Read Birifor, Malba Markɩ Sɛbɛ 15 Bible Online

Markɩ Sɛbɛ 15 - Birifor, Malba bible

Markɩ Sɛbɛ 15

¹A dʋ̃ꞌwʋlɩ̃ ɓaaraa pipi, a *baar-lo-nɩ-bɛrɛ nɩ a ni-dierbe nɩ a *ƴɛr-kpɛn-bɔɔnbɔ, nɩ a *ƴɛr-guor-nɩ-bɛrɛ ba jaa duo na ɩ̃ mana taa. A ala ɩ̃ baar, ba ƴɔ̃w na a ba lũ a *Jeeju cenʼɩ̃ na kʋ a *Pɩlatɩ.

²A Pɩlatɩ soor ʋ: “Fʋ̃ʋ ɩ̃ ɩ a Jufisɩ jamana?” A Jeeju yel ʋ: “A lɛ fʋ yel.”

³A baar-lo-nɩ-bɛrɛ ƴɛrɛ na ƴɛr-faar yaw dɔɔlɔ a ʋ juu,

⁴ala-ɩ̃-sɔ a Pɩlatɩ lɛ bɔ̃w soor ʋ: “Faa ƴɛrɛ ƴɛrɩ̃ wa? Fʋ wõ na a ƴɛr-faar ala ba na dɔɔlɔ a fʋ juu!”

⁵Ɩ̃ a Jeeju ma lɛ ƴɛr ƴɛrɩ̃ fɩ̃ɩ wa, a ko a Pɩlatɩ nʋɔr.

⁶A *Pakɩ fɛtɩ daar, a *Pɩlatɩ ma barʼã a kasu nɩrɛ ʋlɔ a nɩbɛ na ma sʋɔr ʋ.

⁷Daba dãa na be be a kasu pʋɔ ɩ̃ dɩ Barabasɩ. Ba lũ na a ʋlɔ nɩ a ʋ tɔ deme ƴɔ̃w a kasu pʋɔ a-na-ɩ ba kú na nɩrɛ a lɛdaar ba na ir jɛbɛ nɩ a fãgã deme.

⁸A nɩbɛ cenʼã a Pɩlatɩ sɛ̃ na ba nyɔw ɩ̃ sʋɔrɔ ʋ a ʋ maal ba a ala ʋ na ma dãa maala ba.

⁹A Pɩlatɩ soor ba: “Nyɩ bʋɔrɔ na ɩ̃ bar a Jufisɩ jamana kʋ nyɩ mɩɩ?”

¹⁰A-na-ɩ ʋ bɔ̃w ka nyube be na a *baar-lo-nɩ-bɛrɛ jie, ala-ɩ̃-sɔ a ba nyɔw a *Jeeju wɩ nɩ a ʋ sɛ̃.

¹¹Ɩ̃-cɛ a baar-lo-nɩ-bɛrɛ tɔ na a nɩbɛ ƴɔ̃w a ba sʋɔr a Pɩlatɩ a ʋ ɛ̃ɛ bar a Barabasɩ kʋ ba,

¹²a Pɩlatɩ lɛ soor ba: “A ala ɩ̃ ɩ a lɛ ʋ, bõ nyɩ bʋɔrɔ ɩ̃ ɩ nɩ a ʋlɔ nyɩ na bʋɔlɔ a Jufisɩ jamana?”

¹³A ba wuur ɩ̃ yel ʋ: “Kpa ʋ yaal a nɩ-kʋ-daa juu!”

¹⁴A Pɩlatɩ soor ba: “Mɩnɛ? Fãa buor ʋ maal?” A ba lɛ bɔ̃w wuurʼɩ̃ kpɛ̃w: “Kpa ʋ yaal a nɩ-kʋ-daa juu!”

¹⁵A Pɩlatɩ bʋɔrɔ na ʋ maal a nʋmɔ a nɩbɛ bala, ala-ɩ̃-sɔ ʋ bar a Barabasɩ kʋ ba, ɩ̃ ɩ a sɔdaalsɩ a ba fɔb a Jeeju, ɩ̃ cɛ cenʼɩ̃ a nɩ-kʋ-daa juu a kpafʋ jie.

¹⁶A sɔdaalsɩ taw na a *Jeeju cen na kpɛ nɩ a gbalɩ̃ pʋɔ, a lɛ yelʼã áa jamana yir ba cenʼɩ̃ ʋ, ɩ̃ na ba bʋɔl a ba sɔdaal-taar ba jaa.

¹⁷Ba su na a Jeeju a kpar-jɩ̃ɛw, ɩ̃ vilĩ gʋʋr sapi kpa ʋ a juumɩ,

¹⁸ɩ̃ nyɔw ɩ̃ puoro ʋ yele nɩ: “Jufisɩ jamana yaa! Sɩ puor fʋ na.”

¹⁹Ɩ̃ na ba ŋmeere ʋ a juu nɩ a pã-bir ɩ̃ pʋʋrɔ a natɛɛr ƴɔnɔ ʋ, ɩ̃ loro gbure a dume a ʋ nii-sɔw.

²⁰A lɛ ba na la la ʋ baar, ba yaa na a kpar-jɩ̃ɛw, ɩ̃ lɛ su ʋ a ʋ mɩ̃ɛ cẽcene. A ala ɩ̃ baar ba pãa na taw ʋ yi cenʼɩ̃ a nɩ-kʋ-daa juu a kpafʋ jie.

²¹A Sɩɩrɛn-tẽw nɩrɛ kãw na dɩ Sɩmɔ̃, na ɩ a Alɛsãdɩrɛ nɩ a Urufusi sãa, tɔlʼã cen a puo pʋɔ, ɩ̃ waara, a sɔdaalsɩ fɛr ʋ ƴɔ̃wʋ de a *Jeeju nɩ-kʋ-daa tuo.

²²Ba taw na a Jeeju cenʼɩ̃ a jie ʋlɔ ba na bʋɔlɔ a Gɔlgɔta, a lɛ yelʼã a “Ju-ŋman jie”.

²³A be, ba dãa na bʋɔrɔ ba kʋ ʋ a dɩvɛ̃ ba na nyakarɩ̃ nɩ a tɩ̃ɩ ba na bʋɔlɔ *mɩɩr, ɩ̃ a Jeeju ma sɔw nyu wa.

²⁴Ba kpa ʋ na yaal a nɩ-kʋ-daa juu, ɩ̃ de a ʋ cẽcene po. Gbãbie ba dãa lɔbɔ bɔ̃wnɔ nɩ a bala na diere a cẽcene.

²⁵A dʋ̃ꞌwʋlɩ̃ ɓaaraa, a lɛ a mɔtɔ̃w na cãa pur duoro, lɛdaar ba kpa ʋ yaal a nɩ-kʋ-daa juu.

²⁶Ba sɛbʼã sɛbɛ yaal a ʋ ju-sɔ̃w, na miile a ʋ ꞌlaarfʋ par. Nyɛ a mɩnɛ ba na sɛb: A Jufisɩ jamana ʋ.

²⁷Ba mɩ kpa na nyanyube ayi a nɩ-kʋ-dar jur a Jeeju lõbobo pʋɔ, bõ-ƴen a ʋ dʋrɩ̃ loor, a kãw a ʋ gʋbaa loor. [

²⁸A maalʼã a lɛ tuure nɩ a mɩnɛ a na sɛb a Naaŋmɩn Sɛbɛ pʋɔ: “Ba sɔr ʋ na ƴɔ̃w a nɩ-faar pʋɔ.”]

²⁹A sɔ-tɔlbɔ gɔɔrɔ na a jur, tʋrɔ nɩ ʋ yele: “A fʋ̃ʋ na bʋɔrɔ fʋ wɛl a Naaŋmɩn puor-yir kpɛ̃ɛ, ɩ̃ lɛ mɛ a bõ-kpee a bibie ata pʋɔ!

³⁰Fáa a fʋ mɩ̃ɛ, suu a nɩ-kʋ-daa juu.”

³¹A lɛ naan, a *baar-lo-nɩ-bɛrɛ nɩ a *ƴɛr-kpɛn-bɔɔnbɔ mɩ kpɛrɛ ʋ, na ba yele nɩ taa: “Ʋ fãa na a nɩŋmɛɛ, ɩ̃ ma lɛ tʋɔrɔ faara a ʋ mɩ̃ɛ wa.

³²A fʋ̃ʋ *Kirisi, na ɩ a *Ɩsɩrayɛl jamana! Suu a nɩ-kʋ-daa juu a ƴɛ̃ƴɛrɩ̃, a sɩ na nyɛ ɩ̃ sɔw de fʋ.” A bala ba na lãa kpa yaalʼɩ̃ a Jeeju mɩ tʋrɔ ʋ na.

³³A mɔtɔ̃-tuo daar, a wɩɛr liw na pɔw a jiir a jaa, lɛɛ wa ta nɩ a mɔtɔ̃w gɔrfʋ daar.

³⁴Ɩ̃ a mɔtɔ̃w gɔrfʋ daar, a *Jeeju wuurʼã nɩ kpɛ̃w: “Elo! Elo! Lama sabatanɩ?” A lɛ yelʼã: “Ɩ̃ Naaŋmɩn! ĩ Naaŋmɩn! Bõ ɩ a fʋ jaar ma bar?”

³⁵A nɩbɛ nɩŋmɛɛ na ɩraa a be wonaa na, ɩ̃ na ba yel: “Nyɩ́ cɛlɛ! A ƴɛr-hiere Eli ʋ bʋɔlɔ.”

³⁶A ƴen sʋbɔ a ba pʋɔ jɔ na cen na ɓĩ a tabi-ꞌlʋɔrɔ nɩ a bom *mɩɩrʋ̃, kurʼɩ̃ a ɓɛ̃ɓɛmɛ tur a Jeeju a ʋ nyu, ɩ̃ yel: “Nyɩ́ ɩraa lɛ, a sɩ je kãa ala ɩ a Eli na wa na yaw ʋ a nɩ-kʋ-daa juu suu nɩ.”

³⁷Ɩ̃ a Jeeju wuurʼã nɩ kpɛ̃w, ɩ̃ ŋmaa a vʋʋrʋ̃.

³⁸A Naaŋmɩn puor-yir kpɛ̃ɛ cẽcen ɓerʼã ayi, a saꞌlon wa ta nɩ a tene.

³⁹A Orom sɔdaal-nɩ-kpɛ̃ɛ na dãa ɩraa a Jeeju nii-sɔw, nyɛ na a mɩnɛ ʋ na kpi, ɩ̃ yel: “Sɩrɛ jaa! A daba na dãa na sɩrɩ̃ ɩ a Naaŋmɩn Bie.”

⁴⁰A pɔɔbɔ ŋmɛɛ mɩ dãa na be be ɩraa a nɩdaa ɩ̃ ꞌwuoro. A bana pɔɔbɔ sɔ̃w, a Madala Maarɩɩ be na be, nɩ a Maarɩɩ ʋlɔ na ɩ a Jakɩ bile nɩ a Jojɛsɩ mã, nɩ a Salome.

⁴¹Ba dãa na tuure a Jeeju a lɛdaar ʋ na be a Galile, na ba sũono ʋ. A pɔɔ-yaw ŋmɛɛ mɩ be na be na dãa pɔw ʋ do nɩ a Jerujalɛm.

⁴²A jaanʋɔr ta na na ɩ a gbɛɛrɩ̃fʋ bibir. A lɛ yelʼã, áa *bibi-ciiraa walfʋ dayen.

⁴³A Jojɛfʋ, na ɩ a Arimate-tẽw nɩrɛ ta na. Ʋ be na a Jufisɩ *ƴɛr-guor-nɩ-bɛrɛ sɔ̃w a ba ƴɔnɔ ʋ, ɩ̃ ʋ mɩ dãa cɛlɛ a Naaŋmɩn fãw waa. Ʋ nyɔw na nyãa ɩ̃ cen a *Pɩlatɩ sɛ̃, na ʋ sʋɔr a kũu.

⁴⁴A nʋɔr ko na a Pɩlatɩ a mɩnɛ a *Jeeju na kpi a lɛ a fɔfɔw, ʋ bʋɔl a sɔdaal-nɩ-kpɛ̃ɛ, na ʋ soor ʋ áa kamʼã a Jeeju na kpi mɩɩ?

⁴⁵A lɛ a sɔdaal-nɩ-kpɛ̃ɛ na miil ʋ ʋ bɔ̃w a par, ʋ kʋ na a Jojɛfʋ sɔr ʋ de a Jeeju.

⁴⁶A Jojɛfʋ da na cẽcen, cenʼɩ̃ na yaw nɩ a kũu a nɩ-kʋ-daa juu suu nɩ, ɩ̃ de a cẽcen vilĩ pɔw ʋ, cenʼɩ̃ ũu a yaa kãw pʋɔ ba na kpu a kubir pʋɔ, ɩ̃ bilĩ a kubir kpɛ̃ɛ pɔw a yaa nʋɔr.

⁴⁷A Madala Maarɩɩ nɩ a Maarɩɩ ʋlɔ na ɩ a Jojɛsɩ mã, ꞌwuoro na a jie ʋlɔ ba na uune ʋ.