Read Birifor, Malba 2 Timote Sɛbɛ 2 Bible Online

2 Timote Sɛbɛ 2 - Birifor, Malba bible

2 Timote Sɛbɛ 2

¹Ala-ɩ̃-sɔ ɩ̃ bie, pɔw a fãgã ʋlɔ na yi a *Jeeju-Kirisi sũofʋ pʋɔ.

²A ala fʋ na jaan a ɩ̃ jie a nɩ-yaw nii-sɔw, de mɩɩn kʋ nɩ-dẽdẽsɩ na mɩ tʋɔrɔ mana kʋrɔ a nɩ-kpeesɩ.

³A fʋ̃ʋ mɩ, dɩrɛ a tuo a mɩnɛ fʋ na ɩ a Jeeju-Kirisi sɔdaal-dẽdẽ.

⁴A sɔdaala ʋlɔ na be a tʋmɔ pʋɔ, ɩ̃ bʋɔrɔ a ʋ maalfʋ a nʋmɔ a ʋlɔ na de ʋ a sɔdaalsɩ, maa lɛ tʋɔrɔ beree tɔ a bibie a jaa yel-bʋɔrsɩ pʋɔ wa.

⁵A nɩrɛ ʋlɔ na mɩ kpɛ a dãw-taa pʋɔ, a ala ɩ ʋ bʋɔrɔ na ʋ pɔw a yar, a sɛw na ʋ na jɔrɔ tuure nɩ a mɩnɛ ba na mana ʋ.

⁶A kʋɔraa ʋlɔ na tʋnɔ a tʋ̃-kpɛ̃w sɛw na na de nĩe pɔw a puo wɔmɔ.

⁷Tɩɛrɛ nɩ a ala ɩ̃ na yel fʋ, ɩ̃ a Nɩ-kpɛ̃ɛ na maal fʋ na a fʋ bɔ̃w a yele a jaa par.

⁸Cãa bɔ̃w nɩ a Jeeju-Kirisi a Naaŋmɩn na maal ʋ ir a kũu pʋɔ, na ɩ a Davɩtɩ bal nɩrɛ, tu nɩ a ƴɛr-son ʋlɔ ɩ̃ na mana,

⁹a ʋlɔ ɩnɛ ɩ̃ mɩ pɔw a won, a ba wa lũ nɩ ma a bɔ̃jɔrɩ̃sɩ a fãa sʋbɔ kaarɩ̃. Ɩ̃-cɛ a Naaŋmɩn ƴɛrɩ̃ ma lũ wa.

¹⁰Ala-ɩ̃-sɔ ɩ̃ sɔw nyɔw a ɩ̃ mɩ̃ɛ a yele a jaa pʋɔ, a bala a Naaŋmɩn na vɛl ir ɩnɛ, a mɩnɛ a ba na mɩ tʋɔ pɔw a faafʋ ʋlɔ na be a Jeeju-Kirisi pʋɔ, lãa nɩ a yo-yifʋ na ma tɛrɛ a baarfʋ wa.

¹¹A ƴɛrɩ̃ na ɩ na yel-mɩ̃ɛ: “A ala ɩ sɩ lãa na kpi nɩ ʋ, sɩ na mɩ lãa na tɛrɛ nɩ ʋ a baafʋ.

¹²A sɩmɩ ɩraa cĩcĩ, sɩ nɔɔ mɩ lãa de nɩ ʋ a fãw. A sɩmɩ jaar ʋ bar, ʋ nɔɔ mɩ jaar sɩ na bar.

¹³A sɩmɩ ma ɩ yel-mɩ̃ɛ deme wa, ɩ̃ ʋlɔ ʋlɔ cãa na ɩ a yel-mɩ̃ɛ sʋbɔ, a-na-ɩ ꞌwaa tʋɔrɔ lɩɛbɛ cɩɩrɛ a ʋ mɩ̃ɛ wa.”

¹⁴Jawra ba a ana yele a jaa ɩnɛ, kpãkpana nɩ ba a Naaŋmɩn nii-sɔw, a ba taa faara taa nɩ a ƴɛr-bie ala na waara nɩ a jɛb wa, a-na-ɩ aa maala bõ-son wa, ɩ̃ a ma ɛ̃ɛ na cere nɩ a bala na cɛlɛ a sãwfʋ jie.

¹⁵Ƴɔ̃w fãw ɩ̃ miile a fʋ mɩ̃ɛ nɩ-toraa a Naaŋmɩn nii-sɔw, wɔ̃ taa nɩ a tʋ̃tʋnɔ na ma jɔrɔ a vĩ a ʋ tʋmɔ ɩnɛ wa, mɩ bɔ̃w mana nɩ a yel-mɩ̃ɛ ƴɛrɩ̃ a mɩnɛ a na sɛw.

¹⁶Ŋmaa yi a ƴɛr-pɔrsɩ ala na ma tɛrɛ a par wa pʋɔ, a-na-ɩ a bala na be tɔ, a ma tawra ba na jãana nɩ a Naaŋmɩn.

¹⁷A ba ƴɛrɩ̃sɩ ba na ma jaana a nɩbɛ wɔ̃ na taa nɩ a natɩ-yaraa na yara nɩrɛ. A Imene nɩ a Fɩlɛtɩ mɩ be na a ba pʋɔ.

¹⁸Ba faa na a yel-mɩ̃ɛ, ɩ̃ lɩɛb a popuorbo ŋmɛɛ tɩɛrɩ̃sɩ yele nɩ áa sɩ kũu irfʋ gɔrʼã tɔl.

¹⁹Ɩ̃-cɛ a dacin kparaa a Naaŋmɩn na kpar tɛrɛ na kpɛ̃w, a ba sɛb a jɩbaa ƴɔ̃w a nɔhɔ̃: “A Nɩ-kpɛ̃ɛ bɔ̃w na a bala na ɩ a ʋ ben,” ɩ̃, “A nɩrɛ lɛ na yel áa Nɩ-kpɛ̃ɛ ben ʋ ɩ, sɛw na na taw a ʋ mɩ̃ɛ jãa nɩ a burbur.”

²⁰A yir kpɛ̃ɛ pʋɔ, a yel-bʋrɔ bʋrɔ ma be na be. Ba maalʼɩ̃ na a ŋmɛɛ a sɛlmɛ, mɩɩ a kur, ɩ̃ mɩ maalʼɩ̃ a ŋmɛɛ a tɩɛ, mɩɩ a yaara. A dãdãw yele sɛw nɩ na a tʋ̃-vɛlɛ, ɩ̃-cɛ a tuuraa ɩ a bibie a jaa tʋ̃-pɔrsɩ yele.

²¹Ala-ɩ̃-sɔ, a ala ɩ a nɩrɛ taw na a ʋ mɩ̃ɛ vɩrɩ̃ nɩ a yel-burbur ala pʋɔ, ba na de ʋ na ƴɔ̃w a tʋ̃-vɛlɛ pʋɔ, ow ʋ kpee, ʋ sɛw nɩ a Nɩ-kpɛ̃ɛ tʋmɔ, na tʋɔrɔ maala a tʋ̃-vɛlɛ bʋrɔ bʋrɔ a jaa.

²²Ŋmaa yi a yele ala pʋɔ na ɩ a pɔlɔ a vɩláa, ɩ̃ tuure a torfʋ, a ƴɔ̃w-nyãa, a nʋfʋ, nɩ a su-ɓaar, pɔw nɩ a bala ba jaa na puoro a Nɩ-kpɛ̃ɛ nɩ a su-cɛcɛ.

²³Taw yi a dãbol ƴɛrɩ̃sɩ ba na mana taa a pɔrɔ, a-na-ɩ fʋ bɔ̃w ka a maa yaarɩ̃ wa nɩ gɔ̃-bɔfʋ wa.

²⁴Ɩ̃ aa vɩɛlɛ a Naaŋmɩn tʋ̃tʋnɔ na ɩ gɔ̃-bʋɔrɔ wa, ɩ̃-cɛ ʋ sɛw na ʋ ɩ nɩ-hɛlɛlɛ a nɩbɛ ba jaa jie, mɩ tʋɔrɔ jaana ba ɩ̃ mɩ ɩ a su-nyɔwraa sʋbɔ a nɩŋmɛɛ bier maalfʋ pʋɔ.

²⁵A sɛw na ʋ tɛrɛ su-ɓaar jaana nɩ a bala na tɛrɛ nɩ ʋ a cɩɩrʋ̃, bɔ̃w nɩ ka, a nʋmɔ-wa-sɔw, a Naaŋmɩn na maal ba na a ba lɩɛb a yɛ̃, ɩ̃ wa bɔ̃w a yel-mɩ̃ɛ,

²⁶lɛ tʋɔ pɔw a ba tɩɛrɩ̃-sono, yi nɩ a Satã cakpor pʋʋr, a ʋlɔ na nyɔɔr ba tɛɛlɛ a ba maala a ʋ pʋ-tɩɛrʋ̃.