Read Birifor, Malba Miilfʋ Sɛbɛ 14 Bible Online

Miilfʋ Sɛbɛ 14 - Birifor, Malba bible

Miilfʋ Sɛbɛ 14

¹Ala ɩ̃ baar, ɩ̃ ꞌwuorʼã nyɛ a Péle ʋ ɩraa a *Sɩ̃ɔ tãw juu. Ʋ lãa na ɩraa nɩ nɩbɛ ture kʋbaa lɩjaayi nʼanaan na tɛrɛ a ʋ yuor nɩ a ʋ Sãa yuor a ba dibe pʋʋr.

²Ɩ̃ wõ na kɔkɩr na yi a saꞌlon ɩ̃ hele kʋ̃ɔ kaarɩ̃, mɩɩ saa na paar. A ʋna kɔkɩr mɩ wɔ̃ na taa nɩ korĩjomsɩ ba na ŋmeere.

³A bana nɩ-yaw ɩraa na a naa-dakɔw nii-sɔw, nɩ a yel-mimie anaan nɩ a nɩ-bɛrɛ nii-sɔw cɩɛrɛ yel-paalaa. Nɩrɛ ma tʋɔrɔ jaana a ʋna yele, ɩ̃ ma ɩ a bana nɩbɛ ture kʋbaa lɩjaayi nʼanaan tɛw ba na da fáa a ka a tẽw pʋɔ wa.

⁴Ba ɩ na a bala na ma sãw a ba mɩ̃ɛ nɩ a pɔɔbɔ wa. Ba tɛrɛ na a ba mɩ̃ɛ cɛcɛ. Ba ma mɩ tuure na a Péle a jiir a jaa ʋ na cere. Ba da ba na fáa a nɩbɛ sɔ̃w a ba na ɩ a bõ-paala ba na kʋrɔ a Naaŋmɩn nɩ a Péle.

⁵Ba maa ŋmaa jiri fɩ̃ɩ wa. Baa tɛrɛ cɛfʋ jie wa.

⁶Ɩ̃ ɩ̃ nyɛ na a sɩ-tʋnaa ƴen sʋbɔ ʋ be a saꞌlon file-file yʋɔrɔ lie kaarɩ̃, ɩ̃ tɛrɛ a daar a jaa ƴɛr-son, bʋɔrɔ ʋ hier kʋ a tẽ-bʋrɔ bʋrɔ, nɩ a bal-bʋrɔ bʋrɔ, nɩ a ƴɛr-bʋrɔ bʋrɔ nɩ a nɩ-bʋrɔ ba jaa na be ka a tẽw pʋɔ.

⁷Ʋ yele na nɩ kɔkɩr kpɛ̃w: “Nyɩ́ jɔrɔ a Naaŋmɩn, mɩ kʋrɔ nɩ ʋ a ju-kpɛ̃ɛ! A-na-ɩ a daar ta na ʋ na guor a nɩbɛ ƴɛrɩ̃. Nyɩ́ pɛwrɛ a ʋlɔ na maal a saꞌlon nɩ a tene, a man nɩ a kʋ̃ɔ yifʋ jiir!”

⁸Ɩ̃ a gbɛɛ ayi sɩ-tʋnaa tu na a dãdãw sɩ-tʋnaa, yele nɩ: “Ʋ lo na, a *Babɩlɔ̃ tẽ-kpɛ̃ɛ lo na; a ʋlɔ na maal a tẽ-bʋrɔ bʋrɔ a ba nyu a ʋ gã-ta-burbur dãa na waara nɩ a Naaŋmɩn su-tuo.”

⁹Ɩ̃ a gbɛɛ ata sɩ-tʋnaa mɩ tu na a bala ayi, yele nɩ kɔkɩr kpɛ̃w: “A nɩrɛ lɛ na pɛwrɛ a wɛ-dʋ̃ɔ nɩ a bʋtɩɩb ba na mɛ a ʋ kaarɩ̃, ɩ̃ mɩ tɛrɛ a ʋ jɩbaa a ʋ diirɩ̃, mɩɩ a ʋ nuu pʋɔ,

¹⁰na mɩ nyu na a Naaŋmɩn su-tuo dã-kpɛ̃w ʋ na deer ƴɔ̃w a ʋ su-tuo ŋman pʋɔ. A bala ba jaa na maal a lɛ, ba na pɔw na kpowfʋ a vũu pʋɔ nɩ a kʋsɩ-ꞌlerisɩ pʋɔ, a Naaŋmɩn sɩ-tʋnɩsɩ nɩ a Naaŋmɩn Péle nii-sɔw.

¹¹Ɩ̃ a vũu ʋlɔ pʋɔ ba na pɔwrɔ a kpowfʋ, a ʋ jʋʋr duoro na a daar a jaa. A bala na pɛwrɛ a wɛ-dʋ̃ɔ nɩ a bʋtɩɩb ʋlɔ ba na mɛ, nɩ a nɩrɛ lɛ na pɔw a ʋ yuor jɩbaa, kɔ̃ tɛrɛ pɩɛnfʋ a mɔtɔ̃w nɩ a tɩsɔw wa.”

¹²Ala-ɩ̃-sɔ, a Naaŋmɩn deme na jɔrɔ a ʋ ƴɛr-kpɛn, ɩ̃ mɩ ɩraa cĩcĩ a *Jeeju pʋɔ, sɛw na na tɛrɛ su-nyɔwraa.

¹³Ɩ̃ ɩ̃ wõ na kɔkɩr na yi a saꞌlon ɩ̃ yel ma: “Sɛb a asɩmɛ: ‘Wa nyɔw nɩ a ƴɛ̃ƴɛrɩ̃, nʋ̃ɔ ma be na a bala na kpiire a Nɩ-kpɛ̃ɛ sɔr pʋɔ.’ A Naaŋmɩn Sɩɛ yel: ‘Ɔɔ, sɩrɛ jaa ʋ. Ba na jɛ na pɩɛnɛ, ma lɛ nyɛrɛ vɔwfʋ wa, a-na-ɩ a tʋmɔ ala ba na dãa maal be nɩ ba na.’ ”

¹⁴Ɩ̃ lɛ ꞌwuorʼã nyɛ dɔ̃dɔrɩ̃-pɩlaa, ɩ̃ a ʋna dɔ̃dɔrɩ̃ma pʋɔ, bom jɛ na be daba kaarɩ̃, ɩ̃ kpa *sɛlmɛ sapi a juu pʋɔ, tɛrɛ nɩ ci-ŋma-sʋɔ na dɩrɛ a ʋ nuumɩ.

¹⁵Ɩ̃ sɩ-tʋnaa ƴen sʋbɔ yi na a Naaŋmɩn yir, wuurʼɩ̃ kɔkɩr kpɛ̃w yel a ʋlɔ na jɛ a dɔ̃dɔrɩ̃ma pʋɔ: “De a fʋ sʋɔ ŋma nɩ a ci, a-na-ɩ a ci-ŋmafʋ daar ta na. A tẽw pʋɔ ci bɩ na ta a ŋmafʋ.”

¹⁶A ʋlɔ na dãa jɛ a dɔ̃dɔrɩ̃ma pʋɔ de na a ʋ sʋɔ suu nɩ a tene ŋma nɩ a tẽw ʋ jaa ci.

¹⁷Ɩ̃ a sɩ-tʋnaa ƴen sʋbɔ lɛ yi na a Naaŋmɩn yir a be a saa juu, ɩ̃ mɩ tɛrɛ a ci-ŋma-sɔ-dɩraa.

¹⁸A sɩ-tʋ̃-kpee na ɩ a vũu nɩ-kpɛ̃ɛ yi na a baar lofʋ jie, wuurʼɩ̃ kɔkɩr kpɛ̃w yelʼɩ̃ a ʋlɔ na tɛrɛ a sɔ-dɩraa: “De a fʋ sɔ-dɩraa ŋma nɩ a dɩvɛ̃ tɩ-wɔmɔ, a-na-ɩ a mʋ̃ɔ na.”

¹⁹A sɩ-tʋnaa de na a ʋ sʋɔ suu nɩ a tene, ŋma nɩ a dɩvɛ̃ tɩ-wɔmɔ, lɔb ƴɔ̃w a bɔw kpɛ̃ɛ ʋlɔ pʋɔ ba na ma nɛbɛ a ʋ bie, na miile a Naaŋmɩn su-tuo.

²⁰Ba nɛb ba na a tẽw cɛ̃cɛ̃w, a jɩ̃ɩ yi a bɔw pʋɔ ɩ̃ do jɛ̃ taa nɩ a dɔ̃dɔr nʋɔr, ɩ̃ jɔ maal kilo kɔɔr ata.