Read Birifor, Malba Tɩtɩ Sɛbɛ 3 Bible Online

Tɩtɩ Sɛbɛ 3 - Birifor, Malba bible

Tɩtɩ Sɛbɛ 3

¹Jaw a popuorbo a ba na jɔrɔ a tẽw nɩ-bɛrɛ nɩ a fãgã deme, ɩ̃ mɩ wono ba a toor, sɔw maala nɩ a tʋ̃-vɛlɛ a jaa.

²A ba taa wa koro nɩrɛ, mɩɩ ba taa wa ɩ jɛjɛbɛ wa, ɩ̃ bá ɩ su-ɓaar deme, miile nɩ a ba hɛlɛlɛ yɛ̃ a nɩbɛ ba jaa jie.

³A-na-ɩ a korĩ-cɛ, a sɩmɩ mɩ, sɩ mɩ dãa na ɩ a gẽgemsɩ nɩ a to-wownbo na dãa bɔr. Sɩ dãa na ɩ a yel-kãkan nɩ a yele ala na kʋrɔ sɩ a vɩláa gbãgbaar. Fãa pʋɔ sɩ dãa be, tɛrɛ nɩ a nyuur, a ba ꞌlaar sɩ, ɩ̃ a sɩ mɩ lɩɛb ꞌlaar taa.

⁴Ɩ̃-cɛ a lɛdaar a sɩ Fafaara Naaŋmɩn son ɩfʋ nɩ a ʋ yɛ̃-bɔ̃wfʋ na nyɩr,

⁵ʋ faa sɩ na, ɩ̃ aa ɩ a tʋ̃-sono sɩ tʋ̃ kʋ ʋ wa, ɩ̃-cɛ a yi na a ʋ nã-bɔ̃wfʋ jie. Ʋ pɛw sɩ na a dɔw-paalaa kʋ̃ɔ pʋɔ faa nɩ sɩ, ɩ̃ mɩ lɩɛb sɩ nɩ a ʋ Sɩ-cɛcɛ, a sɩ ɩ nɩ-paala.

⁶A Sɩɛ ʋlɔ, a Naaŋmɩn deer ʋ na kʋ sɩ, a sɩ Fafaara *Jeeju-Kirisi ɩnɛ,

⁷a sɩ na ɩ a nɩ-torisɩ a ʋ sũofʋ ɩnɛ, ɩ̃ mɩ pɔw a baa-kɔ̃-tɛw ʋlɔ sɩ na gu nɩ a sɩ tɩɛrʋ̃ son.

⁸A ƴɛrɩ̃ na ɩ na yel-mɩ̃ɛ. Ɩ̃ bʋɔrɔ na fʋ bɔ̃w kpãkpan ba a ana yele ɩnɛ, a mɩnɛ a bala na ƴɔ̃w a Naaŋmɩn nyãa, a ba na de a ba mɩ̃ɛ ƴɔ̃w a tʋ̃-vɛlɛ maalfʋ pʋɔ. A asɩmɛ ɩ a yel-sono na sũono a nɩbɛ.

⁹Ɩ̃-cɛ taw yi a cɩɩrɩ̃-pɔrsɩ pʋɔ nɩ a sãa-kʋnbɔ yoe sɔrfʋ, a jɛb, nɩ a faa-taa a ƴɛr-kpɛn ɩnɛ, a-na-ɩ a ala ɩ na yel-pɔrsɩ na ma tɛrɛ par wa.

¹⁰A nɩrɛ ʋlɔ na ŋmara a nɩbɛ a kpee kpee, fú kpãa ʋ. A ʋlɔ wa jaar ɩ̃ maala, fú lɛ tu kpãa ʋ. A ʋlɔ ɩ̃ jaar, fú taw yi a ʋ sɛ̃,

¹¹Fʋ bɔ̃w ka a nɩ-lɛ vɩɛ na ɩ̃ bar a sɔr son, ɩ̃ maala a fãa ƴɔnɔ a ʋ mɩ̃ɛ ʋ yẽ.

¹²A lɛdaar ɩ̃ nɔɔ tʋnɔ a Atema mɩɩ a Tɩsɩkɩ a fʋ jie, pɔw tuor ma a Nikopoli-tẽw, a-na-ɩ be ɩ̃ na jɛ a sɩ̃ɛw.

¹³Bɔ̃w cɛl tɔ sũo a Jenasɩ ʋlɔ na ɩ a ƴɛr-guoro, nɩ a Apolosi, a ba kɔ̃ tʋɔ faa bom a ba cenfʋ ɩnɛ wa.

¹⁴A vɩɛlɛ na a sɩ nɩbɛ na jaana a tʋ̃-son maalfʋ a daar a jaa a ala na ba ba ɩnɛ, a mɩnɛ a ba kɔ̃ jɛ pɔrɔ wa.

¹⁵A bala ba jaa na be nɩ ma puoro fʋ na. Puor a sɩ badɛɛ na be a ƴɔ̃w-nyãa pʋɔ. A Naaŋmɩn sũofʋ ú be a nyɩ jie nyɩ jaa.