Read Buka Helaga (Hiri Motu) 1993 NEHEMIA 11 Bible Online

NEHEMIA 11 - Buka Helaga (Hiri Motu) 1993 bible

NEHEMIA 11

¹Bese gunalaia taudia be Ierusalema dekenai idia noho. Taunimanima oredia ese laki gadara dekena amo idia abia hidi, taunimanima 10, 10, dekena amo ta, ta, be hanua helagana dekenai do idia noho, to oredia 9 be edia hanua korikori ta ta dekenai do idia noho.

²Unai neganai taunimanima haida, be sibodia idia ura dainai, Ierusalema dekenai idia lao, unuseni do idia noho totona. Taunimanima oredia ese unai taudia idia hanamoa bada.

³Iuda ena hanua ta ta dekenai taunimanima ta ta edia tano, edia tano dekenai idia noho, edia hanua korikori dekenai, Israela taudia, hahelagaia taudia, Levi taudia, Dubu Helaga ena hesiai taudia, bona Solomona ena hesiai taudia edia bese taudia. Iuda basileia ena lohia taudia, Ierusalema dekenai noho taudia be inai:

⁴Iuda iduhu taudia. Ataia, Usaia ena natuna, Usaia be Sekaraia ena natuna, Sekaraia be Amaraia ena natuna, Amaraia be Sepataia ena natuna, Sepataia be Mahalalela ena natuna, Mahalalela be Perese ena bese, bona Perese be Iuda ena natuna.

⁵Bona Maseaia, Baruku ena natuna, Baruku be Kolohose ena natuna, Kolohose be Hasaia ena natuna, Hasaia be Adaia ena natuna, Adaia be Ioiaribi ena natuna, Ioiaribi be Sekaraia ena natuna, Sekaraia be Sela ena natuna, bona Sela be Iuda ena natuna.

⁶Perese ena bese taudia ibounai Ierusalema dekenai idia noho, be goada taudia 468.

⁷Beniamina iduhu taudia. Salu, Mesulama ena natuna, Mesulama be Ioede ena natuna, Ioede be Pedaia ena natuna, Pedaia be Kolaia ena natuna, Kolaia be Maseaia ena natuna, Maseaia be Itiele ena natuna, Itiele be Iesaia ena natuna.

⁸Bona Gabai bona Salai, idia danu be Salu ena bese taudia. Beniamina taudia ibounai 928 be Ierusalema dekenai idia noho.

⁹Ioela Sikiri ese idia ia gunalaia, bona Iuda Hasenua be iena iharuana, Ierusalema lalonai.

¹⁰Hahelagaia taudia. Iedaia Ioiaribi, Iakini,

¹¹Seraia, ia be Hilekaia ena natuna, Hilekaia be Mesulama ena natuna, Mesulama be Sadoka ena natuna, Sadoka be Meraioto ena natuna, Meraioto be Ahitubu ena natuna. Ahitubu be Dirava ena Hahelagaia Tauna Badana.

¹²Inai iduhu ena taudia ibounai 822 be Dubu Helaga lalonai idia gaukara. Bona Adaia, ia be Ierohama ena natuna, Ierohama be Pelalaia ena natuna, Pelalaia be Amasi ena natuna, Amasi be Sekaraia ena natuna, Sekaraia be Pasahuru ena natuna, Pasahuru be Malekaia ena natuna.

¹³Inai iduhu ena taudia ibounai 242 be bese lohia taudia. Bona Amasahai, ia be Asarele ena natuna, Asarele be Asahai ena natuna, Asahai be Mesilemoto ena natuna, Mesilemoto be Imere ena natuna.

¹⁴Inai iduhu taudia ibounai 128 be tuari taudia goada herea. Edia gunalaia tauna be Sabediele Hagedolimi.

¹⁵Levi taudia. Semaia, ia be Hasubu ena natuna, Hasubu be Asarikama ena natuna, Asarikama be Hasabaia ena natuna, Hasabaia be Buni ena natuna.

¹⁶Sabetai bona Iosabada be Levi taudia edia lohia taudia rua, bona idia ese Dubu Helaga ena murimurinai gaukara idia naria.

¹⁷Bona Matanaia, ia be Mika ena natuna, Mika be Sabidi ena natuna, Sabidi be Asapa ena natuna. Matanaia ese Dirava hanamoa guriguri, ane dekenai Dubu Helaga lalonai idia gwauraia gauna ia hamatamaia. Bakabukaia, ia be Matanaia ena durua tauna. Bona Abida, ia be Samua ena natuna, Samua be Galala ena natuna, Galala be Iedutunu ena natuna.

¹⁸Levi taudia ibounai 284 be hanua helagana, Ierusalema dekenai idia noho.

¹⁹Dubu Helaga gimaia taudia. Akubu bona Talemono, mai edia tadikakadia danu, Dubu ena iduara idia gimaia taudia be ibounai 172.

²⁰Israela taudia oredia, bona hahelagaia taudia, bona Levi taudia oredia, be Iuda hanua ibounai edia lalonai idia noho, ta ta edia tano, edia tano dekenai.

²¹To Dubu Helaga ena hesiai taudia be Opele ena ororo dekenai idia noho, bona Siha bona Gisipa ese unai hesiai taudia idia biagua.

²²Ierusalema lalonai Levi taudia ia biagua tauna be Usisi, ia be Bani ena natuna, Bani be Hasabaia ena natuna, Hasabaia be Matanaia ena natuna, Matanaia be Mika ena natuna, Mika be Asapa ena bese tauna, ane abia taudia ta. Inai iduhu taudia ese Dubu Helaga ena tomadiho gaukara idia naria.

²³Badina be king ese oda ia gwauraia vadaeni, unai Dubu Helaga lalonai ane abia taudia, dina ta ta edena bamona, bona edena negai, edia gaukara do idia karaia.

²⁴Petahaia Mesesabele, Sera Iuda ena bese tauna ta, be Parasa king ena hereva gwauraia tauna, bona ia ese taunimanima edia hereva, bona edia laloa gaudia king dekenai ia hamaoroa.

²⁵Taunimanima momo be hanua maragidia dekenai idia noho, edia uma gabudia bona edia tano kahirakahira. Iuda iduhu taudia be Kiriata Araba, bona Dibona bona Iekabasele, mai edia hanua maragidia danu dekenai idia noho.

²⁶Bona Iesua bona Molada bona Bete Pelete lalonai danu idia noho.

²⁷Edia noho gabudia haida danu be Hasara Suale,

²⁸bona Bere Sieba, mai ena hanua maragidia danu, bona Sikilaga, bona Mekona, mai edia hanua maragidia danu.

²⁹Bona Ene Rimono, bono Sora, bona Iaramutu,

³⁰bona Sanoa bona Adulama, mai edia hanua maragidia danu, bona Lakisi, mai ena biru tano danu, bona Aseka, mai ena hanua maragidia danu. Unai dainai Iuda iduhu taudia be Bere Sieba, diho kahana dekena amo, ela bona Hinoma, mirigini kahana dekenai idia noho.

³¹Beniamina iduhu taudia edia noho gabudia be: Geba, Mikimasa, Ai, Betele, bona edia hanua maragidia danu,

³²bona Anatoto, Nobu, Ananaia.

³³bona Hasoro, Rama, Gitimi,

³⁴bona Hadidi, Seboimi, Nebalata,

³⁵bona Lodu, Ono, bona Ima Gaukara Diba Momo Taudia edia Koura dekenai danu idia noho.

³⁶Levi taudia edia orea haida Iuda tano dekenai idia noho, be Beniamina tano dekenai idia hanaia lao, Beniamina taudia danu idia noho hebou.