Read Birifor, Malba Matie Sɛbɛ 3 Bible Online

Matie Sɛbɛ 3 - Birifor, Malba bible

Matie Sɛbɛ 3

¹A ʋna daarʼãa pʋɔ a Jã-Batii cenʼã a Jude wɛkar pʋɔ ɩ̃ nyɔw a Naaŋmɩn ƴɛrɩ̃ ɩ̃ ƴɛrɛ yele nɩ:

²“Nyɩ́ lɩɛb a nyɩ yɛ̃, a-na-ɩ a saa juu fãw daar pɩɛlɛ na.”

³A Jã ɩ na a ʋlɔ a ƴɛr-hiere Ejayi na dãa ƴɛrɛ a ʋ ƴɛrɩ̃sɩ pʋʋr a mɩnɛ ʋ na ma dãa yele: “Ba wõ na a nɩrɛ kɔkɩr na hiere a wɛkar pʋɔ yele: Nyɩ́ gbɛɛrɩ̃ a sɔr a Nɩ-kpɛ̃ɛ ɩnɛ, ɩ̃ mɩ maal a ʋ sɔɛ a tor.”

⁴A Jã ʋlɔ su na a nyʋɔmɩ kɔbɔ kparʋ, ɩ̃ mɩ sɛ a gan cẽcen a sɩɛ pʋɔ; a sãsobo nɩ a sɩɩr ʋ dãa dɩrɛ.

⁵A Jerujalɛm tẽ-deme nɩ a Jude wɩɛr ʋ jaa nɩbɛ nɩ a Jʋrdɛ̃ man nʋɔr ten deme jaa cere na a ʋ sɛ caala a ba maal-faar, ɩ̃ a Jã mʋrɔ ba a kʋ̃ɔ a Jʋrdɛ̃ manɩ̃.

⁷A mɩnɛ a Jã na nyɛ a *Farɩsɩ nɩbɛ nɩ a *Saduse nɩbɛ a ba wɩɛrɛ yaw a kʋ̃ɔ mʋrfʋ ɩnɛ a ʋ sɛ, ʋ yel ba na: “Nyɩna waab bibiirʼãa! Ala jaan nyɩ a nyɩ sɛw na na jɔ cɩ̃ɛ a Naaŋmɩn suur na pɩɛlɛ?

⁸Nyɩ́ ɩ a nyɩ maal-bie a miile áa nyɩ yɛ̃ lɩɛbʼã.

⁹A tɩɛrɩ̃sɩ nyɩ na tɛrɛ a nyɩ pʋʋr, áa Abʋraham ɩ na a nyɩ sãa-kʋmɔ, ma sɛw nyɩ wa. Ɩ̃-cɛ ɩ̃ yel nyɩ na, a kubie asɩmɛ nyɩ na nyɛ, a Naaŋmɩn na tʋɔ na lɩɛb ba a ba ɩ a Abʋraham bibiir.

¹⁰Ba gɔrʼã ƴɔ̃w a kpãakpo a tɩɩr nyɩbɛ pʋʋr. A tɩɛ lɛ na ma wɔnɔ a wɔ̃-vɛlɛ wa, ba na ŋmaa ʋ na lɔb ƴɔ̃w a vũu pʋɔ.

¹¹A maa, kʋ̃ɔ tɛw ɩ̃ mʋrɔ nyɩ, na miile a nyɩ yɛ̃-lɩɛbfʋ, ɩ̃-cɛ nɩrɛ be na be na waara a ɩ̃ puo-sɔw na gãw ma, a maa mɩ sɛw na sɩɩr a ʋ nafaba wa. A ʋlɔ, ʋ nɔɔ mʋr nyɩ na a Naaŋmɩn Sɩɛ pʋɔ nɩ a vũu pʋɔ.

¹²Ʋ tɛrɛ na a ci-ŋme-daa a nuu pʋɔ ʋ na ŋmeere nɩ a ci, ɩ̃ yele diere a ci ƴɔnɔ a boor pʋɔ, ɩ̃ cɩɛrɛ a ure ƴɔnɔ a vũu ʋlɔ pʋɔ na ma tɛrɛ a kpiinfʋ wa.”

¹³A daar ʋlɔ pʋɔ, a *Jeeju yi na a Galile ɩ̃ cen a Jʋrdɛ̃ manɩ̃ a Jã sɛ a kʋ̃ɔ mʋrfʋ ɩnɛ.

¹⁴A Jã ma bʋɔrɔ ʋ sɔw wa, ɩ̃ yel ʋ: “Maa ɩ̃ sɛw a fʋ na mʋr ma a kʋ̃ɔ pʋɔ, ɩ̃-cɛ a fʋ lɛ waara a ɩ̃ sɛ̃?”

¹⁵A Jeeju yel ʋ: “Bar a sɩ maal a lɛ a ƴɛ̃ƴɛrɩ̃, a-na-ɩ lɛ sɩ na maal a tʋmɔ a jaa a Naaŋmɩn na bʋɔrɔ sɩ maal,” ɩ̃ a Jã pãa sɔw.

¹⁶A lɛ ʋ na mʋr a Jeeju a kʋ̃ɔ pʋɔ baar ʋ yi na a kʋ̃ɔmɩ, ɩ̃ a jie naan a saꞌlon yuo na a ʋ ɩnɛ, ʋ nyɛ a Naaŋmɩn Sɩɛ ʋ wɔ̃ taa nɩ a ŋmam ʋ suure waara a ʋ sɛ̃.

¹⁷Ɩ̃ ba wõ na a kɔkɩr na yi a saa juu ɩ̃ yel: “A naa ɩ a ɩ̃ Bi-nʋnaa na kpɛ ma a nyãa.”