Read Birifor, Malba 2 Kɔrɛ̃tɩ Sɛbɛ 10 Bible Online

2 Kɔrɛ̃tɩ Sɛbɛ 10 - Birifor, Malba bible

2 Kɔrɛ̃tɩ Sɛbɛ 10

¹A maa Pol mɩ̃ɛ ɩ̃ sʋɔrɔ nyɩ a asɩmɛ ɩnɛ — a maa ba na ma de ɩ̃ ɩ a dɔ̃ɔpɔr sʋbɔ a lɛ ɩ̃ na ma be a nyɩ sɔ̃w, ɩ̃ ma lɛ ɩ a ꞌlaꞌlara sʋbɔ a lɛ ɩ̃ na ma jãa taa nɩ nyu Ɩ̃ sʋɔrɔ nyɩ na nɩ a *Kirisi yuor, a ʋlɔ na ɩ a hɛlɛlɛ nɩ a su-ɓaar sʋbɔ,

²nyɩ taa maal ma ɩ̃ ɩ a ꞌlaꞌlara sʋbɔ a lɛ ɩ̃ nɔɔ beree nɩ nyɩ wa, a-na-ɩ ɩ̃ tɩɛrʼã bɔ̃w ka ɩ̃ na tʋɔ na tɛrɛ a ꞌlafʋ miile a ŋmɛɛ na tɩɛr beeka a sɩ maalfʋ tuure na a sɩ mɩ̃ɛ bɔb.

³Yel-mɩ̃ɛ, ɩ̃gan buur nɩbɛ sɩ ɩ, ɩ̃-cɛ a sɩ jɛb ma ɩ a ɩ̃gan buur jɛb wa.

⁴A jɛb yele ala sɩ na tɛrɛ ma wɔ̃ taa nɩ a tẽw na nɩbɛ jɛb yele wa, ɩ̃-cɛ a sɩ jɛb yele ala sɩ na tɛrɛ, tɛrɛ na a Naaŋmɩn fãgã na tʋɔrɔ wɛlɛ a yi-kpɛn bara. Sɩ ma sãwna na a nɩbɛ cɩɩrɩ̃fʋ,

⁵nɩ a ba yo-bɔb tʋ̃-bɛrɛ ba na ma vara nɩ a Naaŋmɩn bɔ̃wfʋ bara, ɩ̃ mɩ nyɔw a nɩbɛ tɩɛrɩ̃sɩ tɛɛlɛ a mɩnɛ a ba na lɩɛb ɩ a Kirisi to-wownbo.

⁶A nyɩmɩ wa sɩrɩ̃ tɛrɛ a to-wõfʋ vɩlaa, sɩ na tʋɔ na pãa kpãa a to-woonbo ba jaa.

⁷Nyɩ ꞌwuoro na a ala na be a nyɩ nii-sɔw tɛw. A ala ɩ a nɩrɛ tɩɛrʼã beeka a ʋ ɩ na a Kirisi ben, ú lɛ bɔ̃w tɩɛr a asɩmɛ: áa mɩnɛ ʋ na ɩ a Kirisi ben, a sɩmɩ mɩ, a lɛ ʋ.

⁸A ala saarɩ̃ ɩ ɩ̃ dɔɔlʼã fɩ̃ɩ a tʋɔfʋ ʋlɔ a Nɩ-kpee na kʋ sɩ juu, ɩ̃-cɛ vĩ ma nyɔw ma wa, a-na-ɩ a Nɩ-kpɛ̃ɛ ma kʋ sɩ a ʋna tʋɔfʋ a sɩ na wɛl nyɩ bar wa, ɩ̃-cɛ a nyɩ na tʋɔ karɩ̃ dɔɔl.

⁹Nyɩ taa tɩɛr beeka ɩ̃ bʋɔrɔ na ɩ̃ per nyɩ nɩ a ɩ̃ sɛbsɩ wa.

¹⁰A-na-ɩ a nɩrɛ kãw ma yelʼã: “A Pol sɛbsɩ kpɛmɛ na, ɩ̃ mɩ bier, ɩ̃-cɛ a ʋlɔ wa be a sɩ sɔ̃w ʋ ma bal, ɩ̃ a ʋ ƴɛrɩ̃sɩ maa mɩ ɩ bom wa.”

¹¹A sʋbɔ ʋlɔ na ma yel a lɛ, ú bɔ̃w ka a ana ƴɛrɩ̃sɩ sɩ na ma ƴɔ̃w a sɛbsɩ pʋɔ tɩɩr kʋ nyɩ a lɛdaar sɩ na ma jãa taa nɩ nyɩ, a lɛ a sɩ tʋmɔ ma mɩ be a lɛ sɩ na ma be a nyɩ sɔ̃w.

¹²A-na-ɩ saa ꞌlara beree a bala na yele á nɩ-sono ba ɩ pʋɔ wa, mɩɩ diere a sɩ mɩ̃ɛ mana nɩ ba wa. Ba ma lɛ de na a ba mɩ̃ɛ lɛ mɩɩnɛ nɩ a ba mɩ̃ɛ, ɩ̃ ma lɛ de a ba mɩ̃ɛ ƴɛrɩ̃sɩ lɛ mana nɩ a ba mɩ̃ɛ. A mɩnɛ ba na maala a nɔhɔ̃, baa bɔ̃w bom wa.

¹³A ala ɩ a sɩmɩ ʋ, saa sʋ̃ɔnɔ a gãw na a sɩ mɩ̃ɛ tʋmɔ bɛwfʋ jiir wa. A Naaŋmɩn ɩ̃ biin sɩ a jiir ala, tuure nɩ a ʋ bõ-mɩɩnaa ʋlɔ na mɩ ta a nyɩ jie.

¹⁴Saa gãw a sɩ tʋraa ʋlɔ a Naaŋmɩn na miil sɩ bar wa. A ala ɩ saa dãa ta a be a nyɩ jie wa, ala sɩ naa gãw bar, ɩ̃-cɛ sɩ ta na a be a nyɩ sɛ nɩ a Kirisi ƴɛr-son.

¹⁵Aa ɩ wɔnaa sɩ gãw na a sɩ tʋraa bar ɩ̃ cen na sʋ̃ɔnɔ a ŋmɛɛ tʋmɔ wa. Ɩ̃-cɛ a mɩnɛ sɩ na cãa ɩraa a sɩ tʋraa pʋɔ, sɩ tɛrɛ na tɩɛrʋ̃ son bɔ̃w ka a nyɩ ƴɔ̃w-nyãa na karɩ̃ na dɔɔl, ɩ̃ a sɩ tʋmɔ a nyɩ jie na mɩ tʋɔ dɔɔl yaw.

¹⁶Ɩ̃ sɩ na pãa na lɛ tʋɔ cenʼɩ̃ a Naaŋmɩn ƴɛr-son a ten ala na be a nyɩ nii-sɔw. A nɔhɔ̃, sɩ kɔ̃ tɛrɛ sʋ̃ɔfʋ a tʋmɔ ala a nɩŋmɛɛ na gɔr maal a ba jie wa.

¹⁷A mɩnɛ a na yel a Naaŋmɩn Sɛbɛ pʋɔ: “A ʋlɔ na tɛrɛ a sʋ̃ɔfʋ, ʋ sʋ̃ɔnɔ a Nɩ-kpɛ̃ɛ.”

¹⁸Aa ɩ a nɩrɛ ʋlɔ na yel á nɩ-son ʋ ɩ, na sɩrɩ̃ ɩ a nɩ-son wa, ɩ̃-cɛ a nɩ-son ɩ na a ʋlɔ a Naaŋmɩn na pɛwrɛ.