Read Buka Helaga (Hiri Motu) 1993 1 SIVARAI 3 Bible Online

1 SIVARAI 3 - Buka Helaga (Hiri Motu) 1993 bible

1 SIVARAI 3

¹Davida ena natuna tau, Heberona dekenai ia noho neganai idia vara, be inai: Vara guna be Aminona, Ahinoama, Ieserele hahine ena bogana dekena amo. Iharuana be Daniela, Abigaila, Karamele hahine ena bogana dekena amo.

²Ihatoina be Abesaloma, iena sinana be Maka, Talemai, Gesuru ena king, ena natuna hahine. Namba 4 be Adonaisa, iena sinana be Hagiti.

³Namba 5 be Sepataia, iena sinana be Abitala. Namba 6 be Itireama, iena adavana Egila ena bogana dekena amo.

⁴Inai natuna tau ibounai 6 be Heberona dekenai idia vara, bona Davida be lagani 7 bona hua 6 unuseni ia lohia karaia. Ma Davida be Ierusalema dekenai lagani 33 lalonai ia lohia karaia.

⁵Bona unuseni iena natuna tau momo idia vara, edia ladana be inai: Davida ena adavana, Bataseba, Amiele ena natuna hahine ese natuna tau 4 ia havaraia: Simea, Sababa, Natana bona Solomona.

⁶Davida ese danu iena natuna tau ma 9 ia havaraia: Ibihara, Elisua, Elipelete,

⁷Noga, Nepege, Iapia,

⁸Elisama, Eliada bona Elipelete.

⁹Inai ibounai be Davida ena natuna tau. Ma haida danu be iena adavana, hesiai hahine, dekena amo ia havaraia. Davida danu be mai ena natuna hahine, ena ladana be Tamara.

¹⁰Solomona ena natuna tau be Rehoboama. Rehoboama ena natuna tau be Abaisa. Abaisa ena natuna tau be Asa. Asa ena natuna tau be Iehosapata. Iehosapata ena natuna tau be Iehorama.

¹¹Iehorama ena natuna tau be Ahasaia. Ahasaia ena natuna tau be Ioasa.

¹²Ioasa ena natuna tau be Amasaia. Amasaia ena natuna tau be Usaia. Usaia ena natuna tau be Iotama. Iotama ena natuna tau be Ahasa.

¹³Ahasa ena natuna tau be Hesekaia. Hesekaia ena natuna tau be Manase.

¹⁴Manase ena natuna tau be Amona. Amona ena natuna tau be Iosaia.

¹⁵Iosaia ena natuna tau be 4: Vara guna be Iohanana, iharuana be Iehoiakimi, ihatoina be Sedekaia, namba 4 be Sulumu.

¹⁶Iehoiakimi ena natuna tau be rua: Iehoiakini bona Sedekaia.

¹⁷King Iehoiakini be Babulonia taudia ese idia guia, edia tano dekenai idia abia lao. Iehoiakini ena bese be inai: Iena natuna tau be ibounai 7: Sealetiele,

¹⁸Malikirama, Pedaia, Senasara, Iekamaia, Hosama bona Nedabaia.

¹⁹Pedaia ena natuna tau be Serubabele bona Simei. Serubabele ena natuna be Mesulama bona Hananaia, bona edia taihuna be Selomiti.

²⁰Serubabele ena natuna tau ma 5 idia noho: Hasuba, Ohele, Berekaia, Hasadaia, bona Iusaba Hesede.

²¹Hananaia ena natuna tau be Pelataia bona Iesaia. Iesaia be Repaia ena tamana. Repaia be Aranana ena tamana. Anana be Obadaia ena tamana. Obadaia be Sekanaia ena tamana.

²²Sekanaia be mai ena natuna tau tamona, Semaia, bona mai ena tubuna tau ibounai 5: Hatusu, Igala, Baraia, Nearaia, bona Sapata.

²³Nearaia ena natuna tau be toi: Elioenai, Hesekaia, bona Asarikama.

²⁴Elioenai ena natuna tau be ibounai 7: Hodavaia, Eliasibi, Pelaia, Akubu, Iohanana, Delaia bona Anani.