Read Birifor, Malba 1 Timote Sɛbɛ 5 Bible Online

1 Timote Sɛbɛ 5 - Birifor, Malba bible

1 Timote Sɛbɛ 5

¹Taa wa tana a daba ʋlɔ na kor wa, ɩ̃-cɛ ƴɛrɛ nɩ ʋ a fʋ sãa kaarɩ̃, mɩ ƴɛrɛ nɩ a polbil a fʋ yɛɛr kaarɩ̃.

²A ala ɩ a pɔɔ-koro ʋ, mɩ ƴɛrɛ nɩ ba a fʋ mã nʋmɔ kaarɩ̃, nɩ a pɔɔbɔ a fʋ yɛ-pɔɔbɔ kaarɩ̃, tɛrɛ nɩ a fʋ mɩ̃ɛ cĩcĩ.

³Bɔ̃w cɛlɛ tɔ a bala na sɩrɩ̃ ɩ a kpɩ̃ɩ-pɔɔbɔ.

⁴Ɩ̃-cɛ a ala ɩ a kpɩ̃ɩ-pɔw tɛrɛ na bibiir mɩɩ a yan, ba sɛw na na de nĩe maal a ba yir deme jie a ala na sɛw a puorfʋ sɔr pʋɔ, mɩ lɩɛb guolo a ba dɔɔrbɔ, a-na-ɩ lɛ a Naaŋmɩn bʋɔrɔ.

⁵Ɩ̃ a ʋlɔ na sɩrɩ̃ ɩ a kpɩ̃ɩ-pɔw, na ma tɛrɛ nɩrɛ ʋ ꞌwuoro ʋ wa, ʋ de na a ʋ mɩ̃ɛ bar kʋ a Naaŋmɩn, ɩ̃ be a Naaŋmɩn sʋɔrfʋ pʋɔ, mɩ lɔbɔ nɩ ʋ a nur a daar a jaa.

⁶Ɩ̃ a kpɩ̃ɩ-pɔw ʋlɔ na de a ʋ mɩ̃ɛ ƴɔ̃w a ala na nʋmɔ ʋ maalfʋ pʋɔ, ʋ kpi na ɩ̃ cãa a mimir.

⁷Kpãkpana ba a ana yele, a mɩnɛ a ba kɔ̃ tɛrɛ mabfʋ jie wa.

⁸A ala ɩ a nɩrɛ ma cɛlɛ tɔ a ʋ nɩbɛ jie, wa yele nɩ a ʋ yir deme wa, ʋ barʼã a ʋ ƴɔ̃w-nyãa a Naaŋmɩn sɔr pʋɔ, ɩ̃ ʋ bierʼã gãw a ʋlɔ na ma puoro wa.

⁹A kpɩ̃ɩ-pɔw ʋlɔ yomo na ma ta a lɩjaata sɛr wa, taa wa diere ʋ ƴɔnɔ a kpɩ̃ɩ-pɔɔbɔ pʋɔ wa. Ɩ̃-cɛ a sɛw na a dãa ɩ dab-bõ-ƴen ʋ kul,

¹⁰a nɩbɛ bá mɩ bɔ̃w ʋ a ʋ tʋ̃-vɛlɛ ɩnɛ: a ʋ bibiir ʋ na dãa guolo, a sáanba ʋ na dãa bɔ̃w a defʋ, mɩ dãa pɛwrɛ nɩ a popuorbo gbɛɛ, sũono nɩ a bala na dãa be a won pʋɔ, maala nɩ a tʋ̃-vɛlɛ bʋrɔ bʋrɔ a jaa.

¹¹Taa wa diere a kpɩ̃ɩ-pɔɔbɔ bala na ma kor sɛr wa, ƴɔnɔ a kpɩ̃ɩ-pɔɔbɔ pʋɔ wa, a-na-ɩ a lɛ a kulfʋ vɩláa nɔɔ nyɔwrɔ ba gãwna a *Kirisi tufʋ, ba na bʋɔrɔ na a sɩrɛ kulfʋ.

¹²A lɛ, ba lɩɛbʼã ɩ̃ bar a ba korĩ-cɛ pʋlɩ̃fʋ, kpɛ nɩ a ƴɛrɩ̃ guorfʋ pʋɔ.

¹³Ba ma mɩ lɩɛbʼã ɩ tõtol deme, yʋɔrɔ nɩ a yie. Ɩ̃ aa ɩ a tõtol tɛw ʋ wa. Ba ma mɩ ƴɛrɛ na folõ-folõ yʋɔrɔ nɩ, kpɛɛrɛ nɩ a yele ala pʋɔ na ma mɩ ba ba wa, mɩ ƴɛrɛ nɩ a ala na ma vɩɛlɛ wa.

¹⁴Ala-ɩ̃-sɔ ɩ̃ bʋɔrɔ na a kpɩ̃ɩ-pɔɔbɔ bala na ma kor sɛr wa, bá lɛ kul sɩrbɛ ɩ̃ dɔɔr a bibiir, ꞌwuoro nɩ a ba yir, a mɩnɛ a sɩ sama-deme kɔ̃ wa nyɛ sɔr ƴɛr ƴɛr-fãa ƴɔ̃w ba wa.

¹⁵A-na-ɩ a ŋmɛɛ gɔrʼã lɩɛb ɩ̃ bar a sɔr son, ɩ̃ tuure a Satã.

¹⁶A ala ɩ a pɔw na ɩ a popuoro tɛrɛ na a kpɩ̃ɩ-pɔɔbɔ a ʋ yir pʋɔ, ʋ sɛw na na sũono ba, a mɩnɛ ba kɔ̃ wa ɩ a *duo-puorbo tuor wa, ɩ̃-cɛ a duo-puorbo nyɛ sɔr na tʋɔ sũono a bala na sɩrɩ̃ ɩ a kpɩ̃ɩ-pɔɔbɔ.

¹⁷A duo-puor-ni-dierbe bala na tʋnɔ a ba tʋmɔ vɩlaa, sɛw na na pɔw a yar dɔɔlaa. A bala a na nyɩrɩ̃ tor ɩ na a bala na dɩrɛ a tuo ƴɛrɛ a Naaŋmɩn ƴɛrɩ̃, mɩ jaana nɩ a nɩbɛ.

¹⁸A-na-ɩ a Naaŋmɩn Sɛbɛ yelʼã: “Taa lũ a naab ʋlɔ nʋɔr pɔw fʋ na ƴɔ̃w ʋ ŋmeere fʋ a ci wa.” ɩ̃ a lɛ yelʼã: “A tʋ̃tʋnɔ sɛw nɩ na a ʋ yar.”

¹⁹Taa sɔw a ƴɛrɩ̃ ba na ƴɔ̃w a ni-diere, ɩ̃ a ala ma ɩ a yel-mɩ̃ɛ ƴɛr-manba ɩ na ayi mɩɩ ata wa.

²⁰Gala a bala na lo a fãa pʋɔ a nɩbɛ jaa nii-sɔw, a mɩnɛ a nɩŋmɛɛ na jɔrɔ dãbɩ̃ɛ.

²¹Ɩ̃ kpãkpana fʋ na a Naaŋmɩn nɩ a *Jeeju-Kirisi nɩ a sɩ-tʋnɩsɩ sono nii-sɔw, jɔrɔ a ana ƴɛrɩ̃sɩ kɔ̃ ꞌwuoro a nɩbɛ kpee kpee wa. Taa wa maala bom nɩ gõgolĩfʋ wa.

²²Taa wa pɔɔrɔ sʋɔrɔ a Naaŋmɩn dɔɔlɔ nɩ a nɩrɛ lɛ a nuu ƴɔnɔ nɩ ʋ a Naaŋmɩn tʋmɔ pʋɔ wa. Taa wa kpɛɛrɛ tɔ a nɩŋmɛɛ maal-fãa pʋɔ wa. Tɛrɛ fʋ mɩ̃ɛ cĩcĩ.

²³Taa cãa nyuure a kʋ̃ɔ nere wa, ɩ̃-cɛ ma nyu a dɩvɛ̃ fɩ̃ɩ, a na tʋɔ sũo a fʋ pʋɔ na ma ꞌwɔbɔ, nɩ a mɩnɛ fʋ na maa yaarɩ̃ ɩ a wʋlɩ̃ wa.

²⁴A nɩbɛ ŋmɛɛ maal-fãa gɔrʼã be cãa pʋɔ ɩ̃-cɛ a baa mɩ guor a ba ƴɛrɩ̃ sɛr wa, ɩ̃ a nɩŋmɛɛ ben na yi na nɩdaar kãw.

²⁵A lɛ ʋ mɩ, a tʋ̃-vɛlɛ mɩ be na a cãa pʋɔ, ɩ̃ a ala saarɩ̃ ɩ a ŋmɛɛ ma nyɩr sɛr wa, aa tʋɔrɔ sɔɔlɔ wa.