Read Buka Helaga (Hiri Motu) 1993 GENESE 5 Bible Online

GENESE 5 - Buka Helaga (Hiri Motu) 1993 bible

GENESE 5

¹Adamu ena bese taudia edia ladadia be inai: Dirava ese taunimanima ia karaia neganai, ia ese Dirava ena toana hegeregerena ia karaia.

²Tau ta bona hahine ta ia karaia neganai, Dirava ese ia hanamodia, bona edia ladana ia gwauraia, Taunimanima.

³Adamu ena mauri lagani be 130 neganai, iena natuna ta ia havaraia, iena toana bamona bona ia hegeregerena vadaeni, iena ladana ia atoa Seta.

⁴Seta ia vara murinai, Adamu be lagani 800 ma ia mauri noho, iena natuna tatau bona hahine ia havaraia.

⁵Adamu ena mauri lagani ibounai be 930, vadaeni ia mase.

⁶Seta ena mauri lagani be 105 neganai, ia ese Enosi ia havaraia.

⁷Vadaeni Enosi ia vara murinai, Seta be lagani 807 ma ia mauri noho, iena natuna tatau bona hahine ia havaraia.

⁸Seta ena mauri lagani ibounai be 912, vadaeni ia mase.

⁹Enosi ena mauri lagani be 90 neganai, ia ese Kenana ia havaraia.

¹⁰Vadaeni Kenana ia vara murinai, Enosi be lagani 815 ma ia mauri noho, iena natuna tatau bona hahine ia havaraia.

¹¹Enosi ena mauri lagani ibounai be 905, vadaeni ia mase.

¹²Kenana ena mauri lagani be 70 neganai, ia ese Mahalalela ia havaraia.

¹³Vadaeni Mahalalela ia vara murinai, Kenana be lagani 840 ma ia mauri noho, iena natuna tatau bona hahine ia havaraia.

¹⁴Kenana ena mauri lagani ibounai be 910, vadaeni ia mase.

¹⁵Mahalalela ena mauri lagani be 65 neganai, ia ese Iareda ia havaraia.

¹⁶Vadaeni Iareda ia vara murinai, Mahalalela be lagani 830 ma ia mauri noho, iena natuna tatau bona hahine ia havaraia.

¹⁷Mahalalela ena mauri lagani ibounai be 895, vadaeni ia mase.

¹⁸Iareda ena mauri lagani be 162 neganai, ia ese Enoka ia havaraia.

¹⁹Vadaeni Enoka ia vara murinai, Iareda be lagani 800 ma ia mauri noho, iena natuna tatau bona hahine ia havaraia.

²⁰Iareda ena mauri lagani ibounai be 962, vadaeni ia mase.

²¹Enoka ena mauri lagani be 65 neganai, ia ese Metusela ia havaraia.

²²Metusela ia vara murinai, Enoka be Dirava danu idia turana karaia noho, ia lao bona lagani 300 ia ore. Iena natuna tatau bona hahine ia havaraia.

²³Enoka ena mauri lagani be 365,

²⁴ia be Dirava danu idia turana karaia noho, vadaeni inai murinai, tau ta ese ia itaia lou lasi, badina be Dirava ese ia abia.

²⁵Metusela ena mauri lagani be 187 neganai, ia ese Lameka ia havaraia.

²⁶Vadaeni Lameka ia vara murinai, Metusela be lagani 782 ma ia mauri noho, iena natuna tatau bona hahine ia havaraia.

²⁷Metusela ena lagani ibounai be 969, vadaeni ia mase.

²⁸Lameka ena mauri lagani be 182 neganai, ia ese iena natuna ta ia havaraia.

²⁹Iena ladana ia atoa Noa, ena anina be “laga-ani”. Ia gwau, “Lohiabada ese tano ia hadikaia vadaeni kara dekena amo inai mero ese ita do ia hamauria, iseda imana edia gaukara, bona iseda hekwarahi dekena amo do ita laga-ani totona.”

³⁰Noa ia vara murinai, Lameka be lagani 595 ma ia mauri noho, iena natuna tatau bona hahine ia havaraia.

³¹Lameka ena mauri lagani ibounai be 777, vadaeni ia mase.

³²Noa ena mauri lagani be 500 neganai, ia ese Sema, bona Hamo, bona Iapeta ia havaraia.