema.

³Ni seta kevai keraoke Mosese vo kera, Baṉara vo nabulu, ni voa Sipi Meqora vo kera, eri kiolani: “Raura kala ni Kiadama Pizato sala Baṉara ṉa, kiadama ṉoko iruruputo ta matu aqasiele ama! Kiadama toutou ni qoqono poso vo Aikovakova ṉa, kiadama ṉoko kalo ta sidopu ni tuvevo ama!

⁴Lala inio pui opa taṉa panaovou, Baṉara? Lala inio ota ka lupaovou taṉa kaseko ṉoko naizato? Puliala! Ṉo tisoiko ṉo qiada Tabua laṉa. Kiadama toutou poso ta ke kilou ilusatole ṉoko taqo kale ako kiadamu ta lula ke kea ta ṉoko iruruputo ta sidopu ama sole.”

⁵Koko tova inio aṉata a veake vo Jelepade veukaveuka kala aukale, o ṉavi Baṉara o evakoi zala tepe pade sala.

⁶Ni sea sikeura mateana sikeura ave sate ta ke saqorake koa tabu pade ko poro kale azo, se kekai saboini bulebule ama ni ko simanamanatako tapo sabosabo ni qolo zadozado kekai zadoekani seko dumidumi.

⁷Nio kala pado koa ariku saevoma biaṉa azo ta o katimake sea sikeura mateana sikeura qolo lolulolu vo Baṉara ko korakorailo kokai sukatako sama, voa noqola kala latau ṉaniu ni ka ṉaniu.

⁸Ni voa Jelepade ta kovai sukatake ko kolu koko kuevako vo Baṉara ko ṉaṉaidara ni pizato kale azo, ni puliala kala pado ta o roveake amaqeo koa Jelepade ko poro kale, ti kobeta baroi ko paitopaito koa sikeura ave sea sikeura mateana ke kati kevema.