Read Birifor, Malba Orom Sɛbɛ 7 Bible Online

Orom Sɛbɛ 7 - Birifor, Malba bible

Orom Sɛbɛ 7

¹Yɛɛr, nyɩ gɔrʼã bɔ̃w a ala ɩ̃ na yele nyɩ, a-na-ɩ ɩ̃ ƴɛrɛ nɩ na a bala na bɔ̃w a ƴɛr-kpɛn. A ƴɛr-kpɛn tɛrɛ na tʋɔfʋ a nɩrɛ jie a lɛdaar ʋ na cãa a mimir.

²A pɔw na kul a sɩrɛ, a ƴɛr-kpɛ̃w lũ ʋ na nɩ a ʋ sɩrɛ wa ta nɩ a ʋ kũu daar. Ɩ̃-cɛ a ʋ sɩrɛ wa kpi, ʋ tɛrɛ na sɔr na yi a ƴɛr-kpɛ̃w ʋlɔ pʋɔ na dãa lũ ʋ nɩ a ʋ sɩrɛ.

³Ala-ɩ̃-sɔ, a ala ɩ a ʋ sɩrɛ cãa na be be, ɩ̃-cɛ ʋ cen na ir sɩr-paalaa, ba na yelʼã á ʋ sãw na a ʋ kulfʋ. Ɩ̃-cɛ a ʋ sɩrɛ wa kpi, ʋ tɛrɛ na sɔr a ƴɛr-kpɛn pʋɔ na cen kul a dab-kpee. A nɔhɔ̃, ꞌwaa sãw a ʋ kulfʋ wa.

⁴Ɩ̃ yɛɛr, a lɛ ʋ mɩ a nyɩ jie. A mɩnɛ nyɩ na ɓã taa ɩ a bõ-ƴen nɩ a *Kirisi ɩ̃gan, ba ƴɔ̃w nyɩ na a kũu pʋɔ a ƴɛr-kpɛn ɩnɛ, a mɩnɛ a nyɩ na tʋɔ ɩ a nɩ-kpee ben, tʋnɔ nɩ a tʋ̃-sono kʋrɔ a Naaŋmɩn.

⁵A-na-ɩ a lɛdaar sɩ na dãa cere tuure a ala a sɩ ɩ̃gan buur na bʋɔrɔ, a ƴɛr-kpɛn ma dãa na jawra a fãa vɩláa a sɩ ɩ̃gan pʋɔ, a sɩ maala a ala na cere nɩ sɩ a kũu pʋɔ.

⁶Ɩ̃-cɛ a ƴɛ̃ƴɛrɩ̃ na, sɩ nyɛ na sɔr yi a ƴɛr-kpɛn pʋɔ, a-na-ɩ saa cãa a ala na dãa pɔw sɩ a kasu pʋɔ wa, a mɩnɛ sɩ na tʋɔ tuure a sɔr paalaa maala a ala a Naaŋmɩn Sɩɛ na ƴɔ̃w sɩ, ɩ̃ bar a sɔr kʋraa ʋlɔ pʋɔ sɩ na dãa be, tuure a ƴɛr-kpɛn ala ba na dãa sɛb.

⁷Ala-ɩ̃-sɔ, sɩ́ yel a bõ? A Mowisi ƴɛr-kpɛn ɩ na maal-fãa mɩɩ? Aa ɩ a lɛ ʋ wa. Ɩ̃-cɛ a ƴɛr-kpɛn maal ma na ɩ̃ bɔ̃w a fãa. A-na-ɩ ɩ̃ kɔ̃ɔ dãa bɔ̃w a bõ na dɩ a jɩɛlfʋ, ɩ̃ a ala ɩ̃ ma dãa ɩ a ƴɛr-kpɛ̃w ɩ̃ yel, a ɩ̃ taa jɩɛlɛ nɩrɛ bom wa.

⁸A ƴɛr-kpɛn ɩnɛ a maal-fãa nyɛ a sɔr kpɛ ma ɩ̃ ꞌwuoro a yele a jaa a ꞌwuor-fãa. A-na-ɩ a jie ʋlɔ a ƴɛr-kpɛn na ma be wa, a maal-fãa wɔ̃ na taa nɩ bõ-kũu.

⁹A korĩ-cɛ, ɩ̃ dãa na be ka ma bɔ̃w a ƴɛr-kpɛn wa, ɩ̃-cɛ a lɛ a ƴɛr-kpɛn na ta ma a maal-fãa de na a ɩ̃ baafʋ ɩ̃ cɛ ma bar.

¹⁰A ʋna ƴɛr-kpɛn na dãa sɛw na tɔw ma ƴɔ̃w a baafʋ pʋɔ, lɛ lɩɛbʼã tɔw ma ƴɔ̃w a kũu pʋɔ.

¹¹A-na-ɩ a ƴɛr-kpɛn ɩnɛ a maal-fãa nyɛ a sɔr bɛlɩ̃ ma, wa ƴɔ̃w ma a kũu pʋɔ a lɛ.

¹²Sɩ nyɛ na a nɔhɔ̃ a mɩnɛ a ƴɛr-kpɛn na ɩ a son, ɩ̃ a Mowisi sɛbɛ ƴɛrɩ̃sɩ na mɩ ɩ a son, mɩ tor ɩ̃ mɩ vɩɛlɛ.

¹³Ala-ɩ̃-sɔ a bõ-son lɩɛbʼã ɩ ma a kũu bom mɩɩ? Aa ɩ lɛ ʋ wa. Ɩ̃-cɛ a maal-fãa de na a *Naaŋmɩn ƴɛr-kpɛn na ɩ a bõ-son, ƴɔ̃w nɩ ma a kũu pʋɔ, a mɩnɛ ɩ̃ na tʋɔ nyɛ bɔ̃w ka a maal-fãa sɩrɩ̃ na ɩ a fãa. Ala-ɩ̃-sɔ a ƴɛr-kpɛn ɩ̃ saa ɩ̃ nyɛ a mɩnɛ a fãa na nyɩrɩ̃ bɛlɩ̃.

¹⁴Sɩ bɔ̃w na ka a Mowisi ƴɛr-kpɛn ɩ na a Naaŋmɩn Sɩɛ bom, ɩ̃-cɛ a maa, ɩ̃gan buur nɩrɛ ɩ̃ ɩ, a maal-fãa na da ɩ̃ ɩ a ʋ gbãgbaa.

¹⁵Maa bɔ̃w a ala par ɩ̃ na maala wa. A-na-ɩ ɩ̃ maa maal a ala ɩ̃ na ma bʋɔrɔ ɩ̃ maal wa, ɩ̃ a ala ɩ̃ na maa bʋɔrɔ wa, ala ɩ̃ ma lɛ ɛ̃ɛ maal.

¹⁶Ɩ̃ a mɩnɛ ɩ̃ na maa bʋɔrɔ a ala ɩ̃ na maala wa, ɩ̃ sɔw na bɔ̃w ka a ƴɛr-kpɛn ɩ na bõ-son.

¹⁷Ala-ɩ̃-sɔ, aa ɩ maa bɔ̃w nɩ maala a lɛ wa ɩ̃-cɛ a maal-fãa ʋlɔ na be a ɩ̃ pʋ̃ɔ ʋ.

¹⁸A-na-ɩ ɩ̃ bɔ̃w ka a bõ-son ma be a ɩ̃ pʋɔ wa; ɩ̃ bʋɔrɔ na ɩ̃ yel a lɛ, a ɩ̃ mɩ̃ɛ wãa pʋɔ. A ala saarɩ̃ ɩ ɩ̃ bʋɔrɔ na a son maalfʋ, ɩ̃-cɛ a fãgã ma be be wa.

¹⁹A-na-ɩ ɩ̃ maa maal a son ʋlɔ ɩ̃ na bʋɔrɔ wa, ɩ̃-cɛ a bier ala ɩ̃ na maa bʋɔrɔ wa, ala ɩ̃ ma maal.

²⁰A ala ɩ ɩ̃ maala na a ala ɩ̃ na ma bʋɔrɔ wa, aa lɛ cãa ɩ maa bɔ̃w nɩ maala wa, ɩ̃-cɛ a maal-fãa ʋlɔ na be a ɩ̃ pʋ̃ɔ ʋ.

²¹Ɩ̃ nyɛ na a mɩnɛ a na be: maa wa bʋɔrɔ ɩ̃ maal a son, a bier tɛw ma be a ɩ̃ jie.

²²A ɩ̃ suur pʋɔ, ɩ̃ sɔw na a *Naaŋmɩn ƴɛr-kpɛn vɩlaa,

²³ɩ̃-cɛ ɩ̃ nyɛ na a ƴɛr-kpɛ̃w kãw ʋ be a ɩ̃ ɩ̃gan pʋɔ jɛbɛ nɩ a ƴɛr-kpɛn ala na be a ɩ̃ tɩɛrɩ̃sɩ pʋɔ. Ʋ ɩ na a maal-fãa ƴɛr-kpɛ̃w na tʋnɔ a ʋ tʋmɔ a ɩ̃ ɩ̃gan pʋɔ, pɔw nɩ ma a kasu pʋɔ.

²⁴Ɩ̃ ɩ na nãw sʋbɔ a wa po! Ala na wɩɛ ma a ɩ̃ ɩ̃gan naa ɩnɛ na cere nɩ ma a kũu pʋɔ ya?

²⁵Naaŋmɩn sɔ puorfʋ, a sɩ Nɩ-kpɛ̃ɛ *Jeeju-Kirisi na ɩ a ɩ̃ Wɩwɩɛrɛ ɩnɛ. Ala-ɩ̃-sɔ a ala ɩ a maa ʋ, a ɩ̃ tɩɛrɩ̃sɩ pʋɔ, ɩ̃ jɔrɔ na a Naaŋmɩn ƴɛr-kpɛn, ɩ̃-cɛ a ɩ̃ tɔr jaa, a maal-fãa ƴɛr-kpɛ̃w ɩ̃ jɔrɔ.