Read Birifor, Malba Markɩ Sɛbɛ 7 Bible Online

Markɩ Sɛbɛ 7 - Birifor, Malba bible

Markɩ Sɛbɛ 7

¹A *Farɩsɩ nɩbɛ nɩ a *ƴɛr-kpɛn-bɔɔnbɔ ŋmɛɛ na yi a Jerujalɛm, wa na na kpaarɩ̃ taa a *Jeeju sɛ̃.

²Ba nyɛ na a Jeeju *par-tuurbe ŋmɛɛ a ba dɩrɛ a dɩb nɩ a nu-dɛɛr; a lɛ yelʼã a baa pɛɛr a nur tu nɩ a puorfʋ ƴɛrɩ̃ wa.

³A-na-ɩ a Farɩsɩ nɩbɛ nɩ a Jufisɩ ba jaa ma jɔrɔ na a ba tẽkorĩ nɩ-bɛrɛ ƴɛrɩ̃sɩ. Ba maa sɔw dɩ dɩb, ɩ̃ ma ɩ ba bɔ̃w na pɛɛr a ba nur wa.

⁴Ɩ̃ a lɛ ba na mɔɔ yi a daa pʋɔ kul, bala ma pɔl a ba mɩ̃ɛ wa, ba maa sɔw dɩ bom wa. Ba lɛ cãa na tɛrɛ tẽkorɩ̃ maalfʋ yaw go, na wɔ̃ taa nɩ a ŋmama nɩ a yoli nɩ a kure lakpoor pɛɛrfʋ.

⁵A be jie, a Farɩsɩ nɩbɛ nɩ a ƴɛr-kpɛn-bɔɔnbɔ soorʼã a Jeeju: “Bõ ɩnɛ a fʋ par-tuurbe ma bar a sɩ tẽkorɩ̃ nɩ-bɛrɛ maalfʋ ɩ̃ ma dɩrɛ a ba dɩb nɩ a nu-dɛɛr a lɛ?”

⁶A Jeeju yel ba: “Nyɩna bɛbɛlbɛ naa! A Ejayi tɛrɛ na yel-mɩ̃ɛ a mɩnɛ ʋ na hier yel a nyɩ ɩnɛ, ɩ̃ sɛb a ʋ sɛbɛ pʋɔ yele: ‘Nʋɔr tɛw a nɩbɛ basɩmɛ ƴɔnɔ nɩ ma, ɩ̃-cɛ a ba suur jãa nɩ ma na.

⁷A ba puorfʋ ba na puoro ma ma tɛrɛ par wa, ɩ̃ a jaanfʋ ala ba na jaana a nɩbɛ ɩ na nɩbɛ ƴɛr-kpɛn.’

⁸Nyɩ ma barʼã a *Naaŋmɩn ƴɛr-kpɛn ɩ̃ ma lɛ ɛ̃ɛ bil jɔrɔ a nyɩ sãa-kʋnbɔ ƴɛrɩ̃sɩ.”

⁹Ʋ lɛ bɔ̃w na yel ba: “Nyɩ sɩrɩ̃ na bɔ̃w a Naaŋmɩn ƴɛr-kpɛn golfʋ, a nyɩ sãa-kʋnbɔ ƴɛrɩ̃sɩ maalfʋ ɩnɛ ʋlɔ.

¹⁰A-na-ɩ a Mowisi yelʼã: ‘Yɔnɔ a fʋ sãa nɩ a fʋ mã,’ ɩ̃ ʋ mɩ yelʼã áa sɛw na a ba na kú a nɩrɛ ʋlɔ na wa tʋrɔ a ʋ sãa, mɩɩ a ʋ mã.

¹¹Ɩ̃-cɛ a nyɩmɩ, nyɩ ma yelʼã áa ala ɩ̃ ɩ a nɩrɛ yelʼã a ʋ sãa, mɩɩ a ʋ mã, áa yele ala na dãa sɛw ʋ de sũo nɩ ba ɩ na ‘kɔrbã,’ (a lɛ yelʼã, á Naaŋmɩn ʋ de a yele ala kʋ,)

¹²nyɩ maa lɛ bar ʋ ʋ maal bom fɩ̃ɩ sũo nɩ a ʋ sãa, mɩɩ a ʋ mã wa.

¹³Lɛ nyɩ ma de a nyɩ sãa-kʋnbɔ maalfʋ jaana ꞌlʋɔrɔ taa, sãwna nɩ a Naaŋmɩn ƴɛrɩ̃ bara. Ɩ̃ yel-yaw lɛ be na be na wɔ̃ a lɛ nyɩ na maala.”

¹⁴A ala ɩ̃ yi tɔ, a *Jeeju lɛ bʋɔlʼã a nɩbɛ ɩ̃ yel ba: “A nyɩmɩ nyɩ jaa, nyɩ́ bɔ̃w cɛl bɔ̃w a ƴɛrɩ̃ na ɩ̃ na ƴɛrɛ nyɩ par.

¹⁵A bom lɛ a nɩrɛ na dɩrɛ ƴɔnɔ a ʋ pʋɔ ma tʋɔrɔ sãwna ʋ wa. A ala na sãwna a nɩrɛ ɩ na a ala na yire a ʋ suur pʋɔ. [

¹⁶A ʋlɔ na tɛrɛ a tobo wono nɩ, ú bɔ̃w cɛlɛ!”]

¹⁷A mɩnɛ a Jeeju na bar a nɩbɛ ɩ̃ kpɛ a yir pʋɔ, a ʋ *par-tuurbe soor ʋ na a sʋkpa ʋlɔ par,

¹⁸ʋ yel ba: “A nyɩmɩ mɩ, nyaa tɛrɛ a yɛ̃ na bɔ̃w a par wa? Nyaa bɔ̃w ka a dɩb lɛ na kpɛɛrɛ a nɩrɛ pʋ̃ɔ ma tʋɔrɔ sãwna ʋ wa?

¹⁹A-na-ɩ aa ɩ a ʋ suur pʋɔ a kpɛɛrɛ wa. A ʋ puorɩ̃ a kpɛɛrɛ ʋ na wa cen a sãɓanɩ̃ ir bar.” A lɛ, a Jeeju bʋɔrɔ na ʋ yel áa yel-dɩrɩsɩ a jaa ɩ na bõ-son.

²⁰Ʋ lɛ yelʼã “Áa ala na yire a nɩrɛ suur pʋɔ, a ala ɩ̃ sãwna ʋ.

²¹A-na-ɩ a nɩbɛ suur pʋɔ a tɩɛrɩ̃-burbur yire na ma ƴɔnɔ ba a pebfʋ nɩ a jufʋ nɩ a nɩrɛ kúfʋ pʋɔ.

²²A ma mɩ ƴɔnɔ ba na a pɔw-kpee mɩɩ a dab-kpee ganifʋ, nɩ a folfʋ, nɩ a po-tuo, nɩ a bɛlɩ̃fʋ, nɩ a pebfʋ, nɩ a mimir fãa, nɩ a kpɛfʋ, nɩ a yo-bɔfʋ, nɩ a yɛ̃ faafʋ pʋɔ.

²³A yel-dɛɛrsɩ asɩmɛ a jaa, a nɩrɛ suur pʋɔ a yire, sãwna nɩ ʋ.”

²⁴A *Jeeju yi na a be ɩ̃ cen a Tɩɩr wɩɛr, na ʋ cen na kpɛ a yir kãw pʋɔ, ɩ̃ ma dãa bʋɔrɔ nɩrɛ ʋ bɔ̃w nɩ ʋ wa. Ɩ̃ ꞌwaa dãa tʋɔrɔ sɔɔlɔ wa.

²⁵A-na-ɩ pɔw kãw na dãa tɛrɛ bi-pɔw a kɔ̃tɔn bier na ire, wõ na a ba ƴɛr a Jeeju ƴɛrɩ̃, ɩ̃ na ʋ wa a jie naan lo gburĩ a dume a ʋ nii-sɔw.

²⁶A pɔw ʋlɔ yi na a Siro-Fenisɩ wɩɛr ɩ̃ ƴɛrɛ a Gɩrɛkɩ ƴɛrɩ̃. Ʋ sʋɔrɔ na a Jeeju a ʋ diw a kɔ̃tɔn bar ʋ yi ɩ̃ cɛ a ʋ bi-pɔw.

²⁷A Jeeju yel ʋ: “Bar a bibiir a ba dɩ pi sɛr, a-na-ɩ aa sɛw a ba na de a bibiir bõ-dɩraa lɔb ƴɔ̃w a baar wa.”

²⁸A pɔw lɛ lɩɛb yel ʋ: “Sɩrɛ jaa ʋ, Nɩ-kpɛ̃ɛ, ɩ̃ a baar na pɩɛlʼɩ̃ a dɩb dɩfʋ jie ma dɩrɛ na a bibiir dɩb-pʋrɔ na loro a tene.”

²⁹A be jie, a Jeeju lɩɛb yel a pɔw: “Kule! A ƴɛr-birʼãa fʋ na ƴɛr ɩnɛ, a kɔ̃tɔn yi na ɩ̃ bar ʋ.”

³⁰Ʋ lɩɛbʼã kul a yir nyɛ a bie ʋ gã, a kɔ̃tɔn yi ɩ̃ cɛ ʋ bar.

³¹A *Jeeju yi na a Tɩɩr wɩɛr ɩ̃ wa tɔlʼɩ̃ a Sɩdɔ̃ loor ɩ̃ cen na ta a Galile manɩ̃, a Ten Pie tẽ-daa pʋɔ.

³²Nɩbɛ wa nɩ na wõw na maa bɔ̃w tʋɔ ƴɛr ƴɛrɩ̃ wa a Jeeju sɛ̃, ɩ̃ sʋɔr ʋ a ʋ dɔɔl ʋ a nuu, ʋ kpɛmɛ.

³³A lɛ, ʋ taw ʋ na jãa nɩ a nɩbɛ, bala ba tɛw ayi, ɩ̃ na ʋ de a ʋ nubie su a wõw to-vɛ̃ɛ pʋʋr, ɩ̃ mɩ pʋʋr a natɛɛr ƴɔ̃w a ʋ nubir pʋɔ sɩɩrʼɩ̃ a ʋ dɛlɩ̃bir,

³⁴ɩ̃ dʋɔ ꞌwuor a saꞌlon ɩ̃ hʋʋn yelʼɩ̃ a wõw: “Ɛfata,” a lɛ yelʼã: “Yuo!”

³⁵A jie naan, a daba tobo yuo na, a dɛlɩ̃bir ꞌlaw ʋ, ʋ ma ƴɛr a ƴɛrɩ̃ vɩlaa yele.

³⁶A Jeeju kpãkpan ba a ba taa wa yele bom kʋrɔ nɩrɛ wa, ɩ̃-cɛ a lɛ ʋ na mɩ kpãkpana ba, a lɛ ba mɩ hiere pɔwrɔ a wɩɛr,

³⁷a nɔɛ nyɩrɩ̃ ko a nɩbɛ a ba yele: “Yel-vɛlɛ nɩ̃ɛ tɛw ʋ ma maala! Ʋ ma maalʼã a won a ba wono, ɩ̃ ma mɩ maal a nɔ-mu deme a ba lɛ ƴɛrɛ.”