Read Birifor, Malba 1 Kɔrɛ̃tɩ Sɛbɛ 3 Bible Online

1 Kɔrɛ̃tɩ Sɛbɛ 3 - Birifor, Malba bible

1 Kɔrɛ̃tɩ Sɛbɛ 3

¹Yɛɛr, a ala ɩ maa ʋ, maa dãa tʋɔ ƴɛrʼɩ̃ nyɩ wɔ̃ taa nɩ a nɩbɛ na tɛrɛ a Naaŋmɩn Sɩɛ wa. Ɩ̃-cɛ ɩ̃ ɛ̃ɛ na ƴɛrʼɩ̃ nyɩ wɔ̃ taa nɩ a tẽw na nɩbɛ, a bala na wɔ̃ taa nɩ a bibiir a *Kirisi sɔr pʋɔ.

²Bʋrɩ̃ ɩ̃ kʋ nyɩ; aa ɩ saab ʋ wa, a-na-ɩ nyaa dãa tʋɔrɔ dɩrɛ saab wa. Ɩ̃ a ƴɛ̃ƴɛrɩ̃ na, nyaa mɩ cãa tʋɔrɔ dɩrɛ wa,

³a-na-ɩ nyɩ cãa na maala a tẽw na nɩbɛ kaarɩ̃. A mɩnɛ a nyuur nɩ a faa-taa na be a nyɩ sɔ̃w, aa ɩ a tẽw na nɩbɛ kaarɩ̃ nyɩ cãa wɔ̃, na nyɩ cãa maala a mɩnɛ ba na mɩ maala wa?

⁴A mɩnɛ a bõ-ƴen na ma yel á ʋ ɩ na a Pol ben, ɩ̃ a kãw ma yel á Apolosi ben ʋ ɩ, nyaa cãa maala a nɩbɛ ba jaa kaarɩ̃ wa?

⁵A-na-ɩ bõ a Apolosi ɩ, ɩ̃ bõ a Pol mɩ ɩ? Naaŋmɩn tʋ̃tʋnbɔ sɩ ɩ, na tɔw nyɩ ƴɔ̃w á nyɩ sɔw de a Kirisi ƴɛrɩ̃, tu nɩ a ala a Naaŋmɩn na kʋ sɩ bõ-ƴene-ƴene a sɩ na maal.

⁶Maa ɩ̃ dãa sɛl, a Apolosi sɛ a kʋ̃ɔ, ɩ̃-cɛ a Naaŋmɩn ɩ̃ maal a karɩ̃.

⁷A lɛ ʋ, a ʋlɔ na sɛl, nɩ a ʋlɔ na sɛ a kʋ̃ɔ ma ɩ bom wa, ɩ̃-cɛ a Naaŋmɩn na maala a tɩɛ ʋ karɛɛ ɩ̃ ɩ a bom.

⁸A sɛsɛlɛ nɩ a sɛsɛrɛ jɛ̃ na tar, ɩ̃ a Naaŋmɩn na ya ba na bõ-ƴene-ƴene tu nɩ a mɩnɛ ba na tʋ̃.

⁹A sɩmɩ, sɩ ɩ na a lãa-tʋnbɔ a Naaŋmɩn tʋmɔ pʋɔ, ɩ̃ a nyɩ ɩ a Naaŋmɩn puo. Nyɩ mɩ ɩ na a yir ʋlɔ a Naaŋmɩn na mɩɛrɛ.

¹⁰A mɩnɛ a Naaŋmɩn na sũo ma ɩ̃ ɩ a yi-mɛ-gãdaa, ɩ̃ binʼã a dacin kparaa, ɩ̃ a ƴen sʋbɔ mɩɛrɛ dɔɔlɔ. Ɩ̃-cɛ a nɩrɛ lɛ sɛw na ʋ bɔ̃w mɩɛrɛ dɔɔlɔ.

¹¹A dacin par gɔrʼã be be na ɩ a *Jeeju-Kirisi. Nɩrɛ kãw ma be be na lɛ tʋɔrɔ bine bõ-kpee go wa.

¹²A ŋmɛɛ na dɔɔlʼɩ̃ na sɛlmɛ, mɩɩ kur pɩlaa, mɩɩ kubi-ɓɔmɔ, ɩ̃ a nɩŋmɛɛ dɔɔlʼɩ̃ daar, a mʋ̃ɔ, mɩɩ kakɩɛ.

¹³A nɩbɛ ba jaa tʋmɔ na nyɩrʼã cãa pʋɔ, a-na-ɩ a ƴɛrɩ̃ guorfʋ dayen, a vũu na miilʼã a mɩnɛ a na wɔ̃. A ʋna vũu naa na bɩɩrʼã a nɩbɛ ba jaa tʋmɔ bɔ̃w a mɩnɛ a na be.

¹⁴A ala ɩ a nɩrɛ tʋn ʋ na tʋ̃ dɔɔl cãa na ɩraa, a vũu ma dɩ wa, ʋ na pɔw na a yar.

¹⁵Ɩ̃-cɛ a nɩrɛ tʋmɔ wa dɩ, ꞌwaa ꞌlɛmɛ a yar wa, ɩ̃ a ʋlɔ mɩ̃ɛ na pɔw na a faafʋ wɔ̃ taa nɩ nɩrɛ na jɔ yi vũu pʋɔ cɩ̃ɛ.

¹⁶Nyaa bɔ̃w ka Naaŋmɩn di-tuo nyɩ ɩ, a Naaŋmɩn Sɩɛ be a nyɩ pʋ̃ɔ wa?

¹⁷A nɩrɛ wa wɛl a Naaŋmɩn di-tuo bar, a Naaŋmɩn na mɩ wɛl ʋ na bar. A-na-ɩ a Naaŋmɩn die ʋlɔ ɩ na bõ-tuo, ɩ̃ a ʋlɔ nyɩ ɩ.

¹⁸Nɩrɛ ʋ taa wa bɛlɛ a ʋ mɩ̃ɛ wa. A ala ɩ a nɩrɛ be na a nyɩ sɔ̃w ɩ̃ tɩɛr beeka ʋ tɛrɛ na a tẽw na kpaarfʋ, a sɛw na ʋ lɩɛb ɩ dãbol, a mɩnɛ ʋ na sɩrɩ̃ lɩɛb ɩ a nɩ-kpaaraa.

¹⁹A-na-ɩ a tẽw na kpaarfʋ ɩ na dãbol bom a Naaŋmɩn nii-sɔw, a mɩnɛ a na sɛb a Naaŋmɩn Sɛbɛ pʋɔ: “A Naaŋmɩn ma de na a tẽw na nɩ-kpaarsɩ kpɩlfʋ lɩɛb nyɔwrɔ nɩ ba.”

²⁰A lɛ sɛbʼã yel go: “A Nɩ-kpɛ̃ɛ bɔ̃w na a nɩ-kpaarsɩ tɩɛrɩ̃sɩ, bɔ̃w ka aa ɩ bom wa.”

²¹Ala-ɩ̃-sɔ, nɩrɛ kãw ʋ taa wa bʋɔrɔ yuor nɩrɛ ɩnɛ wa, a-na-ɩ a nyɩmɩ sɔ a yele a jaa.

²²A Pol, nɩ a Apolosi, nɩ a Pɩɛr, nɩ a tẽw na, nɩ a baafʋ, nɩ a kũu, nɩ a daarʼã, nɩ a daar ʋlɔ nɔɔ waara, nyɩmɩ sɔ a jaa.

²³Ɩ̃ a nyɩmɩ, Kirisi ɩ̃ sɔ nyɩ, ɩ̃ a Kirisi, Naaŋmɩn ɩ̃ sɔ ʋ.