Read Birifor, Malba Jakɩ Sɛbɛ 1 Bible Online

Jakɩ Sɛbɛ 1 - Birifor, Malba bible

Jakɩ Sɛbɛ 1

¹A maa Jakɩ na ɩ a Naaŋmɩn nɩ a *Jeeju-Kirisi tʋ̃tʋnɔ ɩ̃ tɩɩrɛ a sɛbɛ na puoro nɩ a nyɩmɩ Naaŋmɩn nɩbɛ nyɩ jaa na yɛ̃yɛlɩ̃ pɔw a tẽw ʋ jaa.

²Ɩ̃ yɛɛr, nyɩ́ de a bɩɩrfʋ bʋrɔ bʋrɔ ala na tara nyɩ a ɩ nyɩ nʋ̃ɔ kpɛ̃ɛ,

³a-na-ɩ nyɩ bɔ̃w na a nyɩ ƴɔ̃w-nyãa bɩɩrfʋ ɩ̃ waara nɩ a su-nyɔwraa.

⁴Ɩ̃ nyɩ́ ɩ a nyɩ su-nyɔwraa na tɛrɛ a ʋ maal-bie a jaa, a mɩnɛ a nyɩ na ɩ a cɛcɛ, kɔ̃ tɛrɛ mabfʋ jie, ɩ̃ a bom kãw kɔ̃ mɩ ɓɔr nyɩ wa.

⁵Ɩ̃-cɛ a ala ɩ a nyɩ sɔ̃w, nɩrɛ kãw faa na a kpaarfʋ, a sɛw na ʋ̃ sʋɔr a Naaŋmɩn jie, ɩ̃ ʋ na kʋ ʋ na. A-na-ɩ a Naaŋmɩn ma tɩɩrʼã kʋ a nɩbɛ ba jaa nɩ su-son; ʋ maa gala tɩɩrɛ nɩ wa.

⁶Ɩ̃-cɛ a nɩrɛ ʋlɔ, ú sʋɔrʼɩ̃ ƴɔ̃w-nyãa; ʋ taa baala fɩ̃ɩ wa. A-na-ɩ a ʋlɔ na baala wɔ̃ na taa nɩ a man kʋ̃ɔ a sɛsɛb na dama, jala lɔbɔ bara.

⁷A nɩ-lɛ, ʋ taa tɩɛr bɔ̃w ka ʋ na pɔw na bom kãw a Nɩ-kpɛ̃ɛ jie wa.

⁸Poe ayi sʋbɔ ʋ ɩ, na ʋ ɓabala yʋɔrɔ.

⁹A yɛbɛ na ɩ a nɩ-kɔmɔ Sɛw na ʋ kãkara a mɩnɛ a Naaŋmɩn na cʋrɔ ʋ.

¹⁰A ʋlɔ na mɩ le mɩ sɛw na na kãkara a mɩnɛ a Naaŋmɩn na lɩɛb ʋ ʋ wur a ʋ mɩ̃ɛ. A-na-ɩ ʋ nɔɔ tɔlʼã a mɩnɛ a mɔ-pube na ma suor.

¹¹A mɔtɔ̃w ma purʼã na ʋ kpor, maal a mʋ̃ɔ a jʋɔlɩ̃ ko, a mɔ-pube suor, ɩ̃ a ba vɩlaafʋ sãw. Lɛ a ʋlɔ na le nɔɔ mɩ wa bũburĩ a ʋ tʋmɔ pʋɔ.

¹²Nʋ̃ɔ ma be na a nɩrɛ ʋlɔ jie na ɩraa cĩcĩ a bɩɩrfʋ pʋɔ, a-na-ɩ a ʋlɔ wa tɔl a bɩɩrfʋ pʋɔ baar, ʋ na pɔw na a baafʋ na ɩ a tʋɔfʋ bom a Nɩ-kpɛ̃ɛ na pʋlɩ̃ nɩ a bala na nʋ ʋ.

¹³Nɩrɛ ʋ taa wa yele, a lɛdaar a bɩɩrfʋ na tara ʋ, áa Naaŋmɩn ɩ̃ bɩɩrɛ ʋ wa. A-na-ɩ bõ-bier ma tʋɔrɔ bɩɩrɛ a Naaŋmɩn wa, ɩ̃ a ʋlɔ mɩ̃ɛ maa mɩ bɩɩr nɩrɛ wa.

¹⁴Ɩ̃-cɛ a nɩbɛ ba jaa bõ-ƴene-ƴene bɩɩrfʋ ma yi na a ba mɩ̃ɛ bɔb pʋɔ, na ma tawra ba bɛr ba nyɔw.

¹⁵A ana mɩ̃ɛ bɔb ma karɩ̃ na, ɩ̃ wa nɩ a maal-fãa, ɩ̃ a maal-fãa wa mɩ karɩ̃ baar, a kũu ʋ ma wa nɩ.

¹⁶Ɩ̃ yɛ-nʋnɩsɩ, nyɩ taa wa dadire wa.

¹⁷A yel-sono jaa, nɩ a bom lɛ na ta a bom sɩ na pɔwrɔ a pɔrɔ, a iin a ma yi, a Naaŋmɩn ʋlɔ na ɩ a cãasɩ mamaala jie, ɩ̃ suu. A ʋlɔ, ꞌwaa tɛrɛ lɩɛbfʋ ma lɩɛbɛ ɓaarʋ̃ kaarɩ̃ wa.

¹⁸Ʋlɔ ɩ̃ nʋ ɩ̃ de a yel-mɩ̃ɛ ƴɛrɩ̃ dɔw nɩ sɩ, a sɩ na ɩ a dãdãw deme a ala a jaa fɛw pʋɔ ʋ na ir.

¹⁹Ɩ̃ yɛ-nʋnɩsɩ, nyɩ́ bɔ̃w nɩ a asɩmɛ: a nɩrɛ lɛ sɛw na ʋ ma kpãkpana a ƴɛrɩ̃ cɛlfʋ. Ɩ̃-cɛ a ala ɩ a ƴɛrɩ̃ ƴɛrfʋ ʋ, ʋ taa ma pɔɔrɔ wa, ʋ taa ma mɩ nyɛrɛ suur pʋrpʋr wa.

²⁰A-na-ɩ a nɩrɛ suur nyɛfʋ maa maal a ala na tor a Naaŋmɩn nii-sɔw wa.

²¹Ala-ɩ̃-sɔ, nyɩ́ ŋmelĩ kpaar cɔw a yel-dɛɛr a jaa, lãa nɩ a tʋ̃-kpansɩ a jaa, ɩ̃ na nyɩ́ sɔw nɩ hɛlɛlɛ yɛ̃ a ƴɛrɩ̃ ʋlɔ a Naaŋmɩn na ƴɔ̃w a nyɩ suur pʋɔ, a-na-ɩ a ʋlɔ na tʋɔ faa nyɩ.

²²Nyɩ taa tɔɔ ɩ a cɛcɛlbɛ tɛw bɛlɛ nɩ a nyɩ mɩ̃ɛ wa, ɩ̃ nyɩ́ maala a ala a Naaŋmɩn ƴɛrɩ̃ na yele nyɩ.

²³A-na-ɩ a nɩrɛ cɛlɛ a Naaŋmɩn ƴɛrɩ̃ ɩ̃ ma maala a ala a na yele wa, ʋ wɔ̃ na taa nɩ a nɩrɛ na ꞌwuor a ʋ mɩ̃ɛ a caara pʋɔ a mɩnɛ ʋ na wɔ̃,

²⁴ɩ̃ a lɛ ʋ na ꞌwuor a ʋ mɩ̃ɛ baar ɩ̃ cen, a jie naan ʋ ma hiinʼã a mɩnɛ ʋ na lɛ wɔ̃.

²⁵Ɩ̃-cɛ, a ala ɩ a nɩrɛ kpãkpana na ꞌwuoro a ƴɛr-kpɛ̃w son na ma maal a nɩrɛ ʋ sɔ a ʋ mɩ̃ɛ, ɩ̃ ma be na bar wa, ɩ̃ maa hiin a ala ʋ na ma wõ wa, ɩ̃ ma maala, a ʋna nɩrɛ naa na pɔw na nʋ̃ɔ a Naaŋmɩn jie a ʋ tʋmɔ pʋɔ.

²⁶A ala ɩ a nɩrɛ tɩɛrʼã beeka a ʋ ɩ na popuoro, ɩ̃ ma nyɔw a ʋ dɛlɩ̃bir a folõ-folõ ƴɛrfʋ pʋɔ wa, ʋ bɛlɛ na a ʋ mɩ̃ɛ; a ʋ puorfʋ ɩ na pɔrɔ.

²⁷A yel-mɩ̃ɛ puorfʋ na ma tɛrɛ cɛfʋ jie a Sãa Naaŋmɩn nii-sɔw wa ɩ na, a sɩ na cɛlɛ a kpɩɩbsɩ nɩ a kpɩ̃ɩ-pɔɔbɔ a ba won pʋɔ, nɩ a mɩnɛ sɩ na tɛrɛɛ a sɩ mɩ̃ɛ a tẽw pʋɔ yel-dɛɛr ɩnɛ.