Read Buka Helaga (Hiri Motu) 1993 NEHEMIA 10 Bible Online

NEHEMIA 10 - Buka Helaga (Hiri Motu) 1993 bible

NEHEMIA 10

¹Taravatu do idia badinaia gwauhamata ia saini tau ginigunana be gavana, Nehemia Hakalaia. Ia murinai be Sedekaia ese ia sainia. Ma idia sainia taudia ibounai be inai:

²Seraia, Asaraia, Ieremia,

³Pasahuru, Amaraia, Malekaia,

⁴Hatusu, Sebanaia, Maluku.

⁵Harimi, Meremoto, Obadaia,

⁶Daniela, Ginetono, Baruku,

⁷Mesulama, Abaisa, Miamini,

⁸Masaia, Bilugai, Semaia.

⁹Iosua, Asanaia ena natuna, Binui, Henadada ena natuna ta, Kademiele.

¹⁰Bona edia tadikakadia, Sebanaia, Hodaia, Kelita, Pelaia, Hanana,

¹¹Mika, Rehoba, Hasabaia,

¹²Sakuru, Serebaia, Sebanaia,

¹³Hodaia, Bani, Beninu.

¹⁴Paroso, Pahata Moaba, Elama, Satu, Bani,

¹⁵Buni, Asagada, Bebai,

¹⁶Adonaisa, Bigevai, Adini,

¹⁷Atere, Hesekaia, Asuru,

¹⁸Hodaia, Hasumu, Besai,

¹⁹Haripi, Anatoto, Nebai,

²⁰Magapiasa, Mesulama, Hesiri,

²¹Mesesabele, Sadoka, Iadua.

²²Pelataia, Hanana, Anaia,

²³Hosea, Hananaia, Hasubu,

²⁴Halohese, Pileha, Sobeka,

²⁵Rehumu, Hasabana, Maseaia,

²⁶Ahaia, Hanana, Anana,

²⁷Maluku, Harimi, Banaha.

²⁸“Ita, Israela bese taudia hahelagaia taudia, Levi taudia, Dubu Helaga gimaia taudia, Dubu Helaga ane abia taudia, Dubu Helaga ena hesiai taudia, bona Dirava ena Taravatu hegeregerena, inai tano dekenai noho idau bese taudia dekena amo ita raka siri noho taudia, bona iseda adavadia bona iseda natudia, mai edia aonega hegeregerena ibounai ese,

²⁹iseda lohia taudia danu gwauhamata metauna bona helagana ita karaia inai, Dirava ena Taravatu, iena hesiai tauna Mose dekenai ia henia gauna, do ita badinaia, bona Lohiabada, iseda Dirava ena oda ibounai, bona iena hadibaia hereva danu do ita badinaia, bona kara be do ita karaia.

³⁰“Ita ese iseda natudia hahine be idau bese taudia dekenai do ita henidia lasi, bona idia edia natudia hahine do ita abia lasi, iseda natudia tau do idia adavaia totona.

³¹“Bona bema idau bese taudia ese Sabati Dina o dina helagana ta dekenai kohu o uiti idia mailaia, do ita hoia totona, ita ese do ita hoia lasi. “Lagani namba 7 ibounai lalonai uma anina do ita haboua lasi, bona iseda heniatorehai ibounai do ita gwauatao, bona laloaboio ore.

³²“Ita gwauhamata danu inai, lagani ta ta ibounai ita ta ta ese siliva ena metau 5 garam be Dubu Helaga ena gaukara totona do ita henia.

³³“Ma inai danu do ita karaia: Paraoa helagana, bona paraoa bouboudia, bona idia gabua ore bouboudia, Sabati Dinadia dekenai, Hua Matamatadia ariadia, idia gwauraia ariadia, harihari gaudia helagadia, kara dika bouboudia, Israela ena dika kokia totona gaudia, bona iseda Dirava ena Dubu Helaga ena gaukara orena ibounai danu.

³⁴“Ita ese danu, hahelagaia taudia, bona Levi taudia, bona taunimanima ese lagani ta ta ibounai, laki gadara dekena amo do ita davaria, daika bona daika iduhu taudia ese lahi gabua audia do idia mailaia, iseda Dirava ena Dubu Helaga lalonai, Lohiabada ena bouboudia do idia gabua totona, Taravatu lalonai idia torea hegeregerena.

³⁵“Ita gwauhamata danu inai, iseda tano edia anina matamatadia, bona iseda huahua audia ibounai vara guna anidia, be lagani ta ta dekena amo Lohiabada ena Dubu do ita abia lao.

³⁶“Bona ita ibounai iseda natudia tau vara gunadia be hahelagaia taudia, Dubu Helaga dekenai, do ita abia lao, Dirava dekenai do ita henia, Taravatu lalonai ia torea hegeregerena. Iseda boromakau, mamoe bona nanigosi edia vara guna natudia danu, be Dubu Helaga dekenai, Lohiabada dekenai do ita henia.

³⁷“Ita ese danu lagani ta ta ibounai iseda uiti ena anina vara guna dekena amo karaia paraoa keke, be hahelagaia taudia, Dubu Helaga dekenai, do ita abia lao. Iseda uaina matamata, olive dehoro matamata, bona au huahua idauidau edia vara guna gaudia danu, idia dekenai do ita henia. “Iseda tano ena anidia danu do ita karoa, karoa 10, bona unai 10 dekena amo, karoa ta be iseda Dirava ena Dubu dekenai do ita abia lao, Levi taudia dekenai do ita henia.

³⁸Levi taudia ese inai karoa ta idia abia neganai, Arona besena, hahelagaia taudia be idia danu do idia noho. Bona Levi taudia ese unai karoa ta, be ma do idia karoa, karoa 10, vadaeni unai 10 dekena amo karoa ta be iseda Dirava ena Dubu ena kohu haboua daiutu dekenai do idia haboua.

³⁹“Israela taudia bona Levi taudia ese harihari gaudia, aniani bona uaina bona olive dehoro, be Dubu Helaga ena kohu haboua daiutudia dekenai do idia atoa vareai. Unai daiutudia dekenai Dubu ena kohu haida idia noho, bona hahelagaia taudia, Dubu gaukara idia karaia noho taudia, bona iduara gimaia taudia, bona ane abia taudia danu unuseni idia noho. “Iseda Dirava ena Dubu Helaga do ita naria namonamo momokani. Do ita laloaboio lasi momokani.”