Read Buka Helaga (Hiri Motu) 1993 1 SIVARAI 6 Bible Online

1 SIVARAI 6 - Buka Helaga (Hiri Motu) 1993 bible

1 SIVARAI 6

¹Levi ena natuna tau be inai: Geresone, Kohata bona Merari.

²Kohata ena natuna tau be inai: Amarama, Isahara, Heberona bona Usiele.

³Amarama ena natuna tau be inai: Arona bona Mose, bona natuna hahine ta, Miriama. Arona ena natuna tau be inai: Nadaba, Abihu, Eleasara, Itamara.

⁴Eleasara ena bese, uru ta ta dekenai be inai: Eleasara be Pineha ena tamana. Pineha be Abisua ena tamana.

⁵Abisua be Buki ena tamana. Buki be Usisi ena tamana.

⁶Usisi be Serahaia ena tamana. Serahaia be Meraioto ena tamana.

⁷Meraioto be Amaraia ena tamana. Amaraia be Ahitubu ena tamana.

⁸Ahitubu be Sadoka ena tamana. Sadoka be Ahimasa ena tamana.

⁹Ahimasa be Asaraia ena tamana. Asaraia be Iohanana ena tamana.

¹⁰Iohanana be Asaraia ena tamana. (inai Asaraia ese hahelagaia tauna gaukara ia karaia, king Solomona ese Ierusalema dekenai ia haginia Dubu Helaga ena lalonai.)

¹¹Asaraia be Amaraia ena tamana. Amaraia be Ahitubu ena tamana.

¹²Ahitubu be Sadoka ena tamana. Sadoka be Salumu ena tamana.

¹³Salumu be Hilekaia ena tamana. Hilekaia be Asaraia ena tamana.

¹⁴Asaraia be Seraia ena tamana. Seraia be Iehosadaka ena tamana.

¹⁵Lohiabada ese Iuda bona Ierusalema taudia, be Nebukanesa ena goada dekena amo, idau gabu dekenai ia siaidia lao, unuseni idia noho neganai, inai Iehosadaka danu be idia danu ia lao.

¹⁶Levi ena natuna tau be inai: Geresone, Kohata bona Merari.

¹⁷Geresone ena natuna tau be Libini bona Simei.

¹⁸Kohata ena natuna tau be Amarama, Isahara, Heberona bona Usiele.

¹⁹Merari ena natuna tau be Mali bona Musi. Levi taudia edia iduhu bona iduhu maragidia be inai, edia tamadia edia ladana hegeregerena.

²⁰Geresone: Iena natuna tau be Libini, Libini ena natuna tau be Iahata. Iahata ena natuna tau be Sima.

²¹Sima ena natuna tau be Ioa, Ioa ena natuna tau be Ido. Ido ena natuna tau be Sera, Sera ena natuna tau be Ieaterai.

²²Kohata: Iena natuna tau be Aminadaba. Aminadaba ena natuna tau be Kora. Kora ena natuna tau be Asiri.

²³Asiri ena natuna tau be Elikana. Elikana ena natuna tau be Ebiasapa. Ebiasapa ena natuna tau be Asiri.

²⁴Asiri ena natuna tau be Tahata, Tahata ena natuna tau be Uriele. Uriele ena natuna tau be Usaia, Usaia ena natuna tau be Saulo.

²⁵Elikana: Iena natuna tau be Amasai bona Ahimoto.

²⁶Ahimoto ena natuna tau be Elikana. Elikana ena natuna tau be Sopai, Sopai ena natuna tau be Nahata.

²⁷Nahata ena natuna tau be Eliaba, Eliaba ena natuna tau be Ierohama. Ierohama ena natuna tau be Elikana, Elikana ena natuna tau be Samuela.

²⁸Samuela: Iena natuna tau vara guna be Ioela, bona iharuana be Abia.

²⁹Merari: Iena natuna tau be Mali. Mali ena natuna tau be Libini, Libini ena natuna tau be Simei. Simei ena natuna tau be Usa.

³⁰Usa ena natuna tau be Simea, Simea ena natuna tau be Hagaia. Hagaia ena natuna tau be Asaia.

³¹Taravatu Maua be Davida ese Lohiabada ena tomadiho gabuna lalonai ia atoa murinai, Davida ese ane abia taudia danu be unuseni ia atoa, miusiki bona ane do idia gunalaia totona.

³²Idia be Lohiabada ena Palai Dubu ena vairanai tomadiho ane idia abia noho, ela bona Solomona ese Lohiabada ena Dubu Helaga Ierusalema dekenai ia haginia. Unai miusiki taudia, Palai Dubu ena vairanai ane idia abia, bona tomadiho karadia idia karaia, ta ta ena nega, ena nega dekenai.

³³Inai gaukara idia karaia taudia, mai edia natudia danu, edia ladana be inai: Kohata iduhu: Ane abia tauna, Hemana, Ioela ena natuna tau. Inai Ioela be Samuela ena natuna tau,

³⁴Samuela be Elikana ena natuna tau, Elikana be Ierohama ena natuna tau, Ierohama be Eliele ena natuna tau, Eliele be Toa ena natuna tau.

³⁵Toa be Supu ena natuna tau, Supu be Elikana ena natuna tau. Elikana be Mahata ena natuna tau. Mahata be Amasai ena natuna tau.

³⁶Amasai be Elikana ena natuna tau, Elikana be Ioela ena natuna tau. Ioela be Asaraia ena natuna tau, Asaraia be Sepanaia ena natuna tau.

³⁷Sepanaia be Tahata ena natuna tau, Tahata be Asiri ena natuna tau. Asiri be Ebiasapa ena natuna tau, Ebiasapa be Kora ena natuna tau.

³⁸Kora be Isahara ena natuna tau, Isahara be Kohata ena natuna tau. Kohata be Levi ena natuna tau, bona Levi be Israela ena natuna tau.

³⁹Ane abia orea iharuana ena gunalaia tauna be Asapa, Hemana ena tadina. Iena bese taudia edia ladana be inai: Asapa be Berekaia ena natuna tau. Berekaia be Simea ena natuna tau.

⁴⁰Simea be Mikaela ena natuna tau, Mikaela be Baseia ena natuna tau. Baseia be Malekaia ena natuna tau.

⁴¹Malekaia be Eteni ena natuna tau, Eteni be Sera ena natuna tau. Sera be Adaia ena natuna tau.

⁴²Adaia be Etana ena natuna tau, Etana be Sima ena natuna tau. Sima be Simei ena natuna tau.

⁴³Simei be Iahata ena natuna tau, Iahata be Geresone ena natuna tau. Geresone be Levi ena natuna tau.

⁴⁴Ma ane abia orea ihatoina ena gunalaia tauna be Etana, Merari iduhu tauna. Iena bese taudia edia ladana be inai: Etana be Kisi ena natuna tau. Kisi be Abidi ena natuna tau, Abidi be Maluku ena natuna tau.

⁴⁵Maluku be Hasabaia ena natuna tau, Hasabaia be Amasaia ena natuna tau. Amasaia be Hilekaia ena natuna tau.

⁴⁶Hilekaia be Amasi ena natuna tau, Amasi be Bani ena natuna tau. Bani be Semere ena natuna tau.

⁴⁷Semere be Mali ena natuna tau, Mali be Musi ena natuna tau, Musi be Merari ena natuna tau. Merari be Levi ena natuna tau.

⁴⁸Inai ane abia taudia edia varavara Levi taudia be Lohiabada ena oda hegeregerena, Dirava ena tomadiho gabuna dekenai gaukara idauidau idia karaia.

⁴⁹To Arona, mai ena bese taudia danu ese boubou karadia idia karaia, gabua ore bouboudia, boubou patana ena latanai, bona muramura mai bonana namo idia gabua ena patana latanai danu. Idia ese danu Helaga Herea Gabuna ena lalonai tomadiho gaukara ibounai, bona Israela ena kara dika ena davana karaia totona boubou danu be Arona ena bese ese idia karaia. Inai boubou dainai, Dirava ese Israela taudia edia kara dika ia gwauatao. Inai gaukara helagadia ibounai idia karaia, Mose, Dirava ena hesiai tauna, ena oda ibounai hegeregerena.

⁵⁰Arona ena bese taudia edia ladana be inai: Iena natuna tau be Eleasara. Eleasara ena natuna tau be Pineha. Pineha ena natuna tau be Abisua.

⁵¹Abisua ena natuna tau be Buki, Buki ena natuna tau be Usisi. Usisi ena natuna tau be Serahaia.

⁵²Serahaia ena natuna tau be Meraioto. Meraioto ena natuna tau be Amaraia, Amaraia ena natuna tau be Ahitubu.

⁵³Ahitubu ena natuna tau be Sadoka, Sadoka ena natuna tau be Ahimasa.

⁵⁴Kohata ena iduhu tauna, Arona, ena bese taudia edia tano, laki dekena amo idia haria tano be inai:

⁵⁵Heberona, Iuda iduhu ena tano dekenai, mai ena rei gabudia.

⁵⁶To hanua badana, Heberona ena uma tano, bona iena hanua maragidia danu be Kaleba Iepune dekenai idia henia.

⁵⁷Bona Arona ena bese taudia dekenai heau mauri hanuadia idia henia be inai: Heberona, Iatiri, Libina, Esetemoa,

⁵⁸Hilene, Debiri,

⁵⁹Asana, Iuta, bona Bete Semese, mai edia rei gabudia danu.

⁶⁰Bona Beniamina iduhu ena tano dekena amo Levi hanuadia be inai: Gibeona, Geba, Alemete bona Anatoto mai edia rei gabudia danu. Inai hanua be ibounai 13, bona Kohata iduhu taudia edia huanai idia haria, unuseni idia noho.

⁶¹Kohata ena bese taudia oredia be hanua 10, laki dekena amo idia henia, Manase iduhu kahana ena tano dekena amo.

⁶²Geresone ena bese taudia edia iduhu ta ta be laki dekenai hanua 13 idia gwauraia, bona idia dekenai idia henia, Isakara, Asere, Napatali, bona Manase, (Basana dekenai), edia iduhu dekena amo.

⁶³Merari ena bese taudia edia iduhu ta ta be laki dekena amo hanua 12 idia gwauraia, bona idia dekenai idia henia, Rubena, Gado bona Sebuluno edia iduhu dekena amo.

⁶⁴Vadaeni, Israela taudia ese Levi taudia dekenai hanua, mai edia rei gabudia danu, idia henia.

⁶⁵Iuda, Simeona, bona Beniamina iduhu edia tano dekena amo Levi taudia totona idia gwauraia hanua be laki dekena amo idia abia hidi.

⁶⁶Kohata taudia edia iduhu haida ese Eparaima taudia edia tano dekena amo edia noho hanuadia idia abia.

⁶⁷Eparaima taudia ese idia henia heau mauri hanuadia: Sekema, unai be Eparaima ena ororo tano dekenai, Gesere,

⁶⁸Iokomeama, Bete Horono,

⁶⁹Aialono, bona Gata Rimono, mai edia rei gabudia danu.

⁷⁰Manase ena iduhu kahana dekena amo Israela taudia ese hanua rua, Anere bona Bileama, mai edia rei gabudia danu Kohata taudia dekenai idia henia.

⁷¹Geresone taudia dekenai be Manase iduhu kahana taudia ese inai hanua idia henia: Golana, Basana dekenai, bona Asataroto, mai edia rei gabudia danu.

⁷²Bona Isakara iduhu dekena amo: Kedesi, Dabera,

⁷³Ramoto bona Aneme, mai edia rei gabudia danu.

⁷⁴Bona Asere iduhu dekena amo: Masala, Abidona,

⁷⁵Hukoko, bona Rehoba, mai edia rei gabudia danu.

⁷⁶Bona Napatali iduhu dekena amo: Kedesi, Galilea dekenai, Hamono bona Kiriataimi, mai edia rei gabudia danu.

⁷⁷Merari taudia oredia dekenai Israela taudia ese inai Sebuluno hanua ruaosi, mai edia rei gabudia idia henia: Rimono bona Taboro.

⁷⁸Rubena tano, Ioridane Sinavai ena dina daekau kahana, Ieriko kahirakahira, be inai hanua Merari taudia dekenai idia henia: Besere, tano kaukau dekenai, Iahasaha,

⁷⁹Kedemoto, bona Mepata, mai edia rei gabudia danu.

⁸⁰Gado iduhu taudia ese danu edia tano dekena amo Merari taudia dekenai inai hanua idia henia: Ramoto, Gileada dekenai, Mahanaimi,

⁸¹Hesebona, bona Iasere, mai edia rei gabudia danu.