Read Buka Helaga (Hiri Motu) 1993 GENESE 36 Bible Online

GENESE 36 - Buka Helaga (Hiri Motu) 1993 bible

GENESE 36

¹Esau ena natuna bona iena tubuna be inai:

²Esau ena adavana be Kanana hahine, Ada, Hiti tauna ena ladana Elona ena natuna, bona Oholibama, Ana ena natuna, Hivi tauna ena ladana Sibeona ena tubuna,

³bona Basemata, Isamaela ena natuna, Nebaioto ena taihuna.

⁴Ada ese mero ta ia abia, iena ladana be Elipasa, bona Basemata ese mero ta ia abia, iena ladana be Reuele,

⁵bona Oholibama ese memero toi ia abia, edia ladana be Ieusu bona Ialama bona Kora. Esau ena natuna be unai, Kanana tano dekenai idia vara.

⁶Esau ese iena adavana toi, bona iena natuna tatau bona hahine, bona iena orea taudia ibounai, bona iena boromakau bona iena mamoe orea ibounai, bona Kanana dekenai ia davaria kohu ibounai, ia haboua, vadaeni iena tadina Iakobo ia rakatania, ia lao Seiri tano dekenai.

⁷Ia lao badina be ia bona iena tadina Iakobo ruaosi edia kohu be bada herea dainai tano be hegeregere lasi idia ruaosi bona edia boromakau bona mamoe ibounai do idia noho unai gabu tamona dekenai.

⁸Unai dainai Esau ese ororo edia ladana Seiri dekenai ia noho.

⁹Esau ena natuna bona iena tubuna be inai: Esau be Edoma besena, Seiri ena ororo tano dekenai idia noho taudia edia tamana.

¹⁰Esau ena natuna tatau edia ladana be inai: Elipasa, Esau ena adavana Ada ena natuna, bona Reuele, Esau ena adavana Basemata ena natuna.

¹¹Elipasa ena natuna tatau be Temana bona Omara bona Sepo bona Gatama bona Kenasa.

¹²Elipasa, Esau ena natuna ese hahine ma ta ena ladana Timuna ia adavaia, inai Timuna be mero ta ladana Amaleka ia abia. Inai ibounai be Esau ena adavana Ada ena tubuna.

¹³Reuele ena natuna be inai: Nahata bona Sera bona Sama bona Misa. Idia be Esau ena adavana Basemata ena tubuna.

¹⁴Esau ena adavana Oholibama be Ana ena natuna, Sibeona ena tubuna. Iena natuna be inai: Ieusu bona Ialama bona Kora.

¹⁵Lohia taudia Esau dekena amo idia vara edia ladana be inai: Elipasa, Esau ena vara guna natuna ese Temana bona Omara bona Sepo bona Kenasa,

¹⁶bona Kora bona Gatama bona Amaleka ia havaraia. Inai ibounai be Edoma tano ena lohia taudia, Elipasa, Ada ena natuna ese ia havaraia.

¹⁷Esau ena natuna Reuele ena natuna be inai: Nahata bona Sera bona Sama bona Misa. Idia be lohia taudia Reuele ena orea dekenai, Edoma ena tano dekenai. Idia danu be Esau ena adavana Basemata ena tubuna.

¹⁸Esau ena adavana Oholibama ena natuna be inai: Ieusu bona Ialama bona Kora. Inai be lohia taudia, Esau ena adavana Oholibama, Ana ena natuna ese ia havaraia.

¹⁹Esau ena natuna be unai, idia be Edoma ena lohia taudia.

²⁰Unai tano dekenai ia noho Hori tauna ena ladana Seiri ena natuna be inai: Lotana bona Sobala bona Sibeona bona Ana,

²¹bona Disona bona Esere bona Disana. Hori lohia taudia be inai, Seiri ese ia havaradia Edoma tano dekenai.

²²Lotana ena natuna be Hori bona Hemana, bona Lotana ena taihuna be Timuna.

²³Sobala ena natuna be Alavana bona Manahata bona Ebala bona Sepo bona Onama.

²⁴Sibeona ena natuna be Aia bona Ana. Inai Ana be ranu ia lohilohi gabudia ia davaria taunimanima idia noho lasi gabuna dekenai, iena tamana Sibeona ena doniki ia naridia neganai.

²⁵Ana ena natuna be inai: Mero ta ena ladana be Disona bona kekeni ta ena ladana be Oholibama.

²⁶Disona ena natuna be Hemudana bona Esebana bona Itirana bona Kerana.

²⁷Esere ena natuna be Bilehana bona Savana bona Akana.

²⁸Disana ena natuna be Usu bona Arana.

²⁹Hori ena lohia taudia be inai: Lotana bona Sobala bona Sibeona, bona Ana,

³⁰bona Disona bona Esere bona Disana. Hori ena lohia taudia be unai, idia ese Seiri tanona idia naria.

³¹Inai king taudia ese Edoma tano idia naria, Israela taudia be king ese ia naridia lasi neganai. King edia ladana be inai:

³²Bela Beoro be Edoma ena king, iena hanua badana ena ladana be Dinihaba.

³³Bela ia mase neganai, Bosera tauna Sera ena natuna Iobaba ese iena gabu ia abia.

³⁴Iobaba ia mase neganai be Temana tano dekena amo ia mai tauna ena ladana Husama ese iena gabu ia abia.

³⁵Husama ia mase neganai be Hadada Bedada ese iena gabu ia abia. Guna inai Hadada Bedada ese Moaba tano palaka dekenai Midiana taudia tuari dekenai ia halusidia vadaeni. Iena hanua badana ena ladana be Aviti.

³⁶Hadada ia mase, vadaeni Masa-re-ka dekena amo ia mai tauna ena ladana Samula ese iena gabu ia abia.

³⁷Samula ia mase, vadaeni Euperate Sinavai ena hanua ta ladana Rehoboto dekena amo tauna ena ladana Saulo ese iena gabu ia abia.

³⁸Saulo ia mase, vadaeni Bala Hanana, Akaboro ena natuna ese iena gabu ia abia.

³⁹Bala Hanana Akaboro ia mase, vadaeni Hadada ese iena gabu ia abia. Iena hanua ena ladana be Pau, bona iena adavana ena ladana be Mehetabela. Ia be Matareda ena natuna, bona iena tubuna be Mesahaba.

⁴⁰Esau ena bese ena lohia taudia, ta ta ese edia iduhu idia naria, edia ladana, bona edia noho gabudia edia ladana be inai: Timuna, Alava, Ietete,

⁴¹Oholibama, Ela, Pinona,

⁴²Kenasa, Temana, Mibisara,

⁴³Magidiela bona Irama. Edoma ena lohia taudia be unai, ta ta ese ena hanua ena hanua dekenai idia lohia. To Edoma ia havaraia tauna be Esau.