Read Birifor, Malba Eburo Sɛbɛ 5 Bible Online

Eburo Sɛbɛ 5 - Birifor, Malba bible

Eburo Sɛbɛ 5

¹A Naaŋmɩn *baar-lo-nɩ-bɛrɛ ba jaa, nɩbɛ ma vɛl ba ir a ba sɔ̃w, a ba ɩ a lɔlʋɔrbɔ lɔrɔ a Naaŋmɩn jie nɩ a bala, diere nɩ a ba yele kʋrɔ ʋ, mɩ loro a baba a ba maal-faar ɩnɛ.

²A baar-loro ma bɔ̃w na tɛrɛ a bala na ma bɔ̃w tɛrɛ a yɛ̃ wa, nɩ a bala na ma bɔ̃w bɔ̃w a Naaŋmɩn wa, a-na-ɩ a ʋlɔ mɩ̃ɛ pɔw na a ana balfʋ a jiir a jaa.

³Ɩ̃ a mɩnɛ ʋ na mɩ pɔw a ana balfʋ, a sɛw na ʋ na ma mɩ lo a baba a ʋ mɩ̃ɛ maal-faar ɩnɛ, a mɩnɛ ʋ na ma maal a nɩbɛ ɩnɛ.

⁴Nɩrɛ maa vɛl a ʋ mɩ̃ɛ ir biin á *baar-lo-nɩ-kpɛ̃ɛ ʋ ɩ wa, ɩ̃-cɛ a Naaŋmɩn ma vɛl ʋ ir, a mɩnɛ ʋ na dãa vɛl ir a *Aarɔ̃.

⁵A lɛ ʋ, a *Kirisi jie. Aa ɩ ʋlɔ ɩ̃ bɔ yuor yel áa baar-lo-nɩ-kpɛ̃ɛ ʋ ɩ wa, ɩ̃-cɛ a Naaŋmɩn yel ʋ: “Fʋ ɩ na a ɩ̃ Bie; wa nyɔw nɩ a dɩnaa ɩ̃ ɩ na a fʋ Sãa.”

⁶A Naaŋmɩn Sɛbɛ lɛ yelʼã jie kãw go: “Fʋ ɩ na a daar a jaa baar-loro, tu nɩ a mɩnɛ a Mɛkisedɛkɩ na dãa maala.”

⁷A lɛdaar a Kirisi na dãa be ka a tẽw pʋɔ, ʋ dãa na sʋɔrɔ a Naaŋmɩn ʋlɔ na tʋɔrɔ faara ʋ a kũu pʋɔ, wuure, lɔbɔ nɩ a nur nɩ mɔtɔ̃-kʋ̃ɔ, ɩ̃ a Naaŋmɩn sɔw na a ʋ sʋɔrfʋ a mɩnɛ ʋ na wur a ʋ mɩ̃ɛ.

⁸A mɩnɛ ʋ na saarɩ̃ ɩ a Naaŋmɩn Bie, ɩ̃-cɛ ʋ jaanʼã a to-wõfʋ a won ala ʋ na nyɛ pʋɔ.

⁹Ɩ̃ a mɩnɛ ʋ na wa ɩ a cɛcɛ baar, ʋ lɩɛbʼã ɩ a ʋlɔ a faafʋ daadaa na yire a bala ba jaa na wono ʋ a toor jie,

¹⁰ɩ̃ a Naaŋmɩn de ʋ na ʋ ɩ a baar-lo-nɩ-kpɛ̃ɛ, tu nɩ a mɩnɛ a Mɛkisedɛkɩ na dãa maala.

¹¹Sɩ tɛrɛ na a yele yayaw mana nyɩ a ala ɩnɛ, ɩ̃-cɛ a par kpɛmɛ na a irfʋ, a-na-ɩ nyɩ balʼã a bom par bɔ̃wfʋ.

¹²A daar ta na a sɛw nyɩ ɩ a jãjaanba, ɩ̃ a nyɩ lɛ cãa bʋɔrɔ ba lɛ jaana nyɩ a dãdãw yele a Naaŋmɩn ƴɛrɩ̃ pʋɔ. A mɩnɛ a na sɛw a nyɩ na dɩrɛ a saab, ɩ̃ nyɩ lɛ cãa na bʋɔrɔ nyɩ ƴɛnɛ a bɩrɛ.

¹³A ʋlɔ na cãa ƴɛnɛ a bɩrɛ ɩ na a bibile; ꞌwaa tɛrɛ yɛ̃ bɔ̃wnɔ nɩ a ƴɛr-toraa wa.

¹⁴Ɩ̃ a saab ɛ̃ɛ na ɩ a nɩ-bɛrɛ ben, a bala, a ba yɛ̃ na tʋɔ na bɔ̃w a son nɩ a bier ba na mɩlɩ̃ nɩ.