Read Boros Dusun Nehemiah 12 Bible Online

Nehemiah 12 - Boros Dusun bible

Nehemiah 12

¹Iti ngai' no i piro-piro ot imam om i tulun do Liwi di guminuli' do mantad hilo'd pomogunan di pinananggayan do pisangod do minoyo' di Sorubabil i tanak di Sialtiol, om i Yosua i Boyoon dot Agayo dot Imam:

²Piro-Piro Imam: i Soraya, i Yoromia, i Isra, i Amaria, i Maluk, i Hatus, i Sokania, i Rohum, i Mirimot, i Ido, i Ginitoi, i Abia, i Miyamin, i Maaya, i Bilga, i Somaya, i Yoyarib, i Yodaya, i Salu, i Amok, i Hilkia om i Yodaya. Iyolo' no i nosiliu do boyoon dot imam do tontok di poimpasi po i Yosua.

⁸I Piro-Piro Tulun do Liwi: Iti ngai' no i tulun do Liwi di boyoon do modsisinding di sinding do mongunsikou: i Yosua, i Binui, i Kadmiol, i Sorobia, i Yohuda om i Matania.

⁹Iti ngai' no o tulun di modsisinding do sinding di posimbaron: i Bakbukia, i Uni om i tulun do Liwi do suwai.

¹⁰I Yosua nopo om tapa' di Yoyakim, om i Yoyakim no om tapa' di Iliasib, om i Iliasib no om tapa' di Yoyada,

¹¹om i Yoyada no om tapa' di Yonatan, om i Yonatan no om tapa' di Yadua.

¹²Tontok dit i Yoyakim o Boyoon dot Agayo dot Imam, om iti no o dopitar do ngaran di boyoon dot imam om i pinuruan do sompiiyon diyolo': Imam Pinuruan do Sompiiyon Miraya Soraya Hanania Yoromia Mosulam Isra Yohanan Amaria Yonatan Moliku Yusup Sobania Adna Harim Hilkai Mirayot Sakaria Ido Mosulam Giniton Sikri Abia .... Minyamin Piltai Moaya Samua Bilga Yonatan Somaya Matnai Yoyarib Usi Yodaya Kalai Salai Hibir Amok Hasabia Hilkia Nitaniil Yoyada

²²Haro o tinulis do dopitar do ngaran do boyoon do piro-piro sompiiyon do tulun do Liwi om i sompiiyon dot imam do maso di poimpasi iti Boyoon dot Agayo dot Imam diti: i Iliasib, i Yoyada, i Yohanan om i Yadua. Om kopongo no i tinulis diri do tontok dit i Darius o raja' do Porsia.

²³Nga' iri nopo pasal di boyoon do piro-piro sompiiyon do tulun do Liwi om gisom no di poimpasi i Yonatan, i manangaki di Iliasib do haro o notulis.

²⁴Om i Hasabia no om i Sorobia, om i Yosua, om i Binui, om i Kadmiol o minamahagi' di tulun do Liwi dot id piro-piro o sinompuruan. Om duwo kasai' nopo o sinompuruan, do wonsoyon nopo om mamarayou'd Tuhan om mongunsikou dot id dau, do misimbar-simbar do tumanud dit oturan di pinatahak di Raja' Daud, i susuhuon do Kinorohingan.

²⁵Om iti ngai' no o tulun di madtatamong di wawayaan di Walai'd Sasambayangan dot Agayo di sinuhu' do madtamong di piro-piro o bilik di poopian di hiri'd toning di wawayaan di Walai'd Sasambayangan dot Agayo: i Matania, i Bakbukia, i Obaya, i Mosulam, i Talmon om i Akub.

²⁶Iri ngai' nopo tulun diri nga' poimpasi do tontok di hino po i Yoyakim, i tanak di Yosua, i manangaki di Yosadak, om tontok di hino po i gobunor Nohomia, om tontok di hino po i Isra it Imam, it oilo kopio di Tourat.

²⁷Tontok di pinatahak dot id Tuhan i tolig di bandar do Yorusalim, om lohowo' ngai' nopo i tulun do Liwi do mantad id hinonggo nopo o nokoiyonon diyolo', om kaamung i' iyolo' do mamaramai di kapatahakan diri do mikuwo'd modsinding do sinding do pongunsikou dot ompoton do tuunion do gambus om kecapi.

²⁸Om timung no i modsisinding di mantad id piro-piro sompiiyon do tulun do Liwi do mantad id kinoiyonon di kinoundorongon diyolo' dit id posorili' do Yorusalim, om i mantad hilo'd kabandaran di posorili' do Nitopa,

²⁹om i mantad do hilo'd Bait-Gilgal, om Giba om Asmawit.

³⁰Om lidangai no di tulun do Liwi om it imam o tinan diyolo', om linidangan nogi' diyolo' i tulun dot ogumu' om i piro-piro o wawayaan, om i tolig di bandar.

³¹Om posolokoyo' ngai' ku no i boyoon do Yohuda do hiri'd sakai di tolig om suhuo' ku no iyolo' do momoyo' do duwo o sinompuruan do tulun dot ogumu' do mamanau do tumutuk di bandar, om mikuwo'd modsinding do mongunsikou'd Kinorohingan. Iri nopo sinompuruan do koiso' om poimbaris dot id timpak di tolig, om pinakayaan ponong id wanan, do poingkaa do hiri'd wawayaan di roitan do Wawayaan do Rinomos.

³²Om pamanau no i Hosaya dot id tohuri-huri di modsisinding, om tanud no o songintanga' di boyoon do Yohuda.

³³Om minamanau no do suminusuhut diyolo' om iti ngai' imam diti: i Asaria, i Isra, i Mosulam, i Yohuda, i Binyamin, i Somaya om i Yoromia. Om i Sakaria nogiddi o minamanau, i tanak di Yonatan, i manangaki di Somaya. Taki- aki nopo dau'd suwai om i Matania, i Mika, om i Sakur, i mantad id pinuruan do sompiiyon di Asap.

³⁶Om muhut-suhut dau do mamanau i piro-piro o tulun diti di mantad id pinuruan do sompiiyon dau: i Somaya, i Asariil, i Milalai, i Gilalai, i Maai, i Nitaniil, i Yohuda om i Hanani. Om ongkiinigit ngai' nopo iyolo'd tuunion do sagalai di tuunion di Raja' Daud, i susuhuon do Kinorohingan. Om i Isra it Imam, it oilo do Tourat do Kinorohingan o minogulu di borisan do tulun diri.

³⁷Om tontok di hilo' no iyolo' id wawayaan di roitan do Wawayaan do Tudan do Waig, om hamad no iyolo', om indakod no di tukad di kumaa do hiri'd bandar di Daud, do minaya' di walai di Daud do don raja', om poguliai nogiddi diyolo' do hiri'd tolig di kiwawayaan di roitan do Wawayaan do Waig, i ponong id koulayon do mantad id bandar diri.

³⁸Om iri no tiso' di sinompuruan di tulun di modsisinding, om poimbaris do hiri'd sakai di tolig do pinakayaan ponong id gibang, om tanud oku no do miwoyo' do songintanga' di tulun dot ogumu'. Om pamanau no iyahai do poimbaris do tuminalib di walai'd akawas di roitan do Walai'd Akawas di Kiapui om gisom do hiri'd tolig di roitan do Tolig dot Alaab.

³⁹Om mantad no do hilo' om pamanau no iyahai do tuminalib di wawayaan di roitan do Wawayaan dot Ipraim, om Wawayaan do Yosana, om i wawayaan di roitan do Wawayaan do Sada', om i walai'd akawas di roitan do Walai'd Akawas do Hananil, om i walai dot akawas di roitan do Walai'd Akawas do Mia, om gisom do nokorikot do hiri'd wawayaan di roitan do Wawayaan do Dumba'. Om undorong noddi iyahai do mamanau dot id somok di wawayaan di roitan do Wawayaan do Padtamangan, i hiri'd toning di Walai'd Sasambayangan dot Agayo.

⁴⁰Om korikot no goduwo i sinompuruan do modsisinding diri do hiri'd somok di Walai'd Sasambayangan dot Agayo. Om suwai nopo ko' i piro-piro o boyoon di tuminanud di sinompuruan ku,

⁴¹om tuminanud nogi' i piro-piro ot imam di popouni do torumpit. Iyolo' nopo om i Iliakim, i Maasiya, i Minyamin, i Mika, i Ilyoinai, i Sakaria om i Hanania,

⁴²om muhut-suhut nopo diyolo' om i Maasiya, i Somaya, i Iliasar, i Usi, i Yohanan, i Malkia, i Ilam om i Isir. Om podsinding no i modsisinding do winoyo' di Yisrahia.

⁴³Tontok nopo do tadau'ddi nga' ogumu' o porsombahan di sinumbali' do pinatahak dot id Tuhan. Om i tulun nga' ongooropod tomod tu' pinosimbayan i' iyolo' do Kinorohingan. Iri tongoondu' om i tangaanak nga' minamung nogi' di karamayan diri. Om orongou i' do hiri'd sodu' i gara' diyolo' dot ongotood.

⁴⁴Tontok nopo do maso'ddi nga' sinuhu' o piro-piro o tongokusai do madtamong di piro-piro o bilik di poopian di pinopuhawang dot id Walai'd Sasambayangan dot Agayo. Om kohompit nogi' i porsombahan do sompihopod om i gandum om tua-ua' dit id gulu koonsok do pointikid-tikid do toun. Iri nopo i piro-piro o tulun do madtatamong diri nga' nonuan do karaja' do mongoi ponimung di popuhawangon do mantad id koumaan dit id posorili' di piro-piro o bandar. Om iri nopo i popuhawangon diri nga' patahakon dot id piro-piro ot imam om id tulun do Liwi, do tumanud di ponuhuan dot id Tourat. Om angasanangan ngai' nopo i tulun do Yohuda dit imam om i tulun do Liwi,

⁴⁵tu' iyolo' no i momonsoi dit apatut do wonsoyon do maan do pomolidang, om i piro-piro ot apatut do wonsoyon do suwai do tumanud di pinonuhuan do Kinorohingan. Om iri nogi' i piro-piro o tulun do popouni do tuunion do hiri'd Walai'd Sasambayangan dot Agayo om i madtatamong di wawayaan di Walai'd Sasambayangan dot Agayo nga' minomonsoi ngai' i' di karaja' diyolo' do miontok dit oturan do winonsoi di Raja' Daud om i Suliman i tanak dau.

⁴⁶Mantad po di poimpasi po i Raja' Daud om i Asap, i popouni do tuunion di gulu po, om modsinding no i modsisinding do sinding do pamarayou om pongunsikou'd Kinorohingan.

⁴⁷Om tontok di poimpasi po i Sorubabil om i Nohomia nga' oinsanan nopo i tulun dot Israil do manahak do porsombahan do pointikid do tadau do maan do kosukup-sukupan di modsisinding om i madtatamong do wawayaan di Walai'd Sasambayangan dot Agayo. Om minanahak ngai' nogi' i tulun do porsombahan di potobilangon di patahakon dot id tulun do Liwi, om iri tulun do Liwi nga' pinapatahak nogi' di bohogian di natantu' mantad do dong imam.