Read Birifor, Malba Nɩ-tʋnɩsɩ tʋmɔ Sɛbɛ 11 Bible Online

Nɩ-tʋnɩsɩ tʋmɔ Sɛbɛ 11 - Birifor, Malba bible

Nɩ-tʋnɩsɩ tʋmɔ Sɛbɛ 11

¹A *nɩ-tʋnɩsɩ nɩ a yɛɛr na be a Jude wõ na áa nɩ-bʋlsɩ mɩ sɔw na a Naaŋmɩn ƴɛrɩ̃.

²A lɛdaar a Pɩɛr na lɩɛb wa a Jerujalɛm, a bala na ma cɛ̃pɛrɛ a yʋɔr ŋmaafʋ ƴɛrɩ̃ ƴɔnɔ ʋ na a ƴɛrɩ̃

³yele nɩ: “Fʋ kpɛ na a nɩbɛ bala yir na ma ꞌwuoro a yʋɔr ŋmaafʋ ƴɛrɩ̃ wa, a nyɩ lãa dɩ taa a dɩb!”

⁴Ɩ̃ a Pɩɛr man ba na a ala na dãa ta a jaa barsɩ, a nyɔwfʋ jie wa ta nɩ a baarfʋ jie. Ʋ yel ba na:

⁵“Ɩ̃ dãa na be a Jope sʋɔrɔ a Naaŋmɩn ɩ̃ nyɛ a sɩɛ bom. Ɩ̃ nyɛ na a bom ʋ suure wɔ̃ taa nɩ gã-kpɛ̃ɛ ba na nyɔw a jiir anaan ʋ yi a saꞌlon ɩ̃ suure waara na tara a ɩ̃ sɛ̃.

⁶Ɩ̃ ꞌwuorʼã kir-kir-kir a pʋɔ ɩ̃ nyɛ a dʋn bʋrɔ bʋrɔ ba jaa: a gbɛɛ anaan deme, a wɛ-yele, a yel-vurisɩ nɩ a pɩrɛ deme.

⁷Ɩ̃ mɩ wõ na a kɔkɩr na yel ma: ‘Pɩɛr, ir kú ꞌwɔb!’

⁸Ɩ̃-cɛ ɩ̃ yel ʋ na: ‘Nɩ-kpɛ̃ɛ, maa tʋɔrɔ wa! A-na-ɩ a yel-ciirsɩ nɩ a yel-kpansɩ maa kpɛ a ɩ̃ nʋɔr pʋɔ wa.’

⁹Ɩ̃ lɛ wõ na a kɔkɩr na yi a saꞌlon ɩ̃ yel: ‘A ala a Naaŋmɩn na yel áa ɩ na yel-sono, taa yele áa ɩ na yel-kpansɩ wa.’

¹⁰A ta na gbɛɛ ata a na maal a lɛ, ɩ̃ a ba lɛ taw a yele ala a jaa lɛ do nɩ a saꞌlon.

¹¹A ʋna daarʼãa pʋɔ, nɩbɛ ata ta na a yir ʋlɔ pʋɔ ɩ̃ na be. Sejare ba dãa yi ɩ̃ a ba tʋ ba a ba wɩ a ɩ̃ sɛ̃.

¹²A Naaŋmɩn Sɩɛ yel ma na a ɩ̃ pɔw ba cenʼɩ̃, a ɩ̃ taa baala wa. A yɛɛr ayʋɔb basɩmɛ mɩ bɩɛl ma na cenʼɩ̃ a Sejare a sɩ lãa kpɛ a Kɔrnɛɛ yir.

¹³A Kɔrnɛɛ mɩɩn sɩ na a mɩnɛ ʋ na nyɛ a sɩ-tʋnaa ʋ ɩraa a be a ʋ yir ɩ̃ yel ʋ: ‘Tʋ̃ nɩbɛ a ba cen a Jope na bʋɔl a Sɩmɔ̃ ʋlɔ na mɩ dɩ a Pɩɛr wa nɩ.

¹⁴Ʋlɔ ɩ̃ na mɩɩn fʋ a ƴɛrɩ̃sɩ ala na faara a fʋ̃ʋ nɩ a fʋ yir deme ba jaa.’

¹⁵Ɩ̃ a lɛ ɩ̃ na cãa nyɔw a ƴɛrɩ̃ ɩ̃ ƴɛrɛ, a Naaŋmɩn Sɩɛ suu na pɔw ba a mɩnɛ ʋ na mɩ dãa pɔw sɩ a korĩ-cɛ,

¹⁶a ɩ̃ tɩɛrɩ̃sɩ jaw ɩ̃ bɔ̃w a ala a Nɩ-kpɛ̃ɛ na dãa yel sɩ: ‘Kʋ̃ɔ pʋɔ a Jã dãa mʋr a nɩbɛ, ɩ̃-cɛ a nyɩmɩ, Naaŋmɩn Sɩɛ pʋɔ a Naaŋmɩn nɔɔ mʋr nyɩ.’

¹⁷A nɔhɔ̃, a Naaŋmɩn kʋ ba na a ʋna bõ-pɔr-bõ-ƴen ʋlɔ ʋ na mɩ dãa kʋ sɩ a lɛdaar sɩ na sɔw de a Nɩ-kpɛ̃ɛ *Jeeju-Kirisi. Ala-ɩ̃-sɔ, a maa, ala ɩ̃ mɩ ɩ na tʋɔ var a Naaŋmɩn tʋmɔ?”

¹⁸A lɛ ba na wõ a ʋna ƴɛrɩ̃, ba sine na ɩ̃ pɛwrɛ a Naaŋmɩn yele nɩ: “A ala ɩ̃ ɩ a lɛ ʋ, a Naaŋmɩn mɩ kʋ na a nɩ-bʋlsɩ a sɔr a ba na lɩɛb a ba yɛ̃ ɩ̃ de a baafʋ sɔr.”

¹⁹A daar ʋlɔ ba na kú a Ɩtɩɛn, a hʋɔlfʋ ta na a popuorbo a ba jɔ ŋma kpee kpee. A ŋmɛɛ cenʼã a Fenisi, a ŋmɛɛ cen a Sɩpɩr ɩ̃ a ŋmɛɛ cen a Ãtɩyɔsɩ, ɩ̃ a Jufisɩ tɛw ba dãa ƴɛrɛ a Naaŋmɩn ƴɛrɩ̃ kʋrɔ.

²⁰Ɩ̃-cɛ a popuorbo ŋmɛɛ na yi a Sɩpɩr nɩ a Sɩɩrɛn cenʼã a Ãtɩyɔsɩ na ƴɛrɛ a Nɩ-kpɛ̃ɛ *Jeeju ƴɛr-son mɩ kʋrɔ a bala na ma ɩ a Jufisɩ wa.

²¹A Nɩ-kpɛ̃ɛ fãw dãa na be nɩ ba, a yaw jie sɔw de a ƴɛrɩ̃ ɩ̃ lɩɛb puoro a Nɩ-kpɛ̃ɛ.

²²A ʋna ƴɛrɩ̃ ta na a *duo-puorbo na be a Jerujalɛm, a ba ir a Banabasɩ bar ʋ cen a Ãtɩyɔsɩ.

²³Ɩ̃ a lɛ ʋ na ta nyɛ a mɩnɛ a Naaŋmɩn na maal ba a vɩlaa, a nʋmɔ ʋ na yaw, ʋ yel ba a ba ɩraa cĩcĩ a Nɩ-kpɛ̃ɛ jie nɩ a ba pʋɔ ʋ jaa.

²⁴A Banabasɩ ʋlɔ ɩ na nɩ-son, ɩ̃ sɛw nɩ a Naaŋmɩn Sɩɛ ɩ̃ mɩ tɛrɛ a ƴɔ̃w-nyãa ʋ bɛrmɛ a Naaŋmɩn jie.

²⁵A Banabasɩ cenʼã a Tarsɩ na soor a Sol jie yɔ nɩ,

²⁶ɩ̃ a lɛ ʋ na nyɛ ʋ, ʋ tɛrɛ ʋ na wa nɩ a Ãtɩyɔsɩ, a ba jɛ a be a duo-puorbo sɛ̃ maal yuon, jaana a nɩ-yaw a Naaŋmɩn sɔr. A be a Ãtɩyɔsɩ ba dãa de nĩe bʋɔl a *par-tuurbe a “*Kirisi nɩbɛ”.

²⁷A ʋna daarʼãa, a Naaŋmɩn pʋ-tɩɛrʋ̃-bʋʋrbɔ ŋmɛɛ yi na a Jerujalɛm ɩ̃ cen a Ãtɩyɔsɩ.

²⁸A ƴen sʋbɔ a ba pʋɔ ba na bʋɔlɔ a Agabisi irʼã ɩraa, a Naaŋmɩn Sɩɛ tɔw ʋ ƴɔ̃w ʋ yele áa cɛ na fɩ̃ɩ ɩ̃ a kɔ̃ kpɛ̃ɛ na lo na a ten a jaa pʋɔ. (A ta na a lɛdaar a Kilodi na ɩ a jaman-kpɛ̃ɛ.)

²⁹A par-tuurbe manʼã taa áa ba jaa na sũo na a yɛɛr na be a Jude tu nɩ a mɩnɛ ba na tʋɔrɔ.

³⁰Ba maalʼã a lɛ, ɩ̃ tʋ̃ a Banabasɩ nɩ a Sol a ba de a ala ba na cɩɛr cenʼɩ̃ na kʋ a duo-puor-ni-dierbe na be a Jude.