Read Boros Dusun Psalms 114 Bible Online

Psalms 114 - Boros Dusun bible

Psalms 114

¹Tontok di suminoliwan i tulun dot Israil do mantad hilo'd Masir, di tuminongkiad i sinakagon di Yakub di pomogunan diri,

²om siliho' nod Tuhan o tulun do Yohuda do tulun dau, om siniliu dau ot Israil do songonuon dau.

³Ontong no dau i Rahat dot Aragang om panangkus no do minogidu', om tingkod nopo do luminuyung i Bawang do Yordan.

⁴Mininsimbul i nuluhon do miagal do kambing do tontoluhan, om mininsimpod i nulu-nulu do miagal do tangaanak do dumba'.

⁵Nokuro kopio tu' minogidu' ko, oi rahat? Nokuro tu' tuminingkod ko do lumuyung, oi Bawang do Yordan?

⁶Nokuro tu' mininsimbul kou do miagal do kambing do tontoluhan, oi konulu-nuluan? Oi nulu-nulu, nokuro tu' mininsimpod kou do miagal do tangaanak do dumba'?

⁷Gogor no, oi pomogunan tu' rumikot no o Tuhan, gogor no dot id toguang do Kinorohingan di Yakub.

⁸Iyau no i pinoposimban di tontolob do siniliu do kulam do waig om pinoposimban do pampang do siniliu do bawang di songluyung-luyung.