Read Birifor, Malba Luki Sɛbɛ 5 Bible Online

Luki Sɛbɛ 5 - Birifor, Malba bible

Luki Sɛbɛ 5

¹Bibir kãw a *Jeeju be na a Jenejarɛ-man nʋɔr, a nɩbɛ wa fʋr ʋ jilĩ kolĩ a Naaŋmɩn ƴɛrɩ̃ cɛlfʋ ɩnɛ.

²Ʋ nyɛ na gboro ayi a man nʋɔr, a jɩ̃-bɛrbɛ yi a be ɩ̃ suu pɛwrɛ a ba jʋʋr,

³ʋ kpɛ a gbor bõ-ƴen pʋɔ na ɩ a Sɩmɔ̃ ben ɩ̃ sʋɔr ʋ a ʋ jãa nɩ a gbẽgbere nʋɔr fɩ̃ɩ. A ala ɩ̃ baar, ʋ jɛ na be a gbor pʋɔ ɩ̃ jaana a nɩbɛ.

⁴A mɩnɛ a Jeeju na ƴɛr a ƴɛrɩ̃sɩ baar, ʋ yelʼã a Sɩmɔ̃: “Duur a gbor cenʼɩ̃ a kʋ̃ɔ sɔɔlɩ̃sɔw ɩ̃ a nyɩ lɔb a jʋʋr.”

⁵A Sɩmɔ̃ yel ʋ: “Nɩ-kpɛ̃ɛ, sɩ dɩ na tuo a tɩsɔw jaa wa vɩɛ nɩ a bio ɩ̃ na sɩ faa pulpul. Ɩ̃-cɛ a fʋ ƴɛrɩ̃ juumɩ, ɩ̃ na lɔbʼã a jʋʋr.”

⁶Ba lɔbʼã a ɩ ba pɔw na a jɩmɛ yayaw a ba jʋʋr nyɔw ɩ̃ ɓere,

⁷a ba ꞌlɛɛr a ba tɔ deme na be a gbor kpee pʋɔ á ba wa sũo ba. Ba wa na a ba nyɔɔr a jɩmɛ sɛw gboro ayi a vɩrɛ na mʋr.

⁸A mɩnɛ a Sɩmɔ̃ Pɩɛr na nyɛ a lɛ, ʋ lo na gburĩ a dume a Jeeju nii-sɔw ɩ̃ yel: “Nɩ-kpɛ̃ɛ, taw jãa nɩ ma, a-na-ɩ ɩ̃ ɩ na maal-fãa nɩrɛ.”

⁹Ʋ yelʼã a lɛ a-na-ɩ nʋɔr kpaw ba na, ʋlɔ nɩ a bala ba jaa ʋ na be nɩ, a jɩm-yaw ala ba na nyɔɔr ɩnɛ.

¹⁰Lɛ a mɩ dãa wɔ̃ a Sɩmɔ̃ tɔ deme, Jakɩ nɩ a Jã na ɩ a Jebede bi-dabsɩ. Ɩ̃ a Jeeju yel a Sɩmɔ̃: “Taa ɩ a dãbɩ̃ɛ nyɔw fʋ wa. Wa nyɔw nɩ a dɩnaa, nɩbɛ fʋ na nyɔwrɔ.”

¹¹Ɩ̃ na ba lɛ duur a gboro lɩɛb wa nɩ a man gbẽgbere nʋɔr na bin, ɩ̃ bar a yele a jaa ɩ̃ tu a Jeeju.

¹²A mɩnɛ a *Jeeju na dãa be a tẽw kãw pʋɔ, daba kãw a kɔn wʋlɩ̃ na pɔw a ɩ̃gan nyɛ ʋ na ɩ̃ lo kpa pɔw a nii-sɔw ɩ̃ sʋɔr ʋ: “Nɩ-kpɛ̃ɛ, a fʋ̃ʋ sɔw, fʋ na tʋɔ na pɔlɩ̃ ma.”

¹³A Jeeju turʼã a nuu sɩɩr ʋ ɩ̃ yel: “Ɩ̃ sɔw na, pɔlɩ̃!” A jie naan, a ʋ kɔn wʋlɩ̃ baarʼã,

¹⁴ɩ̃ a Jeeju yel ʋ á ʋ taa yele bom kʋrɔ nɩrɛ wa, ɩ̃-cɛ á ʋ cen na miilʼɩ̃ a ʋ mɩ̃ɛ a Naaŋmɩn baar-loro, ɩ̃ tɩɩr a baar-lo-yele ala a Mowisi na dãa ƴɔ̃w, a nɩbɛ na bɔ̃w ka ʋ sɩrɩ̃ na pɔlɩ̃.

¹⁵Ɩ̃ a Jeeju yuor jaar ɩ̃ yire dɔɔlɔ, ɩ̃ a nɩ-yaw ma wa na cɛlɛ a ʋ ƴɛrɩ̃ sʋɔrɔ nɩ ʋ a ʋ kpɛmɛ ba.

¹⁶Ɩ̃-cɛ a ʋlɔ, ʋ ma yi na a cɛ̃cɛ̃w sʋɔrɔ a Naaŋmɩn.

¹⁷Bibir kãw a *Jeeju jaana na a nɩbɛ. A *Farɩsɩ nɩbɛ nɩ a *ƴɛr-kpɛn-jaanba na yi a ten ala a jaa na be a Galile nɩ a Jude wɩɛr, nɩ a Jerujalɛm wa na na jɛ a be a ʋ sɛ̃, ɩ̃ a Naaŋmɩn fãw dãa be nɩ ʋ ʋ kpaara a nɩbɛ wʋlɩ̃sɩ.

¹⁸Nɩbɛ tuo na dab-gbɛr gaajie juu wa nɩ bʋɔrɔ ba kpɛ nɩ ʋ na bin a Jeeju nii-sɔw,

¹⁹ɩ̃-cɛ baa dãa bɔ̃w a jie na ba na tuure ɩ̃ kpɛɛrɛ nɩ ʋ wa, a-na-ɩ a nɩbɛ waa na. Ala-ɩ̃-sɔ ba do na a garɩ̃ na ba yuo a bɔw ɩ̃ tur ʋ bar nɩ a ʋ gaajie a nɩbɛ sɔ̃w be a Jeeju nii-sɔw.

²⁰A Jeeju nyɛ na a ba ƴɔ̃w-nyãa ɩ̃ yel a gbɛr: “Ɩ̃ baraa! A Naaŋmɩn de na a fʋ faar bar kʋ fʋ.”

²¹A *ƴɛr-kpɛn-bɔɔnbɔ nɩ a Farɩsɩ nɩbɛ nyɔw ɩ̃ ƴɛrɛ nɩ a ba pʋɔ: “Ala nɩ a naa tɔr ɩ̃ kpɛrɛ a Naaŋmɩn a lɛ? Ala ɩ̃ tɛrɛ sɔr na yel áa Naaŋmɩn de na a maal-fãa bar kʋ a nɩrɛ ɩ̃ a ala ma ɩ a Naaŋmɩn tɛw ʋ wa?”

²²A Jeeju bɔ̃w a ala ba na tɩɛrɛ ɩ̃ yel ba: “Bõ tɩɛrɩ̃sɩ nɩ a ala nyɩ na tɛrɛ a nyɩ pʋɔ?

²³Buor ɩ̃ yɔw gãw a yelfʋ: a Naaŋmɩn de na a ʋ maal-fãa bar kʋ ʋ, mɩɩ a ʋ ir cere?

²⁴Ɩ̃-cɛ ɩ̃ bʋɔrɔ na nyɩ bɔ̃w ka a *Nɩbɛ Bie tɛrɛ na sɔr a ka a tẽw pʋɔ na de a nɩrɛ maal-fãa bar kʋ ʋ.” Ala-ɩ̃-sɔ ʋ yel a gbɛr: “A fʋ̃ʋ ɩ̃ yele: ir de a fʋ gaajie kule nɩ.”

²⁵A jie naan, a gbɛr irʼã a ba nii-sɔw, de a ʋ gaajie pɛwrɛ nɩ a Naaŋmɩn kule nɩ.

²⁶A nɔɛ ko a nɩbɛ ba jaa a ba pɛwrɛ a Naaŋmɩn, ɩ̃ a dãbɩ̃ɛ nyɔw ba a ba yele: “Sɩ nyɛ na a yel-bɔ̃w-faarsɩ a dɩnaa bibir.”

²⁷A ala ɩ̃ baar, a *Jeeju yi na nyɛ lãpo-diere kãw na dɩ Levi ʋ jɛ be a ʋ tʋn tũfʋ jie, ʋ yel ʋ: “Ir, tuure ma”,

²⁸a Levi bar a ʋ yele a jaa ɩ̃ ir tuure ʋ.

²⁹A Levi maalʼã fɛtɩ kpɛ̃ɛ a Jeeju ɩnɛ be a ʋ yir, a lãpo-dierbe yayaw jie nɩ a nɩbɛ ŋmɛɛ dãa lãa jɛ dɩrɛ nɩ ba a dɩb.

³⁰A *Farɩsɩ nɩbɛ nɩ a ba *ƴɛr-kpɛn-bɔɔnbɔ hũhune ɩ̃ yel a Jeeju *par-tuurbe: “Bõ ɩ a nyɩ lãa dɩrɛ nyuure nɩ a lãpo-dierbe nɩ a nɩ-faar?”

³¹A Jeeju yel ba: “Aa ɩ a ɩ̃gan-kpɛn deme ɩ̃ ma cen a dɔɔtɔrɔ yir wa, a wʋlɩ̃sɩ deme ʋ.

³²Maa wa a nɩ-torisɩ bʋɔlfʋ ɩnɛ wa, a nɩsaa faar ɩ̃ wa bʋɔl a ba na lɩɛb a ba yɛ̃.”

³³A ba yel ʋ: “A Jã *par-tuurbe nɩ a Farɩsɩ par-tuurbe ma luure na a nʋɔr sʋɔrɔ nɩ a Naaŋmɩn tɔ̃-tɔ̃-tɔ̃, ɩ̃-cɛ a fʋ par-tuurbe ʋlɔ ma tɔ̃ɔ dɩrɛ nyuure nɩ.”

³⁴A *Jeeju yel ba: “Nyɩ na tʋɔ na ɩ a bala ba na bʋɔl a pɔw kulfʋ jie a ba lũ a nʋɔr a mɩnɛ a sɩrɛ na cãa be a ba sɔ̃w mɩɩ?

³⁵A daar na ta na, ba na de na a sɩrɛ yi nɩ a ʋ badɛɛ sɔ̃w. A lɛdaar ba na lũ na a nʋɔr.”

³⁶Ʋ lɛ lɔbʼã a sʋkpa na kʋ ba: “Nɩrɛ ma ɓere cẽcẽ-ŋmãa a kpar-paalaa pʋɔ na ʋ ɓana nɩ kpar-kʋraa wa. A ala ɩ ʋ ɩ na a lɛ, ʋ ɓerʼã a kpar-paalaa bar, ɩ̃-cɛ a cẽcẽ-ŋmãa ʋlɔ ʋ na ɓer a kpar-paalaa ʋlɔ pʋɔ ma diere taa nɩ a kpar-kʋraa wa.

³⁷A lɛ ʋ mɩ, nɩrɛ ma diere dã-tɔɔraa ƴɔnɔ dʋʋ bɛraa pʋɔ wa. A ʋlɔ ƴɔ̃w a lɛ, a dã-tɔɔraa na wɛlʼã a dʋʋ, a ɩ a ʋ dãa nɩ a ʋ dʋʋ wɛ na.

³⁸Ɩ̃-cɛ a sɛw na a ba na ƴɔ̃w a dã-tɔɔraa a dʋʋ paalaa pʋɔ.

³⁹Ɩ̃ a ala ɩ a nɩrɛ nyu na a dã-bɩn, ꞌwaa lɛ bʋɔrɔ a dã-tɔɔraa wa, a-na-ɩ ʋ ma yelʼã áa dã-bɩn nʋmɔ na gãw.”